Tlu̱nar ɓu̱ Pudeku 10:2 - Mewar Alqawarang

² Yang ɗya nu̱ sawar Magham chin ndu̱ rafti ɓaran kap. Wa ka shaata Yakhudeku nu̱ke nungndan maɗyi, wa ka shi barar ye Magham aakochi.

Tlu̱nar ɓu̱ Pudeku 10:2 ပူးပေါင်းရင်းမြစ်များ

Matta 25:17

Wanang tu̱k tu̱ njif nu̱ dlu̱ki kulup rapndang ɗa gwa kulup rap nu̱ ɗyine mu̱zhindi nu̱ vu̱rki yendang.

Luka 18:1

Tu̱ Yesu shi ku̱rti ɓalar nggur ye nu̱ mburindakwang ma ku̱ shoga ku za wa shipa ku̱ ki bararku aakochi yang ku̱ nggum ndu̱ shiran ku zum ɓa.

Luka 2:25

Yang ku̱maandi nggur a nje Urshalima dlu̱man za Simiyon, ɗya nu̱ jeembu ndu̱ komkomi ghaari ghai ye Magham. A bu ɓar ɓu̱ Masiya ma du̱ng memu̱na Israila, Jiimbi shakhshakhndang nje ɗyine nda.

Tlu̱nar ɓu̱ Pudeku 10:22

Tu̱ zu̱ ku za, “Ɗya gorkir soje Rome nggur a ru̱kki rem, dlu̱man za Korneliyus. Ɗya nu̱ jeembu, nduk mbarkandi nu̱ sawar Magham, Yakhudeku kap a na zhaaji ɓaran. Yang nu̱ ru̱kti na viki she Magham zu̱ki yenda za ɗu̱ na kaa ɓaran chin tu̱k ɗyi nu̱ke to ka zu̱ki.”

Tlu̱nar ɓu̱ Pudeku 10:31

Tu̱ zu̱ ya za, ‘Korneliyus Magham wa tlogha su̱ barar ndu̱ shaatar nu̱ nungndiku nu̱ke ta shiran, Magham a kwaroro ku̱men.

Tlu̱nar ɓu̱ Pudeku 10:35

A shimkya nu̱ sawar nda kom ndu̱ njif nu̱ka shiki ɗyi nu̱ke torop nang ke njif nu̱ke khar viti ɓaran wa kha mbar she Magham aa a vi mbu̱ aa nyi dlar ghai.

Tlu̱nar ɓu̱ Pudeku 10:4

Chin yang tu̱ zu̱ yiti yenda mbu̱ sawa tu̱ zu̱ za, “Zhinerem gwaanji, nu̱ma?” Tu̱ nu̱ ru̱ktang ze nda za, “Magham wa tu̱k mu̱ndi barar ndu̱ shaatar nu̱ nungndiku nu̱ke ta shiran, Magham a kwaaroro ku̱men.

Tlu̱nar ɓu̱ Pudeku 10:7

Ni nu̱ ru̱kti ɓu̱ Magham nu̱ shiki ɓalar nang yenda ɗu̱ki varan, tu̱ Korneliyus qa maaviku ɓaran rap ndu̱ soje nggur nu̱ sawar Magham chele sojeku nu̱ke a tlu̱nar yenda.

Tlu̱nar ɓu̱ Pudeku 11:14

Chin ka ɓa zu̱ki zoɓar nu̱ke tun ka ɓa gwaki ɗanari, to ndu̱ rafti ɓaa kap.’

Tlu̱nar ɓu̱ Pudeku 13:16

Tu̱ Bulus ji nu̱ viɗi, tu̱ bu ndu̱ kharan za ku̱ nduki kha yit, tu̱ zu̱ za, “Nyeeza Israileku ndu̱ nu̱ ghaari ghai ye Magham ku nu̱ke ɗya Israileku ɓa, gwa ma dlu̱mndonu ya!

Tlu̱nar ɓu̱ Pudeku 13:26

“Nyeezaku, zhikankirku ɓu̱ Yibram ndu̱ nu̱ sawar Magham ku nu̱ke ɗya Yakhude ku ɓa a ru̱k labar ɗanar nang yerem.

