Tlu̱nar ɓu̱ Pudeku 2:4 - Mewar Alqawarang

⁴ Tu̱ nyel kap ɓaanda ndu̱ Jiimbi shakhshakhndi, tu̱ nggaasi ɓalarku ndu̱ me ghaiku zum zum, ba wa nu̱ Jiimbi shakhshakhndang vu̱rki ye wora.

Tlu̱nar ɓu̱ Pudeku 2:4 ပူးပေါင်းရင်းမြစ်များ

Matta 10:19

Mbu̱ wa ku̱sonu ku, damta nu ndu̱ ɗyi nu̱ke tun ka zu̱ki ye wor ɓa, ka vu̱r ɗyi nu̱ke tun ka zu̱ki ye wor sarchi nang.

Markus 16:17

Yang ɗye saiduku nang ka mbu nduki nu̱ maitaki nga. Ka fet khu̱kheeti malkandi ku ɓar mbu̱ dlu̱ma. Ka ɗu̱ma ɓalarku ndu̱ mewar me ghaiku zum zum.

Luka 1:15

Ku̱me ka kha ma nduk gori she Magham, yang ɓu̱ za ɗyema ndu̱ aa nyi ɗyi nu̱ka kuyaki nduk ɓa. Ka nyel nda ndu̱ Jiimbi shakhshakhndi me ku̱ kha nda.

Luka 1:41

Yang ba nu̱ Elizabet tu̱kki su̱qur gappu̱re ɓu̱ Maryamang, tu̱ woyang shi qushumndi mbe nda, tu̱ Jiimbi shakhshakhndi nyel nda.

Luka 1:67

Tu̱ yang Jiimbi shakhshakhndi nyel Zakariya zhin woyang, tu̱ zu̱ ɓalar ɓu̱ Magham za,

Luka 12:12

Ku̱me ye sarchi nang, Jiimbi shakhshakhndi ka shoga ɗyi nu̱ke tun ka zu̱ki ye nu.”

Luka 21:15

Ku̱me nga vu̱r ɓalarku ndu̱ kaɗari ye nu nu̱ke nduk a nje chele ɓu̱ nu̱ zhangndi ɓaanu nu̱ke ka ɗu̱maki mbu̱m ɓalar ɓaanu nu̱ gha tu̱ keela ɗyi nun zu̱ki ɓa.

Luka 4:1

Tu̱ Yesu a ji Gaawu Urdun tu̱ ɗa gaɓi nyeedlan ndu̱ Jiimbi shakhshakhndi, yang tu̱ Jiimbyang ɗu̱ ndu̱ chin gar,

Yokhana 14:26

Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 20:22

Nu̱ zu̱ki wanang tu̱ pi khu̱kheeti ye wora, tu̱ zu̱ za, “Dlu̱ ma Jiimbi shakhshakhndi.

Tlu̱nar ɓu̱ Pudeku 1:5

Ku̱me Yokhana shi baptisme ye nduki ndu̱ ɗyim, yang fan ndu̱ qaandi koɗomma, ka shi baptisme ye nu ndu̱ Jiimbi shakhshakhndi.”

Tlu̱nar ɓu̱ Pudeku 1:8

Yang ba tun ka kha ndu̱ zalale sarchi nu̱ Jiimbi shakhshakhndi a shurki ye nu, tun ka kha ma saidu ku ɓanga mbu̱ Urshalima ndu̱ Yakhudiya ndu̱ Samariya ma yir me koɗokh larji kap.”

Tlu̱nar ɓu̱ Pudeku 10:46

Nu̱ke wa tu̱k wor a ɓalar nu̱ me ghiindi nggur ku zum, a gor dlu̱m Magham ku. Kom tu̱ Biturus zu̱ za,

Tlu̱nar ɓu̱ Pudeku 10:47

“Nduk a nje nu̱ke ka nggu̱tlki ku̱ shi baptisme nu̱ ɗyim ye ndukiku nang mu? Wa dlu̱ Jiimbi shakhshakhndi ku ba wa nyem dlu̱kyang.”

Tlu̱nar ɓu̱ Pudeku 11:15

“Ba nang nggaki su̱ ɓalar ye wora, tu̱ Jiimbi shakhshakhndi a shur nu̱ ɗyine wor ba wa nu̱ ɗa shurki nu̱ ɗyine rem gumapaalyang.

