Tlu̱nar ɓu̱ Pudeku 22:1 - Mewar Alqawarang

¹ “Nyeezaku ndu̱ kudaandiku ɓanga, gwa ma dlu̱mdonu ya tang zu̱ ɗyi nu̱ ɗatlki ye nu, tun zu̱n nu̱ ɗyine nang shi zop ɓa.”

Tlu̱nar ɓu̱ Pudeku 22:1 ပူးပေါင်းရင်းမြစ်များ

Luka 12:11

“Mbu̱ke wa ɗu̱ ndu̱ tun ye maa kumari, aa mbu̱ kib tabar ɓaanda, aa gume nu̱ zalaleku, damta nu nu̱ ɗyine njiv feti ɗyinonu ɓa, yang damta nu ɗyine ɗyi nu̱ke tun ka zu̱ki zum ɓa.

Luka 21:14

Yang sa ma ye memu̱na nu nu̱ ɗawi nu̱ ɗyine tun ɓu̱ damta ndu̱ ɗyi nu̱ke tun ka zu̱ki ma lawa ɗyinonu ɓa.

Tlu̱nar ɓu̱ Pudeku 13:26

“Nyeezaku, zhikankirku ɓu̱ Yibram ndu̱ nu̱ sawar Magham ku nu̱ke ɗya Yakhude ku ɓa a ru̱k labar ɗanar nang yerem.

Tlu̱nar ɓu̱ Pudeku 19:33

Tu̱ Yakhudeku nggur sa ku̱ Alekhzanda ɗu̱ guma, tu̱ yang Alekhzanda da kharan nu̱ viɗi ma ku̱ aaki kha yit zu̱ nji ɗyi nu̱ke a nje ye wora.

Tlu̱nar ɓu̱ Pudeku 23:1

Tu̱ Bulus nggu̱t tabar dle gumekwang njang tu̱ zu̱ za, “Nyeezaku, ma ɓar meeni damta nje mbu̱ memu̱nara ɓa. Yang kwaari ɓang mbarkandi nu̱ wut ya za nga shi ɗyi galkandi nu̱ke ka viki nu̱ chele ɓang ndu̱ Magham ɓa.”

Tlu̱nar ɓu̱ Pudeku 23:6

Nu̱ Bulus daki mban za ɓeeni ndukyang ɗya Saduke ku, yang ɓeenan ɗya Parise ku, tu̱ da su̱quran nu̱ viɗi mbu̱ tabar dle gume ɓu̱ Yakhudekwang a za, “Nyeezaku, ai, nga Parise woi ɓu̱ Parise. Yang wonji a kuma nga ku̱me sar memu̱nar nang shiki nu̱ ɗyine jiiri mbe mu̱ti.”

Tlu̱nar ɓu̱ Pudeku 24:10

Nu̱ nggomna wutki ye Bulus ku̱ shi ɓala, tu̱ zu̱ za, “Nu̱ke nga zu̱n ta shi sonyi khang ta kumar ye nduki nang, ngga lawa ɗyina ndu̱ kasha.

Tlu̱nar ɓu̱ Pudeku 25:16

“Yang nga ze wor nga za chem Romeku nyem ka dla mbu̱ kuma waare yir ndu̱ nduk gume nduki nu̱ daki zhaano ɓaran ɓa. Wa ku̱s ku̱ vu̱r zalale lawar ɗyinan yenda ɗyine ɗyi nu̱ nduki daki zhaano ɓaran ɗyinanang.

Tlu̱nar ɓu̱ Pudeku 25:8

Tu̱ Bulus keela ma lawa ɗyinan a zu̱ran za, “Nang shi zop mbu̱ woparku ɓu̱ Yakhudeku ɓa, yang nang shi zop ye rafti ɓu̱ Magham ndu̱ Kaisar sar da ɓa.”

Tlu̱nar ɓu̱ Pudeku 26:24

Bulus a mbe ɓalarang tu̱ Festus shi ɓalar ndu̱ du̱mbu̱r tu̱ zu̱ za, “Bulus to yirtan! Khang zu̱ndi no shiki wa mbu̱m ɗyinor nu̱gha!”

