Tlu̱nar ɓu̱ Pudeku 2:23 - Mewar Alqawarang

²³ Me ku̱ vu̱r khuski nang nu̱ mbu̱ kha nu ma ku̱ nu̱ solarku kaatli nda gha, Magham wa zu̱ni ku̱me chin daasaki.

Tlu̱nar ɓu̱ Pudeku 2:23 ပူးပေါင်းရင်းမြစ်များ

Matta 20:19

Kom tu̱ vu̱r nda ye nduki nu̱ke ɗya Yakhudeku ɓa, tu̱ shi ɓalar ndu̱mndi yenda, tu̱ shi dlabti yenda ku, tu̱ katl nda gha me qu̱far katlang ku, yang ye fu̱ɗar nu̱ kunung ka ji mbe mu̱ti ndu̱ nyifiri.”

Matta 26:24

Yi ɓu̱ Nduk ka mu̱ɗ ba wa nu̱ bu̱laki ɗyine nda. Yang njif nu̱ke a ma vu̱r Yi ɓu̱ Nduk ɓarang ɗya ɗye zhiyaye! Ka duk yenda tu̱ga nu̱ kha nda ɓa.”

Matta 27:35

Nu̱ katlki nda gha ku tu̱ ge tombol ghaari ku ma ku̱ shakh luktiku ɓaranang.

Markus 15:24

Nu̱ katlki nda gha, tu̱ shakh luktiku ɓaran nu̱ chele ɓaanda, tu̱ shi palam ge tombol ku ku̱me ku̱ zu̱n ɗyi nu̱ke aaki kaa gwaki.

Luka 22:22

Yi ɓu̱ nduk ka mu̱ɗ ba wa nu̱ke a nje zu̱ran, yang bonyang ɓu̱ njif nu̱ masaki nda ɓarang.”

Luka 22:37

Nga zu̱ran ye nu, a nje bu̱laran mbu̱ lagarkati ɓu̱ Magham za, ‘Wa shiga nda nu̱ mbu̱ nu̱ solarku’ Yang kap ɗyi nu̱ zu̱ki nu̱ ɗyina ka nyedli. Wanang ni, ɗyi nu̱ annabikwang zu̱ki ɗyina kap a nyedli.”

Luka 23:33

Nu̱ khu̱lki ku ye maa nu̱ka qaki za Du̱ɓ Ɗyin, tu̱ katl wor gha me qu̱far mu̱ti ye maaran, nduk da a tleebi bu̱nan nu̱ zu̱ma, nduk da a tleebi gu̱ɗau.

Luka 24:20

Yang tu̱ kuru rututundiku ndu̱ dlegumeku ɓaarem vu̱r nda ma tlagha nda nu̱ gha, tu̱ yang kaatli nda ku.

Yokhana 19:18

Tu̱ katl Yesu gha ye maaran su̱yen ndu̱ nduki nggur wor rap, da ve bu̱nan nu̱ zu̱ma da ve nu̱ gu̱ɗau.

Yokhana 19:24

“Tu̱ ze yen ku za, ɓyakh mi lukti nang nu̱gha ɓa, ngga mi daati nu̱ ɗyinan chem na njif nu̱ke ka zu̱mki tu̱ kha ma ɓaran.” Ɗyinang shi wanang ma nyel ɗyi nu̱ lagarkati ɓu̱ Magham zu̱ki za, “Wa shakh ɗye sar ɓang ku nu̱ chele ɓaanda. Tu̱ ngga daatiku nu̱ ɗyine lukti ɓanga.” Nang ke ɗyi nu̱ sojekwang shiki.

Tlu̱nar ɓu̱ Pudeku 13:27

Nduki nu̱ Urshalima ndu̱ dlegumeku ɓaanda nu̱ zu̱n za Yesu ke nu̱ ɗanarang ɓa. Nu̱ da mbu̱ ɓalar ɓu̱ annabiku nu̱ke a karantaran aa nyi Fu̱ɗar Su̱bjang ɓa. Yang wa nyel ɓalar ɓu̱ annabikwang sarchi nu̱ kumaki Yesu ku.