Tlu̱nar ɓu̱ Pudeku 13:50

Tu̱ yang Yakhudekwang sokh nusuku nu̱ ghaari ghai ku nggur nu̱ke nduki a na zhaaji ɓaanda ndu̱ dlegumeku ɓu̱ nduki nu̱ mbu̱ ghayang. Tu̱ vu̱r bonyeku ye Bulus ndu̱ Barnaba, tu̱ komba wor ɓar mbu̱ dlar ghai ɓaanda.

Tlu̱nar ɓu̱ Pudeku 18:8

Tu̱ Ku̱rispus, dle gume ɓu̱ kib tabarang maita Zhinerem gwaanji, chin ndu̱ nduki nu̱ mbu̱ rafti ɓaran kap. Tu̱ nduki Koranti khang tu̱k ɓalar ɓu̱ Bulus tu̱ maita, tu̱ shi baptisme ye wora.

Tlu̱nar ɓu̱ Pudeku 2:5

Yang nduki nu̱ ghaari ghai ɓu̱ Yakhudeku a nje khang kharan Urshalima ye sarchi nang. A ɓa ku mbu̱ ghaiku zum zum mu̱na larji.

Tlu̱nar ɓu̱ Pudeku 22:12

“Tu̱ khuski nggur dlu̱man za Khananiya a ɓa sha. Ɗya nu̱ ghaari ghai ye Magham nu̱ mburi wopar ɓaarem mbari, Yakhudeku nu̱ke a fara a kuna nda ku.

Tlu̱nar ɓu̱ Pudeku 8:2

Tu̱ nu̱ sawar Magham ku pa Istafanus gha, tu̱ gho mu̱ti ɓaranku maɗyi.

Tlu̱nar ɓu̱ Pudeku 9:11

Tu̱ Zhinerem gwaanji ze nda za, “Ju to ɗu̱ me njiv nu̱ka qaki za Kwatu̱ra, to ɗu̱ mbu̱ rafti ɓu̱ Yakhuda, to zham mbu̱ khuzi Tarsus nggur a nje dlu̱man Shawulu, a nje a barari.

Tlu̱nar ɓu̱ Pudeku 9:31

Kom tu̱ nu̱ mbu Yesu ku nu̱ Yakhudiya ndu̱ Galili ndu̱ Samariya gwa qaandi memu̱na. Tu̱ me bu̱n wor shi shokhku̱rokh tu̱ gwa du̱mbu̱r ku ku̱nshe shaatar ɓu̱ Jiimbi shakhshakhndi. Tu̱ shaata ku maɗyi, a khar ɓaanda ndu̱ sawar Zhinkirang.

Tlu̱nar ɓu̱ Pudeku 9:36

Yang nu̱ mbu Yesu nggur a nje mbu̱ ghai Joppa dlu̱man za Tabita nang ke Dorka. Nokhzi nang wa shi mbarkir ye nduki tu̱ shaata nu̱ nungndi ku khang.

Kolosiyeku 4:2

Ching ma nu̱ ɗyine barari, tun kha vaanu buran, tun a wut kunar ɓaanu ye Magham.

1 Tasalonikeku 5:17

Tun ki barar laada su̱ ɓa.

Yaqub 1:5

Mbu̱ ke nduk a nje chele ɓaanu nu̱ke kaɗari ve nda ɓa, ku̱ khuɗ Magham nu̱ka vu̱rki ye aaki kharan nggaran yang nu̱ka zham me nduk ɓa, ka vu̱r yenda.

Ɗyin mbu̱ tukari 15:4

Ki ke ɓu̱ tu̱k sawar ɓaa ɓa, to Zhinkir gwaanji? Ki ke ɓu̱ vu̱r zhaaji ye dlu̱mor ɓa? To ɗyenda ke shakhshakh. Nduki kap ka ɗa ɓa, tu̱ ghar ghai yoro jiwa tlu̱nar jeembi ɓaaro a ɗal dam.”