Yakhuda 1:1 - Mewar Alqawarang

¹ Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Yakhuda 1:1 ပူးပေါင်းရင်းမြစ်များ

Matta 10:3

Kom ndu̱ Filibus, ndu̱ Bartilomi, ndu̱ Toma, ndu̱ Matta nu̱ dlu̱r zhaanggali, ndu̱ Yaqub yi ɓu̱ Alfawus, ndu̱ Tadiyus,

Matta 13:55

“Chin ke woi ɓu̱ kafinte nang de? Maryam ke dlu̱m man ɓa goma, Yaqub ndu̱ Yusufu ndu̱ Siman ndu̱ Yakhuda ke khachinkirku ɓaran de?

Markus 3:18

Kom ndu̱ Andu̱rawus ndu̱ Filibus, ndu̱ Bartilomi, ndu̱ Matta, ndu̱ Toma, ndu̱ Yaqub yi ɓu̱ Alfawus ndu̱ Tadiyus, ndu̱ Siman ye Kanana,

Markus 6:3

Nang ke ba kafinte nang de, woi ɓu̱ Maryam khachin Yaqub ndu̱ Yusufu ndu̱ Yakhuda ndu̱ Siman, wonji khachinkirku ɓaran nusukandiku su̱yen ndu̱ chin de? Tu̱ kha ma ɗye shokhna ye wora.

Luka 6:16

Ndu̱ Yakhuda woi ɓu̱ Yaqub, kom ndu̱ Yakhuda Iskariyoti nu̱ masaki nda ɓara.

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Yokhana 14:22

Tu̱ Yakhuda (yang ɗya Iskariyoti ɓa) ze nda za, “Zhinerem gwaanji, nu̱m saki ta ma wut va yerem yang tom ɓu̱ wut va ye larji ɓa?”

Yokhana 15:16

Tun datki nga ɓa, nga datki nu, tang sa nga za ɗu̱ nu tun a tlu̱na ɗyiku mbarkandi, qusonggi nu̱ke ka khaki koɗokhsi ɓa. Kom Zhinkirang ka vu̱r ɗyi nun khuɗki mbu̱ dlu̱ma ye nu kap.

Yokhana 17:15

Nang khuɗ ku̱ da na wor ɓar mbu̱ larji ɓa, nga shim ku̱ shakh na chele ɓaanda ndu̱ Nu̱ mu̱narang.

Yokhana 17:17

Ku̱ kha wakaran ku Shakhshakh mbe zhire; ɓalar ɓa ke zhire.

Yokhana 17:19

Nga kha wakaran ku̱me wora, nga shim ku̱ gwa wakar zhirekandi ku.”

Yokhana 6:39

Yang njif nu̱ ɗa ru̱kki ngang nu̱ shim ku̱ mbu̱ɗ nga da chele nduki nyin vu̱rki ya ɓa, a shim nakha nga wor fu̱ɗar wuri.

Tlu̱nar ɓu̱ Pudeku 1:13

Nu̱ khu̱lki ku mbu̱ ghayang, tu̱ dlan ye maa khar ɓaanda mbu̱ dangkalyang. Nduki nu̱ke a ye maaranang ɗya Biturus ndu̱ Yokhana, ndu̱ Yaqub, ndu̱ Andu̱rawus, ndu̱ Filibus, ndu̱ Toma, ndu̱ Bartilomi, ndu̱ Matta, ndu̱ Yaqub yi ɓu̱ Alfawus. Kom ndu̱ Siman nu̱ka qaki nda za nu̱ zhiri ghai ɓaran, ndu̱ Yakhuda yi ɓu̱ Yaqub.

Tlu̱nar ɓu̱ Pudeku 20:32

“Yang leendang, nga sa nun mbu̱ khar Magham. Bu ku̱ ɓalar mu̱nkir ɓaran khutlo nu, chin ka du̱nki nu, tu̱ vu̱r me shakhti ɗye mbu̱ ge ɓaanu ye nu su̱yen ndu̱ nduki nu̱ wakaki var wora.

