Tlu̱nar ɓu̱ Pudeku 13:2 - Mewar Alqawarang

² Sarchi nu̱ke a ghar ghai ye Magham a zhumti ku, tu̱ Jiimbi shakhshakhndi zu̱ za, “Wa ka ma Barnaba ndu̱ Shawulu ya nu̱ konggol ku̱me tlu̱nar nu̱ke nga shim ku̱ shi ya ku.”

Tlu̱nar ɓu̱ Pudeku 13:2 ပူးပေါင်းရင်းမြစ်များ

Matta 17:21

Ai, poona nang nu̱ka shi kheɗ ɓar ɓa, kope su̱yen ndu̱ barari ndu̱ zhumti.

Matta 6:16

“Mbu̱ tun a zhumti, khanu ndu̱ mbu̱ yitonu zhum wa nu̱ke nu̱ mu̱narkwang ka shiki ɓa. Wa ka su̱bu̱r mbu̱ yiti wor nu̱gha ma ku̱ nduki zu̱n za wora zhumti. Zhire nga zu̱ran ye nu, wa woɗa dlu̱ ɗye ɓi ɓaanda.

Matta 9:38

Ku̱me nang, khuɗ ma nu̱ damang ku̱ ɗa ru̱k nu̱ tlu̱narku ma ku̱mndang.”

Luka 10:1

Qu̱rse nang, tu̱ Zhinerem gwaanji dat nduki nggur ku ɗyin mut qu̱m rap, tu̱ ru̱k wor rap rap ku ma ku̱ ɗu̱ mbu̱ ghaiku ndu̱ maaku nu̱ke chin a shim ɓa mbu nji gaandan.

Luka 2:37

Sonyi ɓaran ɗyin miyasi qu̱m vat, yang nu̱ njig mbu̱ Rafti ɓu̱ Magham sar da ɓa, kharan nje a ghar ghai ye Magham fu̱ɗar ndu̱ virkiri, a zhumti ndu̱ barari.

Tlu̱nar ɓu̱ Pudeku 10:19

Siman Biturus a kwaari ɗyine ɗyi nyin nakyang, tu̱ Jiimbi shakhshakhndi ze nda za, “Siman nduki kunung a nje sho ro.

Tlu̱nar ɓu̱ Pudeku 10:30

Tu̱ Korneliyus tlogha za, “Qaandi vat meeni ba ye sarchi nang, vi kunung nu̱ mugdi, nga barar kaa ɓanga, fan ndu̱ fan, tang na nduk chingndan gumera nu̱ lukti nu̱ke a wuti maɗyi.

Tlu̱nar ɓu̱ Pudeku 13:3

Qu̱rse wa shi zhumti ndu̱ bararku, tu̱ sa khar barke ye wor tu̱ shi khar mu̱ndi ye wora.

Tlu̱nar ɓu̱ Pudeku 13:4

Nu̱ Jiimbi shakhshakhndi ru̱kki Barnaba ndu̱ Shawulu, tu̱ ɗu̱ ku Salukiya, ta vi du̱mbu̱l ɗyim ku ma yir Saipurus dlar ghai nu̱ gaawu gwaanji karakyang.

Tlu̱nar ɓu̱ Pudeku 14:26

Tu̱ dla du̱mbu̱l ɗyim ku nje tu̱ gaɓ ku nu̱ Antakiya. Nang ke ye maa nu̱ khuɗki mu̱nkir ɓu̱ Magham gumapaali ma ku̱ khutlo wor mbu̱ tlu̱nar nu̱ woɗaki ku nang.