Tlu̱nar ɓu̱ Pudeku 28:17

Qu̱rse qaandi kunung, tu̱ Bulus qa dlegumeku ɓu̱ Yakhudeku. Nu̱ tabaki ku tu̱ ze wor za, “Nyeezaku, aa nu̱ke nang shi zop nggur ye nduki ɓaarem ɓa, yang nang zhang meghai ɓu̱ zhikaneremku gha ɓa. Kap ndu̱ nang tu̱ ku̱si nga ku mbu̱ ghai Urshalima ta vu̱rti nga nu̱ mbu̱ khar Romeku ma ku̱ gu̱ndi nga gha.

Tlu̱nar ɓu̱ Pudeku 7:2

Tu̱ tlogha za, “Nyeezaku ndu̱ zhinkirku ɓanga, gwa ma dlu̱mndonu ya! Magham nu̱ zhaaji wa wut ɗyinang ye zhikanerem Yibram sarchi nu̱ke a mbu̱ dlar ghai Mesopotamiya me ku̱ khan mbu̱ ghai Khaaran.

Romeku 2:15

Tlu̱nar ɓaanda wa wut nu̱ ɗyine ɗyi nu̱ Bibitang zu̱ki a nje bu̱laran mbu̱ memu̱na wora. Kwaari nu̱ memu̱na wor wa saida nang, nu̱ke kwaari ɓaanda wa ka wut za wor wa shi sola fu̱ɗa ngguri, ye sarchi nggur tu̱ka wut ye wor nu̱ ɗyine nu̱ wor shi sola mbe ɗyi nggur ɓa.

1 Korintiyeku 9:3

Mbu̱ nduki wa zham mya ngga lawa ɗyina ndu̱ nang.

2 Korintiyeku 12:19

Bai tun ka taman za chem a shibkya ɗyinerem gume nu. Wanang ɓa, chem a ɓalar wa nu̱ Masiya shimki zu̱ mi gume Magham. Nyeezaku, zu̱n ma nu̱ ɗyine aa chem shikya nu̱m, chem a shiran ma shaata nu.

2 Korintiyeku 7:11

Na ma ɗyi nu̱ su̱bu̱rti mbi nu̱ Magham njigki ku̱ gwaanu nang a ɓa ki si ye nu. Wa sa nu tun wut maa nu̱ke nun shi torop ɓa. Wa sa tun shi shokhnari, tun tu̱k sawar tu̱k. Wa sa tun sa memu̱na nu, nun ndola vaanu ɓa. Tun daasaran ma ku̱ wu nu aaki nu̱ shiki zop wa nu̱ shipaki. Ve ɓalar nang tun wa wut mbe anyi njiva nu̱ ɗyine nun shi zop ɓa.

Filipiyeku 1:17

Yang ɓu̱ nduki nu̱ke a wopa Masiya ku̱me zhiri ndu̱ me mu̱sonkirang, a shiran ku ku̱me ndolar ɗyin a shiran ku memu̱na wor da ɓa. Nu̱ zhang ku̱ shaata nga za bonye mbu̱ zhaaru̱mang ɓa.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

2 Timoti 4:16

Ye sarchi nang chingki nu̱ gume kumar gumapaali ma lawa nga ɗyina nduk a nje nu̱ khaki nu̱ gaanja ɓa tu̱ aaki yaɓti nga gha. Ku̱ Magham shiga nang nu̱ ɗyin wor ɓa.

1 Biturus 3:15

Yang mbu̱ memu̱nanu da ma Masiya tu̱ kha ma Zhinonu gwaanji. Kha ma daasaran aakochi ma tlogha nu ye nu̱ zhamndonu ɗyi nu̱ saki tun sa memu̱na nu ye mbu Masiya. Yang shi ma nang ndu̱ ɓu̱tokh memu̱na ndu̱ vu̱rti gorkiri.