Tlu̱nar ɓu̱ Pudeku 1:8 - Mewar Alqawarang

⁸ Yang ba tun ka kha ndu̱ zalale sarchi nu̱ Jiimbi shakhshakhndi a shurki ye nu, tun ka kha ma saidu ku ɓanga mbu̱ Urshalima ndu̱ Yakhudiya ndu̱ Samariya ma yir me koɗokh larji kap.”

Tlu̱nar ɓu̱ Pudeku 1:8 ပူးပေါင်းရင်းမြစ်များ

Matta 24:14

Ka wopa labar mu̱nkandi nu̱ kwaaɗar mbu̱ viɗi ye nduki nu̱ larji kap ma ku̱ kha ma saidu ye wora, kom tu̱ lauɗarsan a ɓa.

Matta 28:19

Ku̱me nang mbu̱ tun wa ɗi tun a ze nduki nu̱ larji kap ku̱ mburi nga, tun a shi baptisme ye wora mbu̱ dlu̱m Zhinkiri, ndu̱ ɓu̱ Woyang ndu̱ ɓu̱ Jiimbi Shakhshakhndi.

Markus 16:15

Tu̱ ze wor tu̱k za, ɗu̱ ma aa fu̱n mbu̱ larji, tun zu̱ labar mbarkandi nang ye nduki kap.

Luka 1:35

Tu̱ nu̱ ru̱ktang ze nda za, “Jiimbi shakhshakhndi ɓu̱ Magham ka shur nu̱ ɗyinoro, zalale ɓu̱ Magham nu̱ viɗi ka lu̱pa ro. Ku̱me nang, woyang ka kha shakhshakh, ka qa nda Yi ɓu̱ Magham.

Luka 10:19

Tu̱k ma! Nga vu̱r zalale ye nu, ma ɗu̱ma nu khatl su̱tiku ndu̱ ghu̱rɗarku, kap ndu̱ nu̱ zhangndi ɓaanu, ma ku̱ aa nu̱m gwa nu ɓa.

Luka 24:29

tu̱ khuti nda ku za, “Ku̱gam a gol nu̱ she rem ku̱me mugdi wa shi, wonji fu̱ɗar wa nggu̱ɗi.” Kom tu̱ ɗu̱ ta zhur nu̱ she wora.

Yokhana 15:27

Tun saidu ɓang tu̱k, ku̱me tun a su̱yen ndu̱ nga gumapaali.”

Tlu̱nar ɓu̱ Pudeku 1:22

Wa shipa ku̱ njifang kha da chele nduki nu̱ke a su̱yen ndu̱ chem ji ɗyin sarchi nu̱ke Yokhana a baptisme ma yir ye fu̱ɗar nu̱ daki Yesu ɓar she rem ma yir mbu̱ viɗi. Wa ku̱s ku̱ da chele nduki nu̱ke a saida jiiri ɓu̱ Yesu mbe mu̱ti su̱yen ndu̱ chem.”

Tlu̱nar ɓu̱ Pudeku 1:5

Ku̱me Yokhana shi baptisme ye nduki ndu̱ ɗyim, yang fan ndu̱ qaandi koɗomma, ka shi baptisme ye nu ndu̱ Jiimbi shakhshakhndi.”

Tlu̱nar ɓu̱ Pudeku 13:31

Me qaandi khang a wut varan ye nduki na jiiki Galili tu̱ mbu gaanje nda ma yir Urshalima. Wor nang ke saiduku ɓaran ye nduki ɓaarem leendang.

Tlu̱nar ɓu̱ Pudeku 2:32

Magham wa ji ndu̱ Yesu nang ɓar mbe mu̱ti, yang chem nang kap saidu zhire ɓu̱ ɗyiku nang.

Tlu̱nar ɓu̱ Pudeku 22:15

Ku̱me to ka kha ma nu̱ saidu ɓaran ye nduki kap ɗyine ɗyi no naki, to tu̱ki.

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

Tlu̱nar ɓu̱ Pudeku 4:33

Tu̱ Pudekwang saida jiiri ɓu̱ Yesu mbe mu̱ti ndu̱ zalale gwaanji. Mu̱nkir gwaanji ɓu̱ Magham a nje ɗyine wor kap,

Tlu̱nar ɓu̱ Pudeku 5:32

Chem nang kap chem a khar saidu ɓu̱ ɗyiku nang, Jiimbi shakhshakhndi nu̱ Magham vu̱rki ye nu̱ mbu zu̱r ɓaran ɗya saidu tu̱k.”

Tlu̱nar ɓu̱ Pudeku 6:8

Yang tu̱ Istafanus, khuski nu̱ke mu̱nkir ɓu̱ Magham ndu̱ zalale ɓaran nyeedlan mbe nda, shi ɗye lazhamku khang ndu̱ ɗye saidu ku chele nduki.

Tlu̱nar ɓu̱ Pudeku 8:1

Yang Shawulu a nje ye maarang a gu̱n su̱ tlaghar Istafanus nu̱ shikikwang. Ye sarchi nang, tu̱ nu̱ mbu Yesu ku nu̱ke a Urshalima za bonye maɗyikandi. Tu̱ lakhta wor nu̱ mbu̱ dlar ghai Yakhudiya ndu̱ Samariya tu̱ njigkya ba Pudekwang ɗyenda mbu̱ Urshalima.

Romeku 10:18

Yang bu shi nga zhamndi, “Nu̱ tu̱k labarang ku de?” Wa tu̱k ku shwat, Jiwa Bu̱lar Ɓalar ɓu̱ Magham wa zu̱ za, “Su̱ qur wor wa ɗu̱ mbu̱ larji kap, ɓalarku ɓaanda wa khu̱l aa fu̱n mbu̱ larji.”

Romeku 15:19

Nga shi tlu̱nar ɗye saiduku ndu̱ ɗye lazhamku mbe zalale ɓu̱ Jiimbi shakhshakhndi. Nga ji Urshalima tang baara maari kap ma yir Ilirikum nga wopa Labar Mbarkandi ɓu̱ Masiya.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.