Tlu̱nar ɓu̱ Pudeku 3:1 - Mewar Alqawarang

¹ Sarchi ngguri Biturus ndu̱ Yokhana a yir ku mbu̱ Rafti ɓu̱ Magham vi kunung nu̱ mugdi, sarchi barari.

Tlu̱nar ɓu̱ Pudeku 3:1 ပူးပေါင်းရင်းမြစ်များ

Matta 17:1

Gaanje qaandi njong, tu̱ Yesu da Biturus, ndu̱ Yaqub, ndu̱ khachin Yaqub, nang ke Yokhana, tu̱ ɗu̱ ndu̱ wor ɗyin dleng nggur kirkandi, wor me ɗyin wora.

Matta 26:37

Tu̱ ɗu̱ ndu̱ Biturus ndu̱ qusonggi ɓu̱ Zabadi wor rapndang, nang ke Yaqub ndu̱ Yokhana, tu̱ memu̱naran su̱bu̱ri tu̱ damta maɗyi.

Matta 27:45

Fu̱ɗar a tala, tu̱ zhum maari za ghayang nu̱gha ru̱m ma yi vi kunung nu̱ mugdi.

Luka 1:10

Sarchi nu̱ Zakariya viki nu̱ mbu̱ Rafti ɓu̱ Magham ma va ɗye zhi mu̱nkandang, tabar nduki a nje dam a bararku.

Luka 18:10

“Nduki rap a nje nu̱ ɗu̱ki ku ma barar mbu̱ Rafti ɓu̱ Magham, dandang ɗya Parise, yang njif dandang ɗya nu̱ dlu̱r zhaanggali.

Luka 22:8

Tu̱ Yesu ru̱k Biturus ndu̱ Yokhana za, “Ɗu̱ ma tun a daasa zu̱mndi tabar peetar ɗyinang yerem ma zu̱m mi su̱yen.”

Luka 24:53

Yang aakochi ɗu̱ki mbu̱ Rafti ɓu̱ Magham ku ba gor dlu̱m Magham.

Yokhana 21:7

Tu̱ nu̱ mburi nu̱ke Yesu a ndola ndang ze Biturus za, “Njif nang ɗya Zhinerem gwaanji!” Ba nu̱ Siman Biturus tu̱kki za ɗya Zhinerem gwaanji, tu̱ da lukti ɓaran tu̱ sa ku̱me varan nggaran. Tu̱ ku̱m ji tu̱ nggu̱ɗ nu̱ mbu̱ ɗyimang.

Tlu̱nar ɓu̱ Pudeku 10:3

Sarchi ngguri, vi kunung nu̱ mugdi tu̱ yitan qu̱ni. Tu̱ na nu̱ ru̱kti ɓu̱ Magham ye dalangi aa ɓa she nda tu̱ zu̱ za, “Korneliyus!”

Tlu̱nar ɓu̱ Pudeku 10:30

Tu̱ Korneliyus tlogha za, “Qaandi vat meeni ba ye sarchi nang, vi kunung nu̱ mugdi, nga barar kaa ɓanga, fan ndu̱ fan, tang na nduk chingndan gumera nu̱ lukti nu̱ke a wuti maɗyi.

Tlu̱nar ɓu̱ Pudeku 2:46

Wa ka ɗu̱ ku mbu̱ Rafti ɓu̱ Magham aakochi, a zu̱m ɗye zu̱mndi ku su̱yen mbu̱ raftiku ɓaanda, a zu̱mndi ku su̱yen ndu̱ kasha, ndu̱ ɓu̱tokh memu̱na.

Tlu̱nar ɓu̱ Pudeku 3:3

Nu̱ naki Biturus ndu̱ Yokhana a ma viri nu̱ mbu̱ rafti ɓu̱ Maghamang, tu̱ khuɗ mu̱zhindi kha wora.

Tlu̱nar ɓu̱ Pudeku 3:4

Tu̱ Biturus ndu̱ Yokhana nggu̱ti nda njang dong, kom tu̱ Biturus ze nda za, “Nggu̱terem.”

Tlu̱nar ɓu̱ Pudeku 4:13

Nu naki song sawar ɓu̱ Biturus ndu̱ Yokhana tu̱ zu̱n ku za nu̱ shi zu̱ndi ku ɓa, yang ɗya aa nu̱m ku ɓa, tu̱ shi lazham ku, tu̱ yang da mban ku za wa shi khar ku ndu̱ Yesu.

Tlu̱nar ɓu̱ Pudeku 5:25

Tu̱ njif nggur a ɓa tu̱ ze wor za, “Wonda nduki nun khiiki wor ghang chingndan mbu̱ rafti ɓu̱ Magham a shogar ku ye nduki.”

Tlu̱nar ɓu̱ Pudeku 8:14

Nang ɗo, nu̱ pudeku nu̱ke a Urshalima tu̱kki za dlar ghai Samariya wa dlu̱ ɓalar ɓu̱ Magham ku, tu̱ ru̱k Biturus ndu̱ Yokhana ye wora.

Galatiyeku 2:9

Nar mu̱nkir nu̱ Magham shiki ya saki tu̱ Yaqub ndu̱ Biturus ndu̱ Yokhana tlogha san. Wor dlu̱ki nga ndu̱ Barnaba memu̱na wor da wor ke du̱mbu̱r ɓu̱ dlegumeku ɓu̱ tabar nu̱ mbu̱ Yesu ku. Chem wa zu̱ chele ɓaarem nu̱ ɗyine chem ka ɗu̱ she nduki nu̱ke ɗya Yakhudeku ɓa, yang ɓaanda wor ka ɗu̱ she Yakhudeku.