Tlu̱nar ɓu̱ Pudeku 7:2 - Mewar Alqawarang

² Tu̱ tlogha za, “Nyeezaku ndu̱ zhinkirku ɓanga, gwa ma dlu̱mndonu ya! Magham nu̱ zhaaji wa wut ɗyinang ye zhikanerem Yibram sarchi nu̱ke a mbu̱ dlar ghai Mesopotamiya me ku̱ khan mbu̱ ghai Khaaran.

Tlu̱nar ɓu̱ Pudeku 7:2 ပူးပေါင်းရင်းမြစ်များ

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Luka 2:14

“Zhaaji ye Maghamndi nu̱ viɗi, mbu̱ larji yang ku̱ nduki nu̱ Magham tu̱kki mu̱ndi ɓaanda kha ndu̱ qaandi memu̱na.”

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 12:41

Yishaya zu̱ wanang ku̱me wa na zhaaji ɓu̱ Yesu tu̱ vu̱r labar ɓaran.

Tlu̱nar ɓu̱ Pudeku 22:1

“Nyeezaku ndu̱ kudaandiku ɓanga, gwa ma dlu̱mdonu ya tang zu̱ ɗyi nu̱ ɗatlki ye nu, tun zu̱n nu̱ ɗyine nang shi zop ɓa.”

Tlu̱nar ɓu̱ Pudeku 23:7

Zu̱r wanang tu̱ keele ji chele Pariseku ndu̱ Sadukeku tu̱ tabarang shakh san rap.

Tlu̱nar ɓu̱ Pudeku 7:1

Tu̱ gorkir ɓu̱ kurukwang zham Istafanus za, “Ɗyi nu̱ zu̱ki ku nang ɗya zhire mu?”

1 Korintiyeku 2:8

Nduk a nje chele ɓu̱ nu̱ kwaaɗarku nu̱ larji kap nu̱ daki mbu̱ kaɗari nang ɓa, mbu̱ wa gwa mban ku, tu̱ga nu̱ katl Zhinkir gwaanji nu̱ zhaaji nu̱gha ɓa.

Afiseku 1:17

Nga barar ma ku̱ Maghamndi ɓu̱ Zhinerem gwaanji Yesu Masiya, Zhinkir nu̱ zhaaji, ku̱ vu̱r Jiimbi ɓaran nu̱ka vu̱rki kaɗari ndu̱ wuti su̱ tunu ye nu, ma ku̱ gwa nu shaatar mbe zu̱ndi Magham.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 11:8

Maito saki tu̱ Yibram mbu zu̱r ɓu̱ Magham tu̱ ku̱s njiv ma yir ye maa nggur zum nu̱ shiki alqawaran yenda za ka ɓa zu̱m ɗye mbu̱ ge ni. Tu̱ yang ku̱s njivi aa nu̱ke nu̱ zu̱n ye maa nu̱ke chin a yir su̱ ɓa.

Yaqub 2:1

Nyeezaku, ndola nu njif nggur tu̱ duk njif nggur chele ɓaanu ɓa, nu̱ke tun wa maita Zhinerem gwaanji Yesu Masiya, nu̱ke chin ke nu̱ zhaaji.

Ɗyin mbu̱ tukari 4:11

“Zhinkir gwaanji ndu̱ Maghamndi ɓaarem, ta khu̱dli, ku̱ dlu̱ na zhaaji, ndu̱ gorkiri, ndu̱ zalale. Jiwa to du̱ngki aa nu̱m ndu̱ aa nu̱m, yang nu̱ ku̱nshe shimndi ɓaaro du̱ngki wora tu̱ kha ma nu̱ nyifiri ku.”