Tlu̱nar ɓu̱ Pudeku 2:14 - Mewar Alqawarang

¹⁴ Tu̱ Biturus ji tu̱ ching gha su̱yen ndu̱ Gwaanggu̱m dandang, tu̱ da su̱quran nu̱ viɗi tu̱ shi ɓalar ye wora. A zu̱ran za, “Nyeeza Yakhudeku ndu̱ nduki nu̱ke kharan ku Urshalima, tu̱k ma, tun da mbu̱ ɗyi nu̱ke nga ma zu̱ran ye nu.

Tlu̱nar ɓu̱ Pudeku 2:14 ပူးပေါင်းရင်းမြစ်များ

Matta 2:1

Wa kha Yesu mbu̱ Baitalami nu̱ke a mbu̱ dlar ghai Yakhudiya, sarchi kwaaɗar ɓu̱ kuji gwaanji Khiridus. Nu̱ zu̱ndi su̱ anjinjeku a nje na viki ku ɗokhatla, tu̱ ɗa ɓa Urshalima tu̱ shi zhamndi ku za,

Tlu̱nar ɓu̱ Pudeku 1:26

Tu̱ ngga daatiku chele ɓaanda tu̱ daatang nggu̱ɗ nu̱ ɗyine Matayas tu̱ kha ma puda su̱yen ndu̱ gwaanggu̱m dandang.

Tlu̱nar ɓu̱ Pudeku 13:16

Tu̱ Bulus ji nu̱ viɗi, tu̱ bu ndu̱ kharan za ku̱ nduki kha yit, tu̱ zu̱ za, “Nyeeza Israileku ndu̱ nu̱ ghaari ghai ye Magham ku nu̱ke ɗya Israileku ɓa, gwa ma dlu̱mndonu ya!

Tlu̱nar ɓu̱ Pudeku 2:22

“Nyeeza Israila tu̱k ma ɓalar nang. Yesu ye Nazaret ɗya njif nu̱ Magham wutki ye nu za chin wa maita nda shwat. Magham wa wut ye nu ku̱nshe ɗye lazhamku ndu̱ tlu̱nar gwaanji gwaanjiku ndu̱ ɗyiku nu̱ Magham shiki ku̱nshe nda chele ɓaanu, ba wa nun zu̱nki, ku̱me shi ɗyiku nang kap mbu̱ yitonu.

Tlu̱nar ɓu̱ Pudeku 21:28

a zhaano ku a zu̱ran za, “Nyeezerem Israila, shaata ma rem! Wonji njif nu̱ baaraki aa fu̱n a pu̱z nduki ɓaarem, ndu̱ woparku ɓaarem, ndu̱ rafti ɓu̱ Maghamndi ɓaarem nang. Wonji a ɓa tu̱k ndu̱ Kheleneku nggur mbu̱ raftang ma ku̱ sa maa shakhshakhndi nang ku̱ kha ndu̱ ru̱gna.”

Tlu̱nar ɓu̱ Pudeku 5:35

Nu̱ viki nu̱ wor dam, tu̱ ze nduki nu̱ mbu̱ tabarang za, “Nyeezaku Israila, nggu̱t ma mbu̱ ɗyi nu̱ke tun a shim shiran ye nduki nang nu̱gha mbari.

Tlu̱nar ɓu̱ Pudeku 7:2

Tu̱ tlogha za, “Nyeezaku ndu̱ zhinkirku ɓanga, gwa ma dlu̱mndonu ya! Magham nu̱ zhaaji wa wut ɗyinang ye zhikanerem Yibram sarchi nu̱ke a mbu̱ dlar ghai Mesopotamiya me ku̱ khan mbu̱ ghai Khaaran.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?