Yakhuda 1:3 - Mewar Alqawarang

³ Raptaku nu̱ke nga ndolaran, aa nu̱ke nga kasha bu̱laran ye nu ɗyine ɗanar ɓaarem nang. Yang qu̱rsan tang na wa ku̱s ku̱ bu̱la nga ye nu tang khutonu ku̱ shi nu wute maɗyi, ku̱me ɓalar maito ɓaarem nu̱ Magham saki nu̱ mbu̱ khar nu̱ mburi nda ku, sar kaada ye kharki.

Yakhuda 1:3 ပူးပေါင်းရင်းမြစ်များ

Tlu̱nar ɓu̱ Pudeku 17:3

A zu̱ mban ye wora, a wutan ye wor za wa ku̱s ku̱ Masiya za bonye shwat tu̱ ji mbe mu̱ti tu̱k. Tu̱ Bulus zu̱ tu̱k za, “Chin Yesu nu̱ke nga ɓalar ɓaran ye nu nang, chin ke Masiya.”

Tlu̱nar ɓu̱ Pudeku 18:28

Ku̱me wa ra Yakhudeku maɗyi gume nduki, a wutan ye wor shwat mbu̱ lagarkati ɓu̱ Magham nu̱ ɗyine Yesu chin ke Masiya.

Tlu̱nar ɓu̱ Pudeku 20:27

ku̱me nang zhang zu̱ kap shimndi ɓu̱ Magham gha ye nu ɓa ɗo.

Tlu̱nar ɓu̱ Pudeku 28:28

“Yang zu̱n man gha, Magham wa ru̱k labar gwar ɗanari nu̱ she nduki nu̱ke ɗya Yakhudeku ɓa. Yang ka dlu̱ ku.”

Tlu̱nar ɓu̱ Pudeku 4:12

“Yang gwar ɗanar a nje nu̱ ku̱nshe njif nggur zum ɓa, ku̱me nu̱ vu̱r dlu̱m nggur ye njif nggur mbu̱ larji nang za nduk ka gwa ɗana nu̱ ku̱nshe nda shwat ɓa.”

Tlu̱nar ɓu̱ Pudeku 6:7

Tu̱ ɓalar ɓu̱ Magham shaata yir aa fu̱n. Tu̱ nu̱ mbu Yesu ku shaata shir khang maɗyi mbu̱ ghai Urshalima. Kuruku khang tu̱ maita labar mbarkandang.

Tlu̱nar ɓu̱ Pudeku 9:13

Tu̱ yang Khananiya tlogha za, “Zhinkir gwaanji, nga tu̱k labar ɓu̱ khuski nang she nduki khang ndu̱ pooni mu̱nar nu̱ shiki ye nu̱ mburoku Urshalima.

Tlu̱nar ɓu̱ Pudeku 9:22

Yang kap ndu̱ nang tu̱ Shawulu shaata gwar du̱mbu̱ri, a za ɗyin Yakhudeku nu̱ke a Damaskus, a wutan ye wor ye dalangi za Yesu ke Masiya.

1 Korintiyeku 15:3

Ɗyi nu̱ dukki ndu̱ boota maɗyi mbu̱ ɗyiku nang zu̱ki ye nu, chin ke ɓalar nang dlu̱ki za, Masiya wa mu̱t ku̱me solar ɓaarem, ba wa nu̱ Bu̱lar ɓalar ɓu̱ Magham zu̱ki.

Galatiyeku 2:5

yang nyem vu̱r zalale ni ye wor sar da ɓa, ma ku̱ zhire ɓu̱ Labar mbarkandi nang kha gha su̱yen ndu̱ tunu.

Galatiyeku 3:28

Ku̱me nang, nduk ɓu̱ shakh chele ɓu̱ Yakhudeku ndu̱ Khelene ku ɓa, woi ndu̱ maava ɓa, yang nusu ndu̱ khusku tu̱k zum ɓa. Kap ɓaarem chem ɗyi dandi mbu̱ khar ɓaarem mbe Masiya Yesu.

Galatiyeku 6:11

Nggu̱t ma bu̱lar rututundi nang bu̱laki ye nu ndu̱ khara ka!

Afiseku 1:1

Nga Bulus pude ɓu̱ Masiya Yesu mbe shimndi ɓu̱ Magham kya bu̱la lagarkati nang, ma yir she nduki ɓu̱ Magham nu̱ke a mbu̱ ghai Afisa, nu̱ shir zhire ku mbe mbu Masiya Yesu.

