Tlu̱nar ɓu̱ Pudeku 11:3 - Mewar Alqawarang

³ Tu̱ ze nda ku za, “Nu̱m saki to ɗu̱ kaa ɓu̱ nduki nu̱ke su̱ wor dlaran ɓa, yang to gaɓ to zu̱m ɗye zu̱mndi ndu̱ wora na?”

Tlu̱nar ɓu̱ Pudeku 11:3 ပူးပေါင်းရင်းမြစ်များ

Matta 9:11

Nu̱ Parisekwang naki wanangang, tu̱ ze nu̱ mburi nda kwang za, “Nu̱m saki tu̱ Maalu̱m ɓaanu ki zu̱m ɗye zu̱mndi ndu̱ nu̱ dlu̱r zhaanggalku ndu̱ nu̱ solarkwang na?”

Luka 15:2

Yang tu̱ Parisekwang su̱yen ndu̱ Maalu̱m Taurete ku, tu̱ ku̱s ba ruru mbu̱ memu̱na wor za, “Nggu̱t njif nang wa gonta ɗyinan ndu̱ nu̱ solar ku kap ndu̱ zu̱mndi ɗye zu̱mndi ndu̱ wora.”

Yokhana 18:28

Ye sarchi nang, tu̱ Yakhudekwang vi ndu̱ Yesu ɓar mbu̱ rafti ɓu̱ Kayafa tu̱ ɗu̱ ndu̱ chin ku patle ɓu̱ nggomne nu̱ Roma. Yang nu̱ke ɗya dumaari ɗau, tu̱ zhang viri nu̱ mbu̱ raftang gha ku ku̱me a zhang khanda ru̱knaran ku tu̱ nggu̱tl wor ndu̱ zu̱mndi ɗye zu̱mndi tabar peetar ɗyinang ɓa.

Tlu̱nar ɓu̱ Pudeku 10:23

Tu̱ Biturus vi ndu̱ wor mbu̱ raftang tu̱ vu̱r maa qaandi ye wora. Nu̱ maa ɗatlki, tu̱ ɗu̱ ku su̱yen ndu̱ nu̱ mbu Yesu ku nggur nu̱ke a mbu̱ ghai Joppa ma bala nda.

Tlu̱nar ɓu̱ Pudeku 10:28

Tu̱ ze wor za, “Tun ndu̱ ɗyinonu tun wa zu̱n za nu̱ shipa ku̱ Yakhude nduku kha ndu̱ nduki nu̱ke ɗya Yakhuda ɓa, yang ɓu̱ ɗu̱ kaa ɓaran ɓa. Yang Magham wa wut ya za qa nga aaki maatlin ɓa, yang zopan ɓa.

Tlu̱nar ɓu̱ Pudeku 10:32

Yang ru̱k nduki leendang nu̱ Joppa ku̱ ɗa qa Siman nu̱ka qaki nda za Biturus. Zhurtan kaa ɓu̱ Siman nu̱ tlu̱nar ku̱zu̱mndi nu̱ke rafti ɓaranang a me gaawu gwaanjang.’

Tlu̱nar ɓu̱ Pudeku 10:48

Tu̱ Biturus sa za ku̱ shi baptisme ye wor mbu̱ dlu̱m Yesu Masiya. Kom tu̱ khuɗ Biturus ku za ku̱ kha gha su̱yen ndu̱ wor me qaandi virkir koɗom dong.

1 Korintiyeku 5:11

Yang nga bu̱laran ye nu nu̱ ɗyine mbu̱ nduk a nje nu̱ke ɗya mu̱dlonu nu̱ mbu Yesu, yang ɗya nu̱ zawa, ku̱ kha nu ndu̱ chin ɓa. Yang mbu̱ ɗya nu̱ khape, aa a gharkya ghai ye mu̱lu̱m, aa ɗya nu̱ gu̱ndi virki, aa ɗya nduk kuyakandi, aa nu̱ muuru, zu̱m nu ɗye zu̱mndi ndu̱ pooni ndukiku nang ɓa.

Galatiyeku 2:12

Gumapaali, wa ka zu̱m ɗye zu̱mndi ndu̱ nu̱ mbu Yesu ku nu̱ke ɗya Yakhudeku ɓa. Yang nu̱ Yaqub ru̱kki ɓeeni nduki ma yir Antiyok, tu̱ Biturus dut varan ɓar she nduki nu̱ke ɗya Yakhudeku ɓa ndang tu̱ kha nu̱ konggol. Shi wanang ku̱me a sawa nduki nu̱ke a shim ku̱ dla su̱ nduki nu̱ke ɗya Yakhudeku ɓa nu̱gha.

2 Yokhana 1:10

Mbu̱ yang njif nggur a ɓa tu̱ shoga ɗyi nggur ɓar zum ndu̱ shogar nang, dlu̱ nu nda nu̱ kaa ɓaanu ɓa, shi nu leya ɓar yenda ɓa.