Tlu̱nar ɓu̱ Pudeku 11:24

Barnaba ɗya nduk mbarkandi, nyeedlan ndu̱ Jiimbi shakhshakhndi ndu̱ maito. Tu̱ nduki khang a gaɓ nu̱ she Zhinerem gwaanji.

Tlu̱nar ɓu̱ Pudeku 13:52

Yang nu̱ mbu Yesu ku nu̱ Antakiya a kashar maɗyi, nyeedlan ku tu̱k nu̱ Jiimbi shakhshakhndi.

Tlu̱nar ɓu̱ Pudeku 13:9

Tu̱ yang Shawulu nu̱ka qaki nda za Bulus nyeedlan ndu̱ Jiimbi shakhshakhndi tu̱ nggu̱t Elimas njang,

Tlu̱nar ɓu̱ Pudeku 15:8

Yang Magham nu̱ zu̱nki memu̱na aaki, tu̱ wuɗ za chin wa dlu̱ wor nu̱ ku̱nshe Jiimbi shakhshakhndi nu̱ vu̱rki ye wor ba wa nu̱ vu̱rki yerem.

Tlu̱nar ɓu̱ Pudeku 19:6

Nu̱ Bulus saki khar barke ye wora, tu̱ Jiimbi shakhshakhndi a zhur nu̱ ɗyine wora, tu̱ shi ɓalar nu̱ me ghiindiku, a zu̱ ɗyi nu̱ Magham zu̱ki ye wora.

Tlu̱nar ɓu̱ Pudeku 2:11

(Wonji kap Yakhudeku ndu̱ nduki nu̱ke ɗya Yakhudeku ɓa nu̱ nggodki) ndu̱ Ku̱reteku ndu̱ Laru̱beku kap chem a tu̱k a zu̱ ɗyiku ɓu̱ Magham nu̱ke nduk nu̱ su̱n ndu̱ tu̱ktan mbu̱ meghai ɓaarem ɓa.”

Tlu̱nar ɓu̱ Pudeku 2:3

Tu̱ na ɗyiku nu̱ shipaki ghiindi ɓaiku a shakhti a shurti nu̱ ɗyine aa nyi nduk da chele ɓaanda.

Tlu̱nar ɓu̱ Pudeku 4:31

Nu̱ shiki barar kwang tu̱ maa nu̱ tabaki nu̱ njang yakhta. Tu̱ nyel wor ndu̱ Jiimbi shakhshakhndi, tu̱ ki zu̱ ɓalar ɓu̱ Magham ku waare sawa.

Tlu̱nar ɓu̱ Pudeku 4:8

Tu̱ Biturus nu̱ke nyeedlan ndu̱ Jiimbi shakhshakhndi ze wor za, “Dlegumeku ɓu̱ nduki ndu̱ ndukkudaandi.

Tlu̱nar ɓu̱ Pudeku 6:3

Ku̱me nang nyeezaku, dat ma nduki mut chele ɓaanu nu̱ke nyeedlan ndu̱ Jiimbi shakhshakhndi ndu̱ kaɗari. Chem ka vu̱r tlu̱nar nang nu̱ mbu̱ khar wora.

Tlu̱nar ɓu̱ Pudeku 6:5

Tu̱ ɓalar nang shi mu̱n ye aaki. Tu̱ dat Istafanus, khuski nu̱ke nyeedlan ndu̱ maito ndu̱ Jiimbi shakhshakhndi ndu̱ Filibus ndu̱ Pu̱rokorus, ndu̱ Nikano, ndu̱ Timon ndu̱ Barminas, ndu̱ Nikolas khuzi Antiyok. Nu̱ke ɗya Yakhuda ɓa yang wa vi ghaari ghai ɓu̱ Yakhudekwang.

Tlu̱nar ɓu̱ Pudeku 6:8

Yang tu̱ Istafanus, khuski nu̱ke mu̱nkir ɓu̱ Magham ndu̱ zalale ɓaran nyeedlan mbe nda, shi ɗye lazhamku khang ndu̱ ɗye saidu ku chele nduki.

Tlu̱nar ɓu̱ Pudeku 7:55

Yang tu̱ Istafanus nyeedlan ndu̱ Jiimbi shakhshakhndi ghar yitan tu̱ nggu̱t maa viɗi, tu̱ na zhaaji ɓu̱ Magham ndu̱ Yesu chingndan ve bu̱n zu̱ma ɓu̱ Magham.

Tlu̱nar ɓu̱ Pudeku 8:17

Tu̱ Biturus ndu̱ Yokhana sa khar barke ye wor tu̱ dlu̱ Jiimbi shakhshakhndi.