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Kolosiyeku 1:2

Ma yir she nduki ɓu̱ Magham shakhshakhndi nu̱ shir zhire ku mbe Yesu Masiya nu̱ke a nje kharan mbu̱ ghai Kolosi. Ku̱ mu̱nkir ndu̱ qaandi memu̱nar ɓu̱ Magham Zhinerem kha gha su̱yen ndu̱ tunu.

1 Tasalonikeku 2:2

Aa nu̱ke chem wa za bonye ndu̱ pu̱zi mbu̱ ghai Filipi, ba wa nun zu̱nki, Maghamndi ɓaarem wa pa du̱mbu̱r yerem ma ku̱ wopa mi Labar Mbarkandang ye nu, kap ndu̱ kare nu̱ke a shiran ku ndu̱ chem.

1 Timoti 1:18

Yi ɓanga, Timoti, nga zu̱ ɗyiku nang yor ku̱me ɗyiku nu̱ Magham zu̱ki nu̱ ɗyine ro ɗau fara. To ka shi wute mbarkandi maɗyi mbu̱ ta mbu ɗyiku nang zu̱ki yor nang,

1 Timoti 6:12

Shi dakhlar maito mbarkandi. To dlu̱ ɗye ɓi nu̱ nyifiri nu̱ke nu̱ka shi woɗa ɓa, ku̱me qa ma nang, sarchi nu̱ke to shiki saidu mbarkandi gume saiduku khangndang.

2 Timoti 1:13

Khuɓ shogar zhirekandi no tu̱kki sha nang, tu̱ kha ma njiv shogar mbarkandi yoro, mbe maito ndu̱ ndolar nu̱ke ɗya ɓaarem mbe Masiya Yesu.

Titus 1:4

Ma yir she Titus, woi ɓanga zhirekandi mbe maito nu̱ke a kha rem kap. Mu̱nkir ndu̱ qaandi memu̱nar na viki she Magham Zhinki, ndu̱ Masiya Yesu Nu̱ Ɗanar rem ku̱ kha gha su̱yen ndu̱ to.

Yibraniyeku 13:22

Nyeezaku, Nga khutonu, tun shi kaɗanyi ndu̱ wuro nu nang shiki, ku̱me nang bu̱la ɓalar kirkandi ye nu ɓa ɗo.

Yibraniyeku 6:9

Raptaku, aa nu̱ke chem a pooni ɓalar nang, chem wa maita nu̱ ɗyine ɓaanu tun wa dlu̱ barke nu̱ dukki mbaari qu̱rse ɗanar ɓaanu.

1 Biturus 5:12

Nga bu̱la lagarkati koɗommandi nang ye nu ndu̱ shaatar ɓu̱ Sila, nu̱ke nga da nda ɗya khachinkir maitokandi yang nga na wa khu̱l ku̱ qa nga nda nu̱ shir zhire. Nga pa du̱mbu̱r ye nu, wut nga yenu nang ke mu̱nkir ɓu̱ Magham zhirekandi. Ku̱me nang ching man mbe mu̱nkir ɓu̱ Magham nang ndu̱ du̱mbu̱r.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

2 Bitu̱rus 2:21

Tu̱ga pooni nduki nang nu̱ zu̱n njiv dambi ku sar da mbu̱ khar viti ɓaanda ɓa, ka duk ye wora. Yang wonji, qu̱rse wa zu̱n njivang ku, tu̱ yang gaɓ nu̱ gana ku tu̱ njig mburi zu̱r shakhshakhndi nu̱ vu̱rki ye wor nang.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Yakhuda 1:17

Yang raptaku nu̱ke nga ndolaran, kor ma ndu̱ ɗyi nu̱ pudeku ɓu̱ Zhinerem gwaanji Yesu Masiya zu̱ki za ka ɓa shi.

Yakhuda 1:20

Yang tun raptaku nu̱ke nga ndolaran, tun ki gwaari mbe maito ɓaanu shakhshakhndi nang. Tun ki barar mbu̱ zalale ɓu̱ Jiimbi shakhshakhndi.

Ɗyin mbu̱ tukari 12:11

Tu̱ yang zu̱m du̱mbu̱r ɓaran nu̱ ku̱nshe tom ɓu̱ Ye Gamndang, ndu̱ ɓalar nu̱ saidaki ku, jiwa nu̱ shim nyifi ɓaanda maɗyi nu̱ke ku̱ ku̱na vu̱rtan ɓa, aa ka tlagha kya wora.

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.