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 22:21

“Tu̱ Zhinerem gwaanji zu̱ ya za, ‘Ju to ɗi, ngga ru̱ktor nu̱ ɓakh fara, ye maa nu̱ke ɗya Yakhudeku ɓa.’ ”

Tlu̱nar ɓu̱ Pudeku 4:36

Yusufu, nu̱ke ɗya ye me sham ɓu̱ Lawi, khuzi Saipurus, nu̱ Pudekwang ka qaki nda za Barnaba (mban za, nu̱ vu̱rti shokhku̱rokh me bu̱n),

Tlu̱nar ɓu̱ Pudeku 6:4

Ku̱me gwa mi chem rub nu̱ ɗyine barari ndu̱ shogar ɓalar ɓu̱ Magham ɓara.”

Tlu̱nar ɓu̱ Pudeku 8:29

Tu̱ Jiimbyang ze Filibus za, “Ɗu she mu̱tu̱ke pu̱rsi nang to ching nu̱ bing ndu̱ chin.”

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Romeku 10:15

Nu̱ waazu kwang ka shi waazwang kikimndana, mbu̱ nu̱ ru̱k wor ɓa? Ba wa nu̱ke a nje bu̱laran za, “Khu̱dli ɓu̱ nduki nu̱ ɗa ɓaki ndu̱ Labar Mbarkandang ɗya ɗyi mbarkandi maɗyi!”

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

1 Korintiyeku 12:11

Ɗyiku nang kap ɗya Jiimbi nang ɗyenda kya shiran, chin shakki ye aaki wa nu̱ shimki.

1 Korintiyeku 7:5

Ku̱ nduk da nggu̱tl mu̱dlen ɓa, buka mbu̱ke tun zu̱n gha zu̱zi ma ku̱ gwa nu sarchi tun shi barari. Yang tun a gaɓ nu̱ ve yen, ku̱ Sheɗan lamba nu ku̱me song ku̱si va ɓa.

2 Korintiyeku 11:27

Nga shi tlu̱nar tang za bonye, mbe song ɗyeniri, ndu̱ meeri, ndu̱ khuzhumndi. Nga kha waare ɗye zu̱mndi sar khang, tang za mbiti, ndu̱ song ɗye sar nu̱ke ngga saki.

2 Korintiyeku 6:5

Mbe dlabti ku, mbe khiiri nu̱ zhaaru̱m, ndu̱ dakhlar ku, mbe tlu̱narku gu̱rgu̱rndi ku, mbe song ɗyeniri ndu̱ meeri.

Galatiyeku 1:15

Yang Magham mbu̱ mu̱nkir ɓaran wa daati nga me ku̱ kha nga nu̱ dam, tu̱ qa nga, tu̱ shim

Afiseku 3:7

Wa gaɓ ndu̱ nga tu̱k ma nu̱ tlu̱nar Labar mbarkandi nang. Yang tlu̱nar nang ɗya vu̱rti ɓu̱ Magham ya, nu̱ vu̱rki ya nu̱ ku̱nshe mu̱nkir ɓaran, nang ke zalale nu̱ke a tlu̱nar mbya.

Kolosiyeku 4:17

Tun ze Arkipus tu̱k nun za, “Shi to lauɗa su̱ tlu̱nar nu̱ Zhinkir gwaanji vu̱rki yorang.”

1 Timoti 2:7

Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

2 Timoti 1:11

Magham wa sa tang kha ma nu̱ waazu, ndu̱ pude ɓu̱ Yesu, ndu̱ maalu̱m ku̱me Labar mbarkandi dandi nang.

2 Timoti 2:2

Ɗyi no tu̱kki sha gume saidu ku khang, to shoga ye nduki nu̱ shir zhire ma ku̱ shoga ku ye nduki ngguri.

2 Timoti 4:11

Luka ɗyenda kya su̱yen ndu̱ nga. A lob Markus tun a ɓa su̱yen ndu̱ chin, ku̱me ka kha ndu̱ boota ya mbu̱ tlu̱nar nu̱ke nga shiran.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

Yibraniyeku 5:4

Nduk a nje nu̱ke ka datki tlu̱nar nu̱ zhaaji nang ye ɗyinan ɓa. Wa ku̱s ku̱ Magham qa nda, ba wa nu̱ qaki Kharuna.