Yakhuda 1:6 - Mewar Alqawarang

⁶ Yang nu̱ ru̱ktiku ɓu̱ Magham nu̱ke nu̱ ching nu̱ ye maa nu̱ Magham saki wor nu̱ su̱ ku ɓa, tu̱ njig ye maa khar ɓaanda, Zhinkir gwaanji wa khi wor nu̱ mbu̱ zhum maari. Tu̱ gu̱n wor gha ndu̱ yakhli koɗokhsi ɓa ma yir ye sarchi kumar ye fu̱ɗar gwaanji nu̱ke a ɓar nang.

Yakhuda 1:6 ပူးပေါင်းရင်းမြစ်များ

Matta 10:15

Zhire nga zu̱ran ye nu, fu̱ɗar wuri, ka duk ndu̱ tu̱kti zhiyaye ɓu̱ Sodom ndu̱ Gomora ye nduki nu̱ mbu̱ ghai nang.

Matta 25:41

“Kom ka ze nduki nu̱ ɗyin bu̱n gu̱ɗawang za, ‘Ɗu̱ma ya ɓar fan, tun nu̱ miiki barke ɓaanu, vima nu̱ mbu̱ ɓai nu̱ke nu̱ka shi piita ɓa yang tu̱b su̱ ɓa, nu̱ daasaki ye sheɗan ndu̱ nu̱ ru̱ktiku ɓaran.

Matta 8:29

Tu̱ ghwat zhaano ku tu̱ zu̱ ku za, “Nu̱m baki ndu̱ chema, Yi ɓu̱ Magham? Ta ɓakya ma vu̱r bonye yerem me ku̱ sarchi ni shi mu?”

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Romeku 2:5

Yang kaaku̱ɗakh ɗyin, ndu̱ kaaku̱ɗakh memu̱nar nu̱ke ta shiran nang, ta tabakya kumar ye ɗyinoro, yang a buroro ye Fu̱ɗar shokhnar ɓu̱ Magham, nang ke sarchi nu̱ke a ma wut kumar toropndi ɓu̱ Magham.

Afiseku 6:12

Ai, dakhlar ɓaaremang chem a shiran ndu̱ nduk wa chem ɓa. Chem a shiran ndu̱ khu̱kheetiku nu̱ mu̱narku nu̱ke a mu̱na viɗi. Kom ndu̱ nu̱ kwaaɗarku, ndu̱ nu̱ zalaleku, ndu̱ wor nu̱ke kwaaɗar qaandi virkir zhumndi nang a kha wora.

Yibraniyeku 10:27

Me ɓu̱ nang kumar a nje nu̱ke ɗya ɗye sawa su̱yen ndu̱ gu̱rgu̱r ɓai nu̱ke ka ɓa vaki nu̱ zhangndiku ɓu̱ Magham.

2 Bitu̱rus 2:4

Aa nu̱ ru̱ktiku ɓu̱ Magham, sarchi nu̱ shiki zop ku zhu, nu̱ Magham njig wor ɓa, wa mbuk wor nu̱ mbu̱ giɗim ɓai. Tu̱ gu̱n wor nu̱gha mbu̱ geeku kirkandi nu̱ke maaran zhum. A bu fu̱ɗar kumari.

2 Bitu̱rus 2:9

Mbu̱ yang ɗyiku nang wanang Magham wa zu̱n ɗyi nu̱ke chin ka shiki ma ɗana nu̱ sawar nda ku mbe buuriku ɓaanda. Magham wa zu̱n ɗyi nu̱ke chin ka shiki chin njig nu̱ mu̱narku mbu̱ bonye ɓaanda kope sarchi kumari.

Yakhuda 1:13

A khar wa zo ɗyim nu̱ka gu̱rki nu̱ viɗi a me yirti mbu̱ gaawu gwaanji, a pakh ɗyin wor ku mbu̱ ɗye kawar ɓaanda wa khubulbutli ɗyim. A khar wa anjinjeku nu̱ke a baara maaku bam bam, zhum maɗyikandi nu̱ke koɗokhsi ɓa a nje du̱ngdan ku̱me wora.

Ɗyin mbu̱ tukari 20:10

Yang chin Nu̱ Mu̱nar nu̱ lambaki worang, tu̱ mbukti nda nu̱ mbu̱ giɗim ɓai gu̱rgu̱rndi nu̱ ɓai solfa, ye maa nu̱ mbukki dlu gaari nang nu̱ mban su̱yen ndu̱ annabi kotame nang. Ka za bonyeku fara virkir ndu̱ fu̱ɗari, aakochi koɗokhsi ɓa.

Ɗyin mbu̱ tukari 20:2

Tu̱ ku̱s geema su̱tang, chin su̱ti nu̱ zhu nang, chin ke nu̱ mu̱narang, ndu̱ Sheɗan tu̱k, tu̱ gu̱n nda gha me sonyi du̱pu.