Tlu̱nar ɓu̱ Pudeku 13:6 - Mewar Alqawarang

⁶ Nu̱ baaraki maa mbu̱ chenjesang kap tu̱ khu̱l ku Pafos, tu̱ gama ku ndu̱ Yakhude nggur nu̱ me bilim, yang ɗya annabi kotame tu̱k, dlu̱man za Bar Joshuwa.

Tlu̱nar ɓu̱ Pudeku 13:6 ပူးပေါင်းရင်းမြစ်များ

Matta 16:17

Tu̱ Yesu tlogha yenda za, “To nu̱ barka Siman, yi ɓu̱ Yunana! Ku̱me nduk wuɗki na yor ɓa, kope Zhinkir ɓang nu̱ke a mbu̱ viɗi.

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Markus 10:46

Nu̱ Yesu khu̱lki ku Jeriko, a viri ɓar mbu̱ ghayang, su̱yen ndu̱ nu̱ mburi nda kwa ndu̱ nduki khang gaanje nda, yang pugum nggur a nje kharan tleebi njiva a khuti, dlu̱man za Bartimawus yi ɓu̱ Timawus.

Tlu̱nar ɓu̱ Pudeku 13:13

Tu̱ Bulus ndu̱ nyeezanang njig Pafos mbu̱ du̱mbu̱l ɗyim tu̱ ɗu̱ ku Parga mbu̱ dlar ghai Pamfiliya. Tu̱ Yokhana Markus njig wor nu̱ nje tu̱ gaɓ varan nu̱ Urshalima.

Tlu̱nar ɓu̱ Pudeku 13:8

Yang tu̱ Elimas nu̱ me bilimang (nang ke dlu̱man ndu̱ me Gu̱rik), keela ɓalar ɓaanda tu̱ shim su̱bu̱r aa nu̱m nu̱gha ma ku̱ nggomnyang maita ɓa.

2 Korintiyeku 11:13

Pooni nduki nang ɗya pude zhirekandi ku ɓa, ɗya nu̱ tlu̱nar wollo ku. Tu̱ ka mbu̱m vaanda wa wor pudeku ɓu̱ Masiya.

2 Timoti 3:8

A khar ku wa Janes ndu̱ Jambu̱res nu̱ shiki kare ku ndu̱ Musa, nduki ku nang tu̱k a kare ku ndu̱ zhire, kwaari ɓaanda wa sagha, maito ɓaanda ɗya nu̱ bamndi.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

Ɗyin mbu̱ tukari 19:20

Tu̱ yang ku̱s dlu gaarang su̱yen ndu̱ annabi kotame nu̱ shiki ɗye lazhamku me ɓaranang, tu̱ lamba nduki nu̱ke bakhti ɓu̱ dlu gaarang a nje ve worang. Ndu̱ nduki nu̱ gharki ghai ye shipar ɓaranang nu̱ ku̱nshe ɗye lazhamku nu̱ shikyang. Tu̱ ku̱s dlu gaari nang su̱yen ndu̱ annabi nu̱ wollo nang tu̱ mbuk mbu̱r ɓaanda nu̱ nyifi mbu̱ giɗim ɓai nu̱ solfa.