Tlu̱nar ɓu̱ Pudeku 9:17

Kom tu̱ Khananiya ɗu̱ tu̱ ɗa vi nu̱ mbu̱ raftang. Nu̱ du̱ngki kharan nu̱ ɗyine Shawulu, tu̱ zu̱ za, “Mu̱dla Shawulu Zhinerem gwaanji Yesu nu̱ wutki varan yoro yiti njiv nu̱ke ta ɓarang a ru̱kki nga. Ru̱ktang ma gwana nar maari tu̱k tu̱ nyeedlor ndu̱ Jiimbi shakhshakhndi.”

Romeku 15:13

Bu ku̱ Maghamndi nu̱ka vu̱rki sar memu̱nari, nyeedlonu ndu̱ kashari ndu̱ qaandi memu̱nari wa nu̱ke tun a maita nda, ma ku̱ kha nu ndu̱ sar memu̱nar nyelkandi, nu̱ ku̱nshe zalale ɓu̱ Jiimbi shakhshakhndi.

1 Korintiyeku 12:10

Ɓu̱ njif nggur gwakya vu̱rti nu̱ shir ɗye lazhamku, ɓu̱ njif nggur ɗya zu̱r ɓalar nu̱ Magham zu̱ki yenda ku̱ ze nduki. Yang ɓu̱ njif nggur ka zu̱nkya pooni jiimbiku zum zum, njif nggur ɓaran ɗya maghar me ghiindiku zum zum, njif nggur yang ka ɗu̱ma zu̱ mbu̱ ɗyi nu̱ke ta zu̱ran ndu̱ me ghiindikwang.

1 Korintiyeku 13:1

Aa ngga ɗu̱ma ɓalar ndu̱ me ghaiku ɓu̱ nduki ndu̱ ɓu̱ nu̱ ru̱ktiku ɓu̱ Magham, yang nga nu̱ ndola ɓa, nga shipakya gonggulong nu̱ke a quri, ndu̱ dlu̱rti nu̱ qur maɗyi.

1 Korintiyeku 13:8

Ndola nu̱ ka shi woɗa ɓa. (Ma nu̱ke zu̱r ɓalar ɓu̱ Magham ye nduki a si ka tu̱ɓi,) ma nu̱ke me ghiindiku a si ka woɗa, ma nu̱ke zu̱ndi a si ka peeta.

1 Korintiyeku 14:18

Nga kuna Magham ku̱me nga ka shi ɓalar mbu̱ ghiindiku tu̱ duk ɓu̱ aaki chele ɓaanu.

1 Korintiyeku 14:5

Nga shim ku̱ shi nu ɓalar mbu̱ me ghiindi kap ɓaanu, yang nga duk shimndan ku̱ zu̱ nu ru̱kti ɓu̱ Magham. Njif nu̱ka zu̱ki ru̱kti ɓu̱ Magham wa duk nu̱ ɓalar mbu̱ me ghiindi gwaari, buka mbu̱ nduk a nje nu̱ zu̱ki mban ye tabar ɓu̱ nu̱ mbu Yesu ku ma ku̱ gor ku.

Afiseku 3:19

Nga barar tu̱k ku̱ zu̱n nu ndolar ɓu̱ Masiya nu̱ dukki du̱mbu̱r ku̱ nduk zu̱ni, ma ku̱ nyedli nu ndu̱ kap pooni nyedli ɓu̱ Magham.

Afiseku 5:18

Ku̱ kuya nu ndu̱ ɗyema ɓa, ku̱me nang ɗya njiv su̱bu̱rti nduki. Me ɓu̱ nang tun kha nyeedlan ndu̱ Jiimbi shakhshakhndi,

Afiseku 6:18

Tun ki barar mbe zalale ɓu̱ Jiimba aa nyi sarchi, ndu̱ aa nyi pooni bararku ndu̱ khutiku, kha ma daasaran aakochi tun zu̱m guma ndu̱ barari ye nduki ɓu̱ Magham.

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

2 Bitu̱rus 1:21

Jiwa ɓalar nu̱ annabiku zu̱ki nu̱ ɗa vi mbe shaandi ɓu̱ nduk sar da ɓa. Jiimbi shakhshakhndi ke nu̱ viri nu̱ mbu̱ memu̱na wora tu̱ sa wor ku̱ zu̱ ɗyiku nu̱ dlu̱ki ku she Magham.