Tlu̱nar ɓu̱ Pudeku 16:9 - Mewar Alqawarang

⁹ Mbu̱ virkiri tu̱ yiti Bulus qu̱n mbu̱ Jiimba. Nu̱ qu̱nki tu̱ na khuski nggur nu̱ke ɗya khuzi Makidoniya chingndan a khuti nda za, “A ɓo mbu̱ ghai Makidoniya to shaata rem.”

Tlu̱nar ɓu̱ Pudeku 16:9 ပူးပေါင်းရင်းမြစ်များ

Tlu̱nar ɓu̱ Pudeku 10:3

Sarchi ngguri, vi kunung nu̱ mugdi tu̱ yitan qu̱ni. Tu̱ na nu̱ ru̱kti ɓu̱ Magham ye dalangi aa ɓa she nda tu̱ zu̱ za, “Korneliyus!”

Tlu̱nar ɓu̱ Pudeku 10:30

Tu̱ Korneliyus tlogha za, “Qaandi vat meeni ba ye sarchi nang, vi kunung nu̱ mugdi, nga barar kaa ɓanga, fan ndu̱ fan, tang na nduk chingndan gumera nu̱ lukti nu̱ke a wuti maɗyi.

Tlu̱nar ɓu̱ Pudeku 16:10

Ba nu̱ yiti Bulus naki ɗyinang, chem ji fan ndu̱ fan chem zhang vaarem ma peetar nu̱ Makidoniya, ku̱me chem wa maita Magham kya qa rem ma zu̱ Labar Mbarkandang.

Tlu̱nar ɓu̱ Pudeku 16:12

Nyem njigki ye maaran chem ɗu̱ Filipi nu̱ke a mbu̱ bu̱n Roma, yang chin ke ghai gwaanji mbu̱ dlar ghai Makidoniya. Chem qan koɗom nje.

Tlu̱nar ɓu̱ Pudeku 18:5

Sarchi nu̱ Sila ndu̱ Timoti a jiiki ku Makidoniya, tu̱ Bulus vu̱r sarchi ɓaran kap ye waazu, a wutan ye Yakhudeku za shwat Yesu ke Masiya.

Tlu̱nar ɓu̱ Pudeku 19:21

Qu̱rse ɗyiku nang tu̱ Bulus san mbu̱ memu̱naran nu̱ ɗyine mbu̱ chin wa baara dlar ghai Makidoniya ndu̱ Akaya chin ka ɗu̱ Urshalima. Tu̱ zu̱ tu̱k za, “Mbu̱ nga ɗu̱ nje, wa ku̱s ku̱ ɗu̱ nga mbu̱ ghai Roma.”

Tlu̱nar ɓu̱ Pudeku 19:22

Tu̱ ru̱k nu̱ shaatar nda ku wor rap, wor ke Timoti ndu̱ Erastus, ku̱ ɗu̱ ku Makidoniya, chin yang, tu̱ kha gha dong mbu̱ dlar ghai Asiya.

Tlu̱nar ɓu̱ Pudeku 19:29

Tu̱ ghayang rokhdla, tu̱ nduki ɗan ye maa nu̱ke kib tabarang a si, a dut Gayus ndu̱ Aristakus, qusa Makidoniya nu̱ke ɗya nu̱ yir ku ɓu̱ Bulus.

Tlu̱nar ɓu̱ Pudeku 20:1

Qu̱rse lu̱khshang wa remta, tu̱ Bulus qa nu̱ mbu Yesu ku. Nu̱ paki du̱mbu̱r ye wora tu̱ shi khar mu̱ndi ndu̱ wor tu̱ ɗu̱ mbu̱ dlar ghai Makidoniya.

Tlu̱nar ɓu̱ Pudeku 20:3

Tu̱ shi chere kunung nje. A daasa viri nu̱ mbu̱ du̱mbu̱l ɗyim ma yir dlar ghai Siriya, tu̱ Yakhudeku daasa ɗyi malkandi nu̱ ɗyine nda. Nu̱ke wanangang tu̱ shim gaɓ varan tu̱ mbu mbu̱ Makidoniya.

Tlu̱nar ɓu̱ Pudeku 27:2

Nyem viki nu̱ mbu̱ du̱mbu̱l nu̱ Adu̱ramitiyum nu̱ke a ma mbu mbu̱ ɓeena ghaiku nu̱ konggol Asiya, chem nggaasi yiri. Yang Aristakus, khuzi Tasalonika ɓu̱ Makidoniya nggur a nje su̱yen ndu̱ chem.

Tlu̱nar ɓu̱ Pudeku 9:38

Nu̱ke ghai Lidda a bing ndu̱ Joppa, ni nu̱ mbu Yesu ku nu̱ Joppa tu̱kki za Biturus a nje Lidda, tu̱ ru̱k nduki rap ku̱ ɗu̱ she nda ku̱ khuti nda za ku̱ ɗa ɓa ndu̱ wakho.

Romeku 15:26

Tabar ɓu̱ nu̱ mbu Yesu ku nu̱ke a Makidoniya ndu̱ Akaya wa kasha vu̱rti ɗyiku ma shaatar nduki ɓu̱ Magham nu̱ke a mbu̱ song far mbu̱ ghai Urshalima.

2 Korintiyeku 11:9

Nga mbu̱ song sarchi nu̱ke nga su̱yen ndu̱ tunu, yang nang shim kha nga ma taɗa ye nu ɓa. Nyeezerem nu mbu Yesu ku nu̱ke a Makidoniya a ɓa ki ndu̱ ɗyi nu̱ke nga gangndan ya. Nang kha ma shipiti ye nu sarchi naandang ɓa, yang ngga zu̱m guma ndu̱ shiran wanang.

2 Korintiyeku 12:7

Yang ma ku̱ shi nga wakhti ku̱me ɗyiku tukakandi rututundi nu̱ yita naki ɓa, tu̱ ɗa ru̱k ndu̱ khaati nggur nu̱ khaki wa njekhti kya zhokhti nga mbu̱ vara. Tu̱ ɗyen kha wa Sheɗan a ru̱kki nu̱ ru̱kti ɓaran ku̱ ki vu̱r bonye ya, ma ku̱ nggu̱tli nga gwaari ɗyin.

2 Korintiyeku 7:5

Aa sarchi nyem a ɓa ki Makidoniya, nyem gwa chem mas ɓaa. Aa chem mbu̱m nu̱ fu̱n damtar a nje, mbu̱ chem wa vi nu̱ dam tu̱ nduki ku̱s gangnderem ndu̱ dakhlari, kha mi gha mbu chem a tu̱k sawa.

2 Korintiyeku 8:1

Nyeezaku, nga shim ku̱ zu̱n nu ɗyi nu̱ke mu̱nkir ɓu̱ Magham saki tabar ɓu̱ nu̱ mbu Yesu ku nu̱ Makidoniya tu̱ shi.

2 Korintiyeku 9:2

ku̱me nga zu̱n tun wa da ye memu̱na nu, nang ke ɗyi nu̱ saki tang makhta nu gume nduki nu̱ Makidoniya. Nga ze wor nga za ma ji sonyi nu̱ peetaki nduki nu̱ Akaya a shim shaata nu. Komkomi ɓaanu wa sa tu̱ ji ku nu̱ viɗi ma daasa vaanda.

1 Tasalonikeku 4:10

Yang ye zhire ni tun a ndola nyeezerem nu̱ke a mbu̱ dlar ghai Makidoniya. Yang tu̱k ba chem a khutonu, nyeezerem, shaatama nu̱ si maɗyi.