Tlu̱nar ɓu̱ Pudeku 8:9 - Mewar Alqawarang

⁹ Yang khuski nggur a nje dlu̱man Siman nu̱ka wutki me bilimku ɓaran zhu mbu̱ ghai Samariya. Nduki nu̱ mbu̱ ghayang kap a tu̱k lazham ɓu̱ ɗyi nu̱ke khuskyang a shiran. A kham ɗyinan za chin nduk gori.

Tlu̱nar ɓu̱ Pudeku 8:9 ပူးပေါင်းရင်းမြစ်များ

Yokhana 7:18

Njif nu̱ke a shoga ɗyi nu̱ke ɓaran ɓara, a shimkya gwar zhaaji she nduki. Yang njif nu̱ke a shim ku̱ njif nu̱ ɗa ru̱kki nda gwa zhaaji, chin ke nu̱ shir zhire, yang nu̱ka shi song zhire ɓa.

Tlu̱nar ɓu̱ Pudeku 13:6

Nu̱ baaraki maa mbu̱ chenjesang kap tu̱ khu̱l ku Pafos, tu̱ gama ku ndu̱ Yakhude nggur nu̱ me bilim, yang ɗya annabi kotame tu̱k, dlu̱man za Bar Joshuwa.

Tlu̱nar ɓu̱ Pudeku 13:8

Yang tu̱ Elimas nu̱ me bilimang (nang ke dlu̱man ndu̱ me Gu̱rik), keela ɓalar ɓaanda tu̱ shim su̱bu̱r aa nu̱m nu̱gha ma ku̱ nggomnyang maita ɓa.

Tlu̱nar ɓu̱ Pudeku 5:36

Mbu̱ sonyiriku nu̱ peetaki, khuski nggur a ɓa za chin a mbu̱ Tiyodas, nu̱ daki ɗyinan ma ɗyi ngguri. Nu̱ mburi nda ku wa khu̱l won vat, yang nu̱ tlaghaki nda nu̱ gha tu̱ lakhta nu̱ mburi nda kwang nu̱gha tu̱ maaran woɗa.

Tlu̱nar ɓu̱ Pudeku 8:11

A mburi nda ku ku̱me wa shoɓ a shi ɗye lazhamku ye wora.

2 Tasalonikeku 2:4

Chin ka ɓa shiki kare, tu̱ ɓa shi gwaari ɗyin tu̱ ɓa da ɗyinan guma ndu̱ ɗyi nu̱ke dlu̱m Magham a nje mban kap, ndu̱ ɗyi nu̱ka gharki ghai yenda. Ka ɓaa khan mbu̱ rafti ɓu̱ Magham, tu̱ ɓa zu̱ za chin ke Magham nggwa.

2 Timoti 3:2

Ku̱me nduki ka kha ma nu̱ shimndi ɗyin vaanda, nu̱ ndolar mu̱zhindi ku, nu̱ wakhti ku, nu̱ gwaari ɗyin ku, nu̱ pu̱ziku bam bam. Nu̱ song tu̱kti man nda ndu̱ zhin nda, nu̱ song wuti kuna, nu̱ shimndi khar mbu̱ zop ku,

2 Timoti 3:5

Dam a wutan ku za wor nu̱ zu̱ndi Magham, yang khar viti ɓaanda wa keela zalale nu̱ke a mban. Shakh ma ɗyinonu ndu̱ pooni nduki nang.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

Ɗyin mbu̱ tukari 22:15

Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.