Tlu̱nar ɓu̱ Pudeku 15:18

Nang ke zu̱r ɓu̱ Zhinkir gwaanji, chin nu̱ wutki ɗyiku nang zhu tang.

Tlu̱nar ɓu̱ Pudeku 2:36

“Ku̱me nang, bu ku̱ Israila kap zu̱n nu̱ ɗyine chin Yesu nun katlki nda gha nang, Magham wa gaɓ ndu̱ chin ma Zhinkir gwaanji ndu̱ Masiya shwat.”

Tlu̱nar ɓu̱ Pudeku 3:18

Yang tu̱k nu̱ ku̱nshe shir ɓu̱ ɗyiku nang Magham wa nyel ɗyi nu̱ zu̱ki nu̱ ku̱nshe annabikwang kap, ku̱me wa zu̱ za Masiya ɓaran ka za bonye.

Tlu̱nar ɓu̱ Pudeku 4:28

Taba ku ma shi ɗyi no daasaki ka shi, nu̱ ku̱nshe zalale ɓaaro ndu̱ shimndi ɓaaro.

Tlu̱nar ɓu̱ Pudeku 5:28

Tu̱ gorkir ɓu̱ kurukwang ze wor za, “Chem wa nggu̱tl ku̱ shi nu shogar ye nduki mbu̱ dlu̱m nang ɓa. Yang kap ndu̱ nang tun wa nyel Urshalima ndu̱ shogar ɓaanu tun a shim tu̱pa taɗar mbu̱ti tom ɓu̱ khuski nang nu̱ ɗyine rem.”

Tlu̱nar ɓu̱ Pudeku 5:30

Maghamndi ɓu̱ Zhikanerem wa ji ndu̱ Yesu ɓar mbe mu̱ti, chin nun tlaghaki nda nu̱ gha nu̱ ku̱nshe kaatli nun katlki nda nu̱ me qu̱far kaatlang.

Tlu̱nar ɓu̱ Pudeku 7:52

Annabyang nje nu̱ke zhikannu nu̱ vu̱r bonye yenda ɓa mu? Wor tlaghaki nduki nu̱ wopaki ɓar ɓu̱ nu̱ Jeembu nang, yang leendang tun vu̱rki nu̱ Jeembwang ɓar tun tlagha nda nu̱ gha.

Romeku 2:12

Mbu̱ nduki nu̱ke nu̱ vu̱r Bibitang ye wor ɓa wa shi sola ka su̱ya wor nu̱gha aa nu̱ke nu̱ zu̱n Bibitang ku ɓa. Yang mbu̱ Yakhudeku nu̱ vu̱rki Bibitang ye wora wa shi sola ka kuma wor ndu̱ Bibiti nu̱ke a kha worang.

Romeku 4:17

Ba wa nu̱ke a nje bu̱laran za, “Ngga sa to kha ma zhinkir ɓu̱ me ghaiku khang.” Shi alqawar nang ye Yibram, ku̱me wa maita Magham, chin nu̱ka jiiki ndu̱ mu̱ti tu̱ kha ndu̱ nyifiri, tu̱ qa ɗyi nu̱ke a nje ɓa ku̱ kha wa a nje, tu̱ yang shi.

1 Tasalonikeku 2:15

Ɗya Yakhudeku tlaghaki Zhinerem gwaanji Yesu ndu̱ annabiku, tu̱ komba rem ku tu̱k. A su̱bu̱r memu̱na Magham ku maɗyi! A kare ndu̱ aaki ku!

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 1:20

Magham datkya chin me ku̱ du̱ng larji, yang wuti nda ye dalangi ye lauɗar su̱ qaandi virkirku nang ku̱me tunu.

1 Biturus 2:8

Yang a nje bu̱laran tu̱k za, “Ɗya ndogdi ji sar, ɗya ndogdi nu̱ka ɓa ki ndu̱ nggu̱di ɓu̱ nduk tu̱k!” Nduki ji saari worang ku̱me wa zhang mbu ɓalar ɓu̱ Magham gha. Yang daasa ye wor ma wanang.

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.