Yakhuda 1:20 - Mewar Alqawarang

²⁰ Yang tun raptaku nu̱ke nga ndolaran, tun ki gwaari mbe maito ɓaanu shakhshakhndi nang. Tun ki barar mbu̱ zalale ɓu̱ Jiimbi shakhshakhndi.

Yakhuda 1:20 ပူးပေါင်းရင်းမြစ်များ

Tlu̱nar ɓu̱ Pudeku 15:9

Nu̱ shakh chele ɓaarem ndu̱ wor ɓa, ku̱me wa sa memu̱na wor tu̱ kha shakhshakh nu̱ ku̱nshe maitar Yesu nu̱ shiki ku.

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Tlu̱nar ɓu̱ Pudeku 6:7

Tu̱ ɓalar ɓu̱ Magham shaata yir aa fu̱n. Tu̱ nu̱ mbu Yesu ku shaata shir khang maɗyi mbu̱ ghai Urshalima. Kuruku khang tu̱ maita labar mbarkandang.

Tlu̱nar ɓu̱ Pudeku 9:31

Kom tu̱ nu̱ mbu Yesu ku nu̱ Yakhudiya ndu̱ Galili ndu̱ Samariya gwa qaandi memu̱na. Tu̱ me bu̱n wor shi shokhku̱rokh tu̱ gwa du̱mbu̱r ku ku̱nshe shaatar ɓu̱ Jiimbi shakhshakhndi. Tu̱ shaata ku maɗyi, a khar ɓaanda ndu̱ sawar Zhinkirang.

Romeku 15:2

Bu ku̱ aaki mu̱n mbu̱ mu̱dlen ma ku̱ zu̱m boote ni tu̱ shaata nda mbe maito ɓaran.

Romeku 8:15

Jiwa Jiimbi nu̱ vu̱rki ye nwang ɗya nu̱ khar maava ɓa, nu̱ke tun ka tu̱kki sawa ɓa. Ɗya Jiimbi nu̱ gaɓki ndu̱ chem ma qusonggi ɓu̱ Magham, chem a qa Magham, nyem za, “Aba! Zhinki!”

1 Korintiyeku 1:8

Ka sa tun kha ndu̱ du̱mbu̱r tu̱k ma yir ye lauɗar san, ma ku̱ kha nu waare zop ye fu̱ɗar nu̱ke Zhinerem gwaanji Yesu Masiya kaɗa gaɓki.

1 Korintiyeku 10:23

A zu̱ran ku za, “Wa njigterem ku̱ shi mi aa nyi tunu” yang aa nyi tun ke boota si ɓa. A zu̱ran ku za, “Wa njigterem ku̱ shi mi aa nyi tunu” yang aa nyi tun ka shaataki nduk ɓa.

1 Korintiyeku 14:15

Yang shi nga kya nu̱ma? Ngga shi barar ndu̱ jiimba, yang ngga shi tu̱k ndu̱ kwaari ɓanga. Ngga shi taazi gwaari dlu̱m Magham ndu̱ jiimba, yang ngga shi ndu̱ kwaari ɓang tu̱k.

1 Korintiyeku 14:26

Yang tun ka shi kim ɗo nyeezaku? Mbu̱ tun wa taba kap, yang njif nggur a qa taazi gwaari dlu̱m Magham, njif nggur a shikya shogar ɓara, njif nggur a ɓalar ndu̱ mewar me ghin, njif nggur a zu̱kya ɗyi nu̱ Magham wutki yenda. Yang ɓu̱ njif nggur a zu̱kya mbu̱ ɗyi nu̱ke nu̱ mewar me ghayang a zu̱ran, shi ma aa nu̱m ma ku̱ nduki gwa shaata tu̱ gor ku.

Galatiyeku 4:6

Nu̱ke tun qusonggi ɓaran tu̱ Magham a ru̱k nu̱ Jiimbi Yi ɓaran nu̱ mbu̱ memu̱na nu, a qa Magham za, “Aba, Zhinki.”

