Yakhuda 1:15 - Mewar Alqawarang

¹⁵ ka kuma aa nyi nduk da ka dla kumar ye nu̱ song mburi Magham. Kom ndu̱ kap tlu̱nar song mburi Magham nu̱ tlu̱naki ku ɗyin njiv song mburi Magham. Yang tu̱k ka kuma kap maatli ɓalarku nu̱ke nu̱ solar song mburi Magham ku zu̱ki nu̱ ɗyine nda.”

Yakhuda 1:15 ပူးပေါင်းရင်းမြစ်များ

Yokhana 5:27

Wa vu̱r zalale kumar yenda tu̱k ku̱me ɗya Yi ɓu̱ nduku.”

Tlu̱nar ɓu̱ Pudeku 17:31

Ku̱me wa sa sarchi nu̱ke chin ka kumaki larji mbe zhire nu̱ ku̱nshe njif nggur nyin datki. Magham wa wut zhire ni shwat nu̱ daki nda nu̱ viɗi nu̱ nyifiri mbe mu̱ti.”

Romeku 14:10

Yang to ɗa, nu̱m saki to ki kuma mu̱dlwang na? To yang tu̱k, nu̱m saki to ki ndu̱m mu̱dlwang na? Kap ɓaarem chem ka ɓa ching gha gume zhakhɗye kumar ɓu̱ Magham.

Romeku 2:16

Ku̱me nang, ba wa nu̱ Labar mbarkandi nu̱ke nga waazu ɓaran nang zu̱ki, ka ɓa kha wanang Fu̱ɗar nu̱ke Magham, nu̱ ku̱nshe Yesu Masiya ka ɓa kumaki ɗyiku nu̱ke a nje tukaran mbu̱ kwaari ɓu̱ nduki.

Romeku 2:5

Yang kaaku̱ɗakh ɗyin, ndu̱ kaaku̱ɗakh memu̱nar nu̱ke ta shiran nang, ta tabakya kumar ye ɗyinoro, yang a buroro ye Fu̱ɗar shokhnar ɓu̱ Magham, nang ke sarchi nu̱ke a ma wut kumar toropndi ɓu̱ Magham.

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

1 Korintiyeku 5:13

Magham ka kumaki nduki nu̱ke a su̱yen ndu̱ chem ɓa. Komba ma nduk malkandi nang ɓar chele ɓaanu.

1 Timoti 1:9

Chem wa zu̱n tu̱k za nu̱ vu̱r bibitang ye nu̱ dambu ɓa. Yang vu̱r bibitang ye nu̱ zhar bibitiku ndu̱ nu̱ zhangndi tu̱kti maa ku, ndu̱ nduki nu̱ke nu̱ zu̱n Magham ku ɓa. Kom ndu̱ nu̱ solarku, ndu̱ nduki nu̱ke shakhshakh ɓa, ndu̱ nduki nu̱ zhangki mburi njiv ɓu̱ Magham gha. Vu̱r bibitang ye nu̱ tlaghar zhin nda ndu̱ man nda, ndu̱ nu̱ ɗakhti ɗyinku.

Yakhuda 1:16

Nduki nang ɗya nu̱ ruru ku, a na zop ɓu̱ nduki aakochi. Shimndi ɗyi malkandi ke kwaari ɓaanda. Nyeedlan ku ndu̱ ɓalar bamndi nu̱ makhtar ɗyin vaanda. A lamba nduki nu̱ maghar ɓalari ma ku̱ gwa nda ɗyiku ye var wora.

Ɗyin mbu̱ tukari 13:11

Tang na dlu gaari nggur tu̱k, nu̱ke a viri vu̱ghai. Domndi ɓaran rap wa ye gamndi, tu̱ yang shi ɓalar wa geema Su̱tang.

Ɗyin mbu̱ tukari 22:20

Chin nu̱ saidaki ɗyiku nang kap wa zu̱ za, “I, nga nja ɓar ɗau!” Amin. A ɓo, Zhinkir gwaanji Yesu!