Tlu̱nar ɓu̱ Pudeku 1:2 - Mewar Alqawarang

² ma khu̱dli ye fu̱ɗar nu̱ daki nda ma yir mbu̱ viɗi. Me ku̱ da nda ma yir viɗi wa shi ɓalar nu̱ ku̱nshe Jiimbi shakhshakhndi ye pudeku nyin datki.

Tlu̱nar ɓu̱ Pudeku 1:2 ပူးပေါင်းရင်းမြစ်များ

Matta 12:28

Yang mbu̱ ngaa komba khu̱kheetiku nang ɓar ndu̱ zalale ɓu̱ Jiimbi shakhshakhndi, na wa wuɗ za kwaaɗar ɓu̱ Magham a ɓa ye nu ɗo.

Matta 3:16

Nu̱ shiki baