Tlu̱nar ɓu̱ Pudeku 3:12 - Mewar Alqawarang

¹² Nu̱ Biturus naki wanang, tu̱ ze tabar ndukyang za: “Nduki nu̱ Israila, nu̱m saki tun ki lazham shir ɓu̱ ɗyi nang? Nu̱m saki tun ki nggu̱terem ba wa du̱mbu̱r ɓaarem ndu̱ sawar Maghamndi ɓaarem saki tu̱ khuski nang shi yira na?

Tlu̱nar ɓu̱ Pudeku 3:12 ပူးပေါင်းရင်းမြစ်များ

Yokhana 7:18

Njif nu̱ke a shoga ɗyi nu̱ke ɓaran ɓara, a shimkya gwar zhaaji she nduki. Yang njif nu̱ke a shim ku̱ njif nu̱ ɗa ru̱kki nda gwa zhaaji, chin ke nu̱ shir zhire, yang nu̱ka shi song zhire ɓa.

Tlu̱nar ɓu̱ Pudeku 13:26

“Nyeezaku, zhikankirku ɓu̱ Yibram ndu̱ nu̱ sawar Magham ku nu̱ke ɗya Yakhude ku ɓa a ru̱k labar ɗanar nang yerem.

Tlu̱nar ɓu̱ Pudeku 2:22

“Nyeeza Israila tu̱k ma ɓalar nang. Yesu ye Nazaret ɗya njif nu̱ Magham wutki ye nu za chin wa maita nda shwat. Magham wa wut ye nu ku̱nshe ɗye lazhamku ndu̱ tlu̱nar gwaanji gwaanjiku ndu̱ ɗyiku nu̱ Magham shiki ku̱nshe nda chele ɓaanu, ba wa nun zu̱nki, ku̱me shi ɗyiku nang kap mbu̱ yitonu.

Tlu̱nar ɓu̱ Pudeku 3:11

Sarchi ni nu̱ khuti nang khubki Biturus ndu̱ Yokhana, tu̱ nduki kap a ɓa she wor ɗyin ɗa ve maa nu̱ka qaki za Kalap ɓu̱ Solomonang, a lazham ku.

Tlu̱nar ɓu̱ Pudeku 3:13

Maghamndi ɓu̱ Yibram ndu̱ Yishaku, ndu̱ Nyagham, Maghamndi ɓu̱ zhikanerem, chin vu̱rki zhaaji ye maavi ɓaran Yesu. Nang ke njif nun vu̱rki nda ɓar ku̱ tlagha nda nu̱ gha, tun wut zhangndi yenda gume nggomna Bilatus aa nu̱ke wa shim ku̱ ngga nji nda gha.

Romeku 11:1

Yang bu zham nga ɗo, Magham wa zhang nduki ɓaran gha guma da mu? Auwo! Wanang shwat ɓa! Ai, nga ndu̱ vara nga nduk Israila, nga pooni ɓu̱ Yibram, me sham ɓu̱ Banyami.

Romeku 9:4

nduki nang wor ke Israileku. Ɗya nduki nu̱ Magham gaɓki ndu̱ wor ma qusonggi ɓaran, tu̱ wut zhaaji ɓaran ye wora. Tu̱ shi alqawar ndu̱ wora, tu̱ vu̱r Bibitang ye wora. Tu̱ wut njiv ghaari ghai mbu̱ kib ɓaran ye wora, tu̱ shi ɓeeni alqawarku ye wora.

2 Korintiyeku 3:5

Tun a nje nu̱ wutki za maghar ɓaarem saki chem shi tlu̱nar nang ɓa. Maghar ɓaarem a vi she Magham.

Ɗyin mbu̱ tukari 7:13

Kom tu̱ da chele ndukkudaandikwang zhamndi nga za, “Wor nu̱ke a mbu̱ lukti ɓongndiku nang ɗya nu̱ kiya? Yang a vi ku fu̱na?”