Tlu̱nar ɓu̱ Pudeku 27:23

Ku̱me mbu̱ɗa nu̱ ru̱kti ngguri ɓu̱ Maghamndi ɓanga nu̱ke nga ghar ghai yenda, tu̱k wa ching sha.

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Romeku 1:6

Tun a mban kap, tun nu̱ Magham qaki nu tun kha ma ɓu̱ Yesu Masiya.

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

Romeku 6:22

Yang leendang wa dli ɗyinonu, tun lawa mbe sola, tun wa kha ma maaviku ɓu̱ Magham. Boote ni chin ke tun wa kha wakaran, yang tun ka gwa nyifi nu̱ke ɓu̱ shi woɗa ɓa ku̱men.

Romeku 8:30

Yang nduki nu̱ Magham bu̱laki nu̱ ve worang, wor ke nduki nu̱ qaki. Nduki nu̱ qakyang, wor ke nduki nu̱ gaɓki ndu̱ wor tu̱ kha waare sola gume nda. Nduki nu̱ khaki waare solar gume ndang, wor ke nduki nu̱ vu̱rki zhaaji ye wora.

Romeku 9:24

Chem ke nduki nang, yang chem nu̱ Magham qaki, mbu̱ Yakhudeku ɗyenda ɓa, nduki nu̱ke ɗya Yakhudeku ɓa a mban tu̱k.

1 Korintiyeku 1:2

Ma yir she tabar ɓu̱ nu̱ mbu Magham ku nu̱ke a mbu̱ ghai Koranti. Tun nu̱ qaki nu ma ku̱ kha nu wakaran mbe Yesu Masiya Zhinerem gwaanji ndu̱ Zhinkir ɓaanu gwaanji tu̱k.

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

Afiseku 5:26

Ma ku̱ vu̱r nji nda shakhshakh ye Magham nu̱ ku̱nshe ɓalar ɓaran qu̱rse wa gaɓ ndu̱ chin tu̱ kha shakhshakh nu̱ ku̱nshe shiɓti nda nu̱ gha nu̱ shiki ndu̱ ɗyimi.

1 Tasalonikeku 2:12

Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

2 Timoti 4:18

Zhinkir gwaanji ka lawa nga ɓar mbe aa nyi ɗyi malkandi, ka khutlo nga, tu̱ ɗu̱ ndu̱ nga mbu̱ kwaaɗar ɓaran mbu̱ viɗi. Ku̱ zhaaji kha nda koɗokhsi shwat ɓa! Amin.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yaqub 1:1

Lagarkati nang ji she Yaqub maavi ɓu̱ Magham ndu̱ Zhinerem gwaanji Yesu Masiya, ma yir she me ghaiku gwaanggu̱m rapndi ɓu̱ Israila nu̱ lakhtaki nu̱ aa fu̱n mbu̱ larji. Nga qaandi ye nu maɗyi.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 1:5

Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

Yakhuda 1:21

Ku̱ kha man mbe ndolar ɓu̱ Magham, tun a bu ɓar ɓu̱ Zhinerem gwaanji Yesu Masiya nu̱ke mbu̱ ɗaanar ɓaran ka ɗu̱ ndu̱ tun mbu̱ nyifi nu̱ke nu̱ka shi woɗa ɓa.

Yakhuda 1:3

Raptaku nu̱ke nga ndolaran, aa nu̱ke nga kasha bu̱laran ye nu ɗyine ɗanar ɓaarem nang. Yang qu̱rsan tang na wa ku̱s ku̱ bu̱la nga ye nu tang khutonu ku̱ shi nu wute maɗyi, ku̱me ɓalar maito ɓaarem nu̱ Magham saki nu̱ mbu̱ khar nu̱ mburi nda ku, sar kaada ye kharki.