Tlu̱nar ɓu̱ Pudeku 14:3 - Mewar Alqawarang

³ Yang kap ndu̱ nang, tu̱ Bulus ndu̱ Barnaba shoɓ nje maɗyi a ɓalarku ndu̱ memu̱na wor da nu̱ ku̱nshe zalale ɓu̱ Magham. Tu̱ Magham gu̱n su̱ ɓalar mu̱nkir ɓaran nu̱ vu̱rki zalale ye wor tu̱ shi ɗye saiduku ndu̱ ɗye lazhamku.

Tlu̱nar ɓu̱ Pudeku 14:3 ပူးပေါင်းရင်းမြစ်များ

Markus 16:20

Tu̱ nu̱ mburindakwang ɗu̱ tu̱ ku̱s zu̱ labar mbarkandang nu̱ aa fu̱n. Magham a tlu̱nar su̱yen ndu̱ wora. A wut zhire ɓu̱ ɓalarang nu̱ ku̱nshe ɗye saidu ndu̱ ɗye lazham ku nu̱ke a shir mbu̱ waazu ɓalarang. Amin. (Ku̱ shi wanang.)

Yokhana 4:48

Tu̱ Yesu tlogha yenda za, “Mbu̱ nun na ɗye saidu ndu̱ ɗye lazhamku ɓa, tun maita sar da ɓa.”

Tlu̱nar ɓu̱ Pudeku 13:46

Yang tu̱ Bulus ndu̱ Barnaba shi ɓalari, sawa su̱ ɓa. Tu̱ zu̱ ku za, “Tun Yakhudeku, tun shipaki ku̱ ngga mi su̱ zu̱ ɓalar ɓu̱ Magham ye nu, yang nu̱ke tun wa zhang gha. Tun wa wut nu̱ ɗyine nun shipa gwar nyifi nu̱ke nu̱ka shi woɗa ɓa nda ɓa. Nu̱ke wanangang, chem ka ɗu̱ she nduki nu̱ke ɗya Yakhudeku ɓa.

Tlu̱nar ɓu̱ Pudeku 2:22

“Nyeeza Israila tu̱k ma ɓalar nang. Yesu ye Nazaret ɗya njif nu̱ Magham wutki ye nu za chin wa maita nda shwat. Magham wa wut ye nu ku̱nshe ɗye lazhamku ndu̱ tlu̱nar gwaanji gwaanjiku ndu̱ ɗyiku nu̱ Magham shiki ku̱nshe nda chele ɓaanu, ba wa nun zu̱nki, ku̱me shi ɗyiku nang kap mbu̱ yitonu.

Tlu̱nar ɓu̱ Pudeku 20:24

Yang nang da nyifi ɓang ma aa nu̱m ɓa, mbu̱ ngga ɗu̱ma woɗa tlu̱nar nu̱ Zhinerem gwaanji Yesu vu̱rki ya nang, nang ke, saida nga Labar Mbarkandi nu̱ mu̱nkir ɓu̱ Magham.

Tlu̱nar ɓu̱ Pudeku 20:32

“Yang leendang, nga sa nun mbu̱ khar Magham. Bu ku̱ ɓalar mu̱nkir ɓaran khutlo nu, chin ka du̱nki nu, tu̱ vu̱r me shakhti ɗye mbu̱ ge ɓaanu ye nu su̱yen ndu̱ nduki nu̱ wakaki var wora.

Tlu̱nar ɓu̱ Pudeku 4:31

Nu̱ shiki barar kwang tu̱ maa nu̱ tabaki nu̱ njang yakhta. Tu̱ nyel wor ndu̱ Jiimbi shakhshakhndi, tu̱ ki zu̱ ɓalar ɓu̱ Magham ku waare sawa.

Tlu̱nar ɓu̱ Pudeku 5:32

Chem nang kap chem a khar saidu ɓu̱ ɗyiku nang, Jiimbi shakhshakhndi nu̱ Magham vu̱rki ye nu̱ mbu zu̱r ɓaran ɗya saidu tu̱k.”

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

1 Tasalonikeku 2:2

Aa nu̱ke chem wa za bonye ndu̱ pu̱zi mbu̱ ghai Filipi, ba wa nun zu̱nki, Maghamndi ɓaarem wa pa du̱mbu̱r yerem ma ku̱ wopa mi Labar Mbarkandang ye nu, kap ndu̱ kare nu̱ke a shiran ku ndu̱ chem.

Yibraniyeku 2:4

Kom Magham wa shaata wut saidu ɓaran nu̱ ɗyine ɓaanda nu̱ shikyang, nu̱ ku̱nshe ɗye saiduku, ndu̱ ɗyiku nu̱ke nduk nu̱ su̱n nu̱ naran ɓa. Kom ndu̱ ɗye lazhamku zum zum, ndu̱ vu̱rtiku nu̱ shakki nu̱ ku̱nshe Jiimbi shakhshakhndi wa nu̱ shimki.