Afiseku 4:12

Shi nang ma daasa nduki ɓu̱ Magham ku̱ da kuɗar tlu̱nar ma du̱ndi man var Masiya.

Afiseku 4:16

Nu̱ ku̱n she nda me bar ɓu̱ nduk kap a ku̱s yen ku ku̱me tlu̱nar nu̱ shaatar ɓu̱ gu̱rauku. Mbu̱ aa nyi me ba a tlu̱nar ɓaran torop, man var nduk ka ki shaata gwaari a mbu̱ndi mbe ndola.

Afiseku 4:29

Ku̱ ɓalar malkandi a vi mbu̱ me nu ɓa, zu̱ ma kya ɗyi nu̱ke ka khaki ndu̱ boota ma ku̱ pa nu du̱mbu̱r ye yen wa nu̱ke a gangndan ku. Shir wanangang ka sa tu̱ ɓalar ɓaanu kha ndu̱ boota ye nduki nu̱ke a tu̱ktan.

Afiseku 6:18

Tun ki barar mbe zalale ɓu̱ Jiimba aa nyi sarchi, ndu̱ aa nyi pooni bararku ndu̱ khutiku, kha ma daasaran aakochi tun zu̱m guma ndu̱ barari ye nduki ɓu̱ Magham.

Kolosiyeku 2:7

Shi ma dlu̱dlarsi mbe nda tun ku̱s tun du̱ng khar viti ɓaanu nu̱ ɗyine nda, tun shi du̱mbu̱r nu̱ si mbu̱ maito ɓaanu, ba wa nyem shogaki ye nu, tun a kuna nda aa nyi sarchi.

1 Tasalonikeku 5:11

Ku̱me nang pa ma du̱mbu̱r ye yen, tun ki du̱n yen, ba wa nu̱ke tun a shiran leendang.

1 Timoti 1:4

Yang to ze wor no za ku̱ gwa nda dlu̱mdi wor ye shinjiku ndu̱ njeetli su̱ dlu̱m zhikankirku nu̱ke nu̱ka shi lauɗa ɓa nda ɓa. Pooni ɗyi nang kaɗa ɓakya ndu̱ keele, ɓu̱ ɗa ɓa nu̱ zu̱mndi gume ɓu̱ tlu̱nar ɓu̱ Magham nu̱ ku̱nshe maito ɓa.

2 Timoti 1:5

Wa kor maito ɓa zhirekandi ya, nang ke pooni maito ɓu̱ zhiko Loyis, ndu̱ mo Yunis, yang leendang nga zu̱n shwat a nje mbe ro.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Yaqub 2:22

Na ma maito nu̱ke a su̱yen ndu̱ tlu̱nar ɓaranang ɗo, maito ɓaranang kha nyeedlan nu̱ ku̱nshe tlu̱nar ɓaran.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

1 Yokhana 5:4

jiwa aa nyi yi ɓu̱ Magham ka zu̱m loobo ɗyin larji. Maito ɓaarem mbe Masiya ke nu̱ sa rem chem ki ra wute nang.

Yakhuda 1:3

Raptaku nu̱ke nga ndolaran, aa nu̱ke nga kasha bu̱laran ye nu ɗyine ɗanar ɓaarem nang. Yang qu̱rsan tang na wa ku̱s ku̱ bu̱la nga ye nu tang khutonu ku̱ shi nu wute maɗyi, ku̱me ɓalar maito ɓaarem nu̱ Magham saki nu̱ mbu̱ khar nu̱ mburi nda ku, sar kaada ye kharki.

Ɗyin mbu̱ tukari 13:10

Njif nu̱ shimki nda ndu̱ tlu̱nar maava, ka ɗu̱kya ndu̱ chin ma tlu̱nar maava. Njif nu̱ shimki ku̱ tlagha nda nu̱ gha ndu̱ kaskari, ka tlagha nda ndu̱ kaskari. Ɗyinang a shimkya daati ɓu̱ Magham ku̱ kha nu̱ kanaɗyi ndu̱ gu̱ndi memu̱nar du̱mbu̱rkandi ndu̱ maito ɓu̱ nu̱ mburi Magham.