Tlu̱nar ɓu̱ Pudeku 17:2 - Mewar Alqawarang

² Tu̱ Bulus vi nu̱ she wora ba wa nu̱ su̱nki shiran, tu̱ Fu̱ɗar Maasi kunung peeta gaanje yen a keele ndu̱ wora mbu̱ bu̱lar ɓalar ɓu̱ Magham.

Tlu̱nar ɓu̱ Pudeku 17:2 ပူးပေါင်းရင်းမြစ်များ

Matta 26:24

Yi ɓu̱ Nduk ka mu̱ɗ ba wa nu̱ bu̱laki ɗyine nda. Yang njif nu̱ke a ma vu̱r Yi ɓu̱ Nduk ɓarang ɗya ɗye zhiyaye! Ka duk yenda tu̱ga nu̱ kha nda ɓa.”

Luka 4:16

Tu̱ Yesu a ɓa Nazaret ghai nu̱ gorki njang, tu̱ vi nu̱ mbu̱ kib tabar ɓu̱ Yakhudeku ye Su̱bji Fu̱ɗar Maasi ba wa nu̱ka shiki. Tu̱ ji tu̱ ching gha ma nggu̱ti ye chiti.

Yokhana 18:20

Tu̱ Yesu tlogha ye wor za, “Ai, nga shi ɓalar ye larji ye dalangi gume aaki, nga shogar ye nduki aakochi mbu̱ maa tabar ɓaanu ndu̱ mbu̱ Rafti ɓu̱ Magham, ye maa nu̱ke Yakhudeku ka tabaki. Sar da nang zu̱ ɗyi nggur mbu̱ tuka ɓa.

Tlu̱nar ɓu̱ Pudeku 13:14

Wor yang tu̱ njig Parga ku tu̱ zu̱m guma ndu̱ yir tu̱ ɗu̱ ku Antakiya nu̱ke a mbu̱ dlar ghai Pisidiya. Tu̱ vi ku nu̱ mbu̱ kib tabar ɓu̱ Yakhudeku ye Fu̱ɗar Maasi tu̱ kha gha ku.

Tlu̱nar ɓu̱ Pudeku 13:5

Nu̱ khu̱lki ku Salamis, tu̱ shi waazu ɓalar ɓu̱ Magham mbu̱ kib tabar ɓu̱ Yakhudekwang. Yokhana Markus a nje su̱yen ndu̱ wor a shaata wora.

Tlu̱nar ɓu̱ Pudeku 14:1

Tu̱ Bulus ndu̱ Barnaba mbu̱ ghai Ikoniya vi nu̱ mbu̱ kib tabar ɓu̱ Yakhudekwang ba wa nu̱ su̱nki ku ndu̱ shiran. Tu̱ shi waazu ku nje maɗyi, tu̱ nduki khang, Yakhudeku ndu̱ nduki nu̱ke ɗya Yakhudeku ɓa maita.

Tlu̱nar ɓu̱ Pudeku 17:10

Nu̱ virkir shiki tu̱ nu̱ mbu Yesu kwang shi khar mu̱ndi ye Bulus ndu̱ Sila tu̱ peeta ku nu̱ Biriya. Nu̱ khu̱lki ku nje tu̱ vi nu̱ mbu kib tabar ɓu̱ Yakhudekwang.

Tlu̱nar ɓu̱ Pudeku 17:17

Ku̱me nang tu̱ka shi keele mbu̱ kib ɓu̱ Yakhudekwang ndu̱ Yakhudeku ndu̱ Kheleneku nu̱ ghaari ghai ye Magham. Wa ka shi ku tu̱k ndu̱ nduki nu̱ka gwaki me gomari.

Tlu̱nar ɓu̱ Pudeku 18:4

Aa nyi Fu̱ɗar Maasi, tu̱ Bulus ki keele ndu̱ wor mbu̱ kib tabarang tu̱ ku̱s dut khangkal ɓu̱ Yakhudeku ndu̱ Gu̱rik ku.

Tlu̱nar ɓu̱ Pudeku 19:8

Tu̱ Bulus vi nu̱ mbu̱ kib tabar a waazu sawa su̱ ɓa, tu̱ shi chere kunung a zu̱ mbu̱ ɗyiku ye wor a dut khangkal ɓaanda mbe ɗyiku nu̱ kwaaɗar ɓu̱ Magham.

Tlu̱nar ɓu̱ Pudeku 24:25

Ye sarchi nang tu̱ Bulus shi ɓalar ɗyine tlu̱nar dambi, ndu̱ dukti du̱mbu̱r ɓu̱ shimndi ɓu̱ man va, ndu̱ kumar nu̱ke a ɓar fu̱ɗar wuri. Tu̱kti ɗyikunang tu̱ Feliks tu̱k sawa, tu̱ ze Bulus za, “Leendang goɓu. Mbu̱ nga gwa sarchi ngga ɓa qa ro.”

Tlu̱nar ɓu̱ Pudeku 28:23

Nu̱ saki sarchi nu̱ke wor ka gamaki tu̱ ɗa ɓa ku ye maa nu̱ zhurki nu̱ nje, yang ɗu̱ ku wor khang maɗyi tu̱ duk nu̱ gumang. Ji dumaari, ma yir mugdi tu̱ ki ɓalar ye wor a saida kwaaɗar ɓu̱ Magham, a wuta dut wor nu̱ she Yesu nu̱ ku̱nshe njiv Taurete ɓu̱ Musa ndu̱ lagarkati ɓu̱ annabikwang.

Tlu̱nar ɓu̱ Pudeku 8:35

Tu̱ Filibus nggaasan ndu̱ maa nu̱ke a si mbu̱ lagarkati ɓu̱ Maghamang tu̱ zu̱ Labar Mbarkandi ɓu̱ Yesu yenda.

Tlu̱nar ɓu̱ Pudeku 9:20

Nu̱ qan maɗyi ɓa, tu̱ Shawulu nggaasi waazu mbu̱ kib tabar ɓu̱ Yakhudekwang a zu̱ran za Yesu ɗya Yi ɓu̱ Magham.

1 Korintiyeku 15:3

Ɗyi nu̱ dukki ndu̱ boota maɗyi mbu̱ ɗyiku nang zu̱ki ye nu, chin ke ɓalar nang dlu̱ki za, Masiya wa mu̱t ku̱me solar ɓaarem, ba wa nu̱ Bu̱lar ɓalar ɓu̱ Magham zu̱ki.