Tlu̱nar ɓu̱ Pudeku 27:1 - Mewar Alqawarang

¹ Nu̱ daasaki za chem a ma yir Italiya mbu̱ du̱mbu̱l ɗyim tu̱ sa Bulus ndu̱ nduki nggur nu̱ke khiiran zhaaru̱m nu̱ mbu̱ khar soje gwaanji nu̱ Roma ngguri, dlu̱man za Juliyos, a da chele tabar sojeku ɓu̱ Kaisar.

Tlu̱nar ɓu̱ Pudeku 27:1 ပူးပေါင်းရင်းမြစ်များ

Matta 27:54

Sarchi nu̱ gorkir soje ɓu̱ Roma ndu̱ ɓeena nduki nu̱ke a bu wudle Yesu naki yakhtar maa vu̱ghayang nu̱ ɗyi nu̱ shikyang kap, tu̱ tu̱k sawar ku maɗyi, tu̱ zu̱ ku za, “Zhire njif nang ɗya Yi ɓu̱ Magham!”

Luka 23:47

Nu̱ gorkir ɓu̱ sojeku nu̱ke a nje, naki ɗyi nu̱ ɗatlkyang, tu̱ gor dlu̱m Magham, a zu̱ran za, “Njif nang ɗya nu̱ jeembu shwat.”

Luka 7:2

Gorkir soje ɓu̱ Rome nggur a nje mbu̱ ghayang nu̱ke maavi nu̱ke a shimndan maɗyi a me mu̱ti ku̱me varan mu̱n ɓa.

Tlu̱nar ɓu̱ Pudeku 10:1

Khuski nggur a nje Kaisariya dlu̱man za Korneliyus. Ɗya gorkir soje Rome nu̱ke a mbu̱ sange ɓu̱ sojeku nu̱ka qaki za Italiya.

Tlu̱nar ɓu̱ Pudeku 10:22

Tu̱ zu̱ ku za, “Ɗya gorkir soje Rome nggur a ru̱kki rem, dlu̱man za Korneliyus. Ɗya nu̱ jeembu, nduk mbarkandi nu̱ sawar Magham, Yakhudeku kap a na zhaaji ɓaran. Yang nu̱ ru̱kti na viki she Magham zu̱ki yenda za ɗu̱ na kaa ɓaran chin tu̱k ɗyi nu̱ke to ka zu̱ki.”

Tlu̱nar ɓu̱ Pudeku 16:10

Ba nu̱ yiti Bulus naki ɗyinang, chem ji fan ndu̱ fan chem zhang vaarem ma peetar nu̱ Makidoniya, ku̱me chem wa maita Magham kya qa rem ma zu̱ Labar Mbarkandang.

Tlu̱nar ɓu̱ Pudeku 18:2

Tu̱ gama ndu̱ Yakhude nggur fara dlu̱man za Akila, ye ghai Pontus. Akila ndu̱ nokhzan Bu̱rsikila nu̱ shoɓ ndu̱ njigti dlar ghai Italiya ɓa ku̱me Ku̱laudiyus wa sa tu̱ shi wopar za Yakhude ku kap ku̱ njig Roma. Tu̱ Bulus ɗu̱ she wora.

Tlu̱nar ɓu̱ Pudeku 19:21

Qu̱rse ɗyiku nang tu̱ Bulus san mbu̱ memu̱naran nu̱ ɗyine mbu̱ chin wa baara dlar ghai Makidoniya ndu̱ Akaya chin ka ɗu̱ Urshalima. Tu̱ zu̱ tu̱k za, “Mbu̱ nga ɗu̱ nje, wa ku̱s ku̱ ɗu̱ nga mbu̱ ghai Roma.”

Tlu̱nar ɓu̱ Pudeku 21:32

Tu̱ ji kau tu̱ da sojeku rututundi ndu̱ sojeku tu̱ ɗu̱ ku ɗyin ɗari. Nu̱ tabar ndukyang naki gorkir ɓu̱ sojekwang su̱yen ndu̱ sojeku, tu̱ njig dlab Bulus ku.

Tlu̱nar ɓu̱ Pudeku 22:26

Nu̱ soje gwaanji nu̱ Romang tu̱kki wanang, tu̱ ɗu̱ she gorkir ɓu̱ sojekwang tu̱ ze nda za, “Ta ma shikya nu̱ma? Khuski nang zalale khar ye Roma a nje kha nda.”

Tlu̱nar ɓu̱ Pudeku 23:11

Nu̱ virkir shiki tu̱ Zhinerem gwaanji ching gha bing ndu̱ Bulus tu̱ ze nda za, “Gu̱n memu̱naro, ku̱me ba wa no saidaki nga mbu̱ ghai Urshalima, to ka saida nga wanang tu̱k mbu̱ ghai Roma.”

Tlu̱nar ɓu̱ Pudeku 23:17

Tu̱ Bulus qa soje gwaanji ɓu̱ Rome ngguri tu̱ ze nda za, “Ɗu ndu̱ nyakhtlir nang she gorkir ɓaanu, ɓalar a nje nu̱ke a shim zu̱ran yenda.”

Tlu̱nar ɓu̱ Pudeku 24:23

Tu̱ Feliks sa ku̱ soje ɓu̱ Roma gwaanji nggu̱t Bulus, ku̱ ranna nda maɗyi ɓa, yang ku̱ nggu̱tl raptan ku ɓar she nda ma ku̱ shaata nda ndu̱ tun ɓa.

Tlu̱nar ɓu̱ Pudeku 25:12

Qu̱rse Festus wa shi sawari ndu̱ nduki ɓaran, tu̱ tlogha za, “Nu̱ke ta khuɗ ku̱ shi kumarang gume Kaisar, to ka ɗu̱ gume Kaisar.”

Tlu̱nar ɓu̱ Pudeku 25:25

Yang ɓang nang na ɗyi nu̱ shiki nu̱ khu̱lki ku̱ tlagha nda ɓa. Yang tu̱k nu̱ke chin nu̱ varan khuɗki za ku̱ ɗu̱ ndu̱ kumarang gume Kaisar, tang zu̱ nga za ngga ɗu̱ si she nda.

Tlu̱nar ɓu̱ Pudeku 27:11

Yang Juliyos nu̱ maita ɗyi nu̱ Bulus zu̱kyang ɓa. Me ɓu̱ nang, tu̱ maita kya ɗyi nu̱ ni chi du̱mbu̱lang ndu̱ nu̱ zhin du̱mbu̱lang zu̱ki ku.

Tlu̱nar ɓu̱ Pudeku 27:43

Yang nu̱ke soje gwaanji ɓu̱ Roma wa shim ɗana Bulus tu̱ nggu̱tl wora. Tu̱ zu̱ za ku̱ nduki nu̱ maghaki geeri nggu̱ɗ nu̱ mbu̱ ɗyimang ku̱ ge ku ma yir me gu̱mndang.

Tlu̱nar ɓu̱ Pudeku 27:6

Far tu̱ soje gwaanji nu̱ Roma gwa du̱mbu̱l nggur nu̱ Alekhzandu̱riya nu̱ke a yir Italiya, tu̱ sa rem nu̱ mban.

Tlu̱nar ɓu̱ Pudeku 28:1

Qu̱rse chem wa ɗana chem tu̱k za chenjesang dlu̱man za Malta.

Tlu̱nar ɓu̱ Pudeku 28:16

Nyem khu̱lki Roma tu̱ njig Bulus ku̱ khan mbu̱ rafti nu̱ke ka ɓi ki mu̱zhindi chere su̱yen ndu̱ soje nu̱ke a bu ɗyinan.

Yibraniyeku 13:24

Tun shi qaandi ye dlegumeku ɓaanu, ndu̱ nduki ɓu̱ Magham kap. Nyeezeremku nu̱ke a Italiya a qaandi ye nu ku.