Tlu̱nar ɓu̱ Pudeku 3:6 - Mewar Alqawarang

⁶ Tu̱ yang Biturus ze nda za, “Mu̱zhin khaara ɓa, yang ɗyi nu̱ke a khaara ngga vu̱r yoro. Mbu̱ dlu̱m Yesu Masiya khuzi Nazaret, ju to shi yiri.”

Tlu̱nar ɓu̱ Pudeku 3:6 ပူးပေါင်းရင်းမြစ်များ

Matta 10:9

Khuɓ nu mu̱zhin ndu̱ aa nyi tun nu̱ shipaki mu̱zhin nu̱ke tun ka shiki boote si me kha nu ɓa.

Matta 7:22

Ye fu̱ɗar naandang nduki khang ka zu̱ ya ku za, ‘Zhinerem gwaanji, Zhinerem Gwaanji! Chem wopaki ɓalar ɓu̱ Magham mbu̱ dlu̱mor ɓa goma? Nyem komba khu̱kheeti ku mbu̱ dlu̱mor de? Nyem shi ɗye lazhamku khang mbu̱ dlu̱mo ɓa?’

Markus 14:8

Wa shi komkomi maɗyi ku̱me wa pasha mor ye vara maa daasa par mu̱ti ɓanga.

Markus 16:17

Yang ɗye saiduku nang ka mbu nduki nu̱ maitaki nga. Ka fet khu̱kheeti malkandi ku ɓar mbu̱ dlu̱ma. Ka ɗu̱ma ɓalarku ndu̱ mewar me ghaiku zum zum.

Yokhana 19:19

Yang Bilatus wa bu̱la ɓalar nggur nu̱ katlki nu̱ ve qu̱far kaatlang. Shi bu̱larang za, “YESU KHUZI NAZARET KUJI ƁU̱ YAKHUDEKU.”

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 16:18

Tu̱ka shi ye wor wanang me qaandiku khang. Tu̱ memu̱na Bulus su̱bu̱ri tu̱ ze khu̱kheetang za, “Nga zu̱ran yoro mbu̱ dlu̱m Yesu Masiya a vi ɓar mbe nda.” Fan ndu̱ fan tu̱ ɗa vi ɓar mbe nda.

Tlu̱nar ɓu̱ Pudeku 2:22

“Nyeeza Israila tu̱k ma ɓalar nang. Yesu ye Nazaret ɗya njif nu̱ Magham wutki ye nu za chin wa maita nda shwat. Magham wa wut ye nu ku̱nshe ɗye lazhamku ndu̱ tlu̱nar gwaanji gwaanjiku ndu̱ ɗyiku nu̱ Magham shiki ku̱nshe nda chele ɓaanu, ba wa nun zu̱nki, ku̱me shi ɗyiku nang kap mbu̱ yitonu.

Tlu̱nar ɓu̱ Pudeku 2:36

“Ku̱me nang, bu ku̱ Israila kap zu̱n nu̱ ɗyine chin Yesu nun katlki nda gha nang, Magham wa gaɓ ndu̱ chin ma Zhinkir gwaanji ndu̱ Masiya shwat.”

Tlu̱nar ɓu̱ Pudeku 3:16

Maitar dlu̱m Yesu nu̱ke zalale a si saki khuski nun zu̱nki nda tun a nggu̱ti nda nang tu̱ gwa du̱mbu̱r. Dlu̱m Yesu ndu̱ maita nda nyem shiki saki tu̱ khuski nang shaana nggalang. Tun wa na ndu̱ yitonu.

Tlu̱nar ɓu̱ Pudeku 3:5

Tu̱ khuskyang zu̱ yiti ye wor a taman za ka vu̱r ɗyi nggur yenda ku.

Tlu̱nar ɓu̱ Pudeku 3:7

Tu̱ Biturus khuɓ kharan nu̱ zu̱ma tu̱ da nda nu̱ viɗi. Fan ndu̱ fan tu̱ saaran ndu̱ kukwatli saaran kha ndu̱ du̱mbu̱r.

Tlu̱nar ɓu̱ Pudeku 4:10

zu̱n man gha, tun ndu̱ nduki nu̱ Israila kap. Khuski nang chingndan gha gume nu shaanaran ku̱me dlu̱m Yesu Masiya khuzi Nazaret nun katlki nda gha, tu̱ Magham ji ndu̱ chin mbe mu̱tang.

Tlu̱nar ɓu̱ Pudeku 4:7

Tu̱ ching Biturus ndu̱ Yokhana nu̱ tala, tu̱ zham wor za, “Tun a shi ɗyinang ndu̱ nyi zalalya, ndu̱ mbu̱ dlu̱m ki tu̱ka?”

Tlu̱nar ɓu̱ Pudeku 9:34

Tu̱ Biturus ze nda za, “Iniyas, Yesu Masiya wa shaana nu̱gha. Ju to ɗyikhla ku̱rbuk ɓaaro.” Fan ndu̱ fan tu̱ Iniyas ji nu̱ viɗi.

1 Korintiyeku 4:11

Ma ɓar meeni chem a tu̱k meeri ndu̱ khuzhumndi, chem a sakya ngguzur ku̱me ɗye sa kha rem ɓa, chem a za dlabti, aa rafa kha rem ɓa.

2 Korintiyeku 6:10

chem a su̱yen ndu̱ chiti mbu yang ba chem a kashari. Aa nu̱ke chem nungndan, yang chem sa nduki khang tu̱ shi gu̱na. Wa tun kha rem ɓa, yang aa nu̱m kap ɗya ɓaarem.

2 Korintiyeku 8:12

Mbu̱ memu̱nar vu̱rtan a nje kha nu, Magham ka tu̱k mu̱ndi vu̱rti nu̱ke tun a shiran, mbu̱ tun vu̱r wa nu̱ke du̱mbu̱r ɓaanu ka ɗu̱maki. Nu̱ Magham shim ku̱ vu̱r nu ɗyi nu̱ dukki du̱mbu̱r ɓaanu ɓa.

2 Korintiyeku 8:9

Tun wa zu̱n mu̱nkir ɓu̱ Zhinerem gwaanji Yesu Masiya. Aa nu̱ke gu̱naran, tu̱ gaɓ ndu̱ ɗyinan ma nu̱ nugun ku̱me tunu. Ma ku̱ kha nu gu̱naran gume Magham nu̱ ku̱nshe nungndi ɓaran.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

1 Biturus 4:10

Ku̱ aaki shi boote ndu̱ vu̱rti nu̱ Magham shiki yenda ma shaata yen, ma ku̱ kha nu ma nu̱ du̱ngndi ɗyiku zum zum nu̱ Magham vu̱rki du̱ngdan ye nu mbe mu̱nkir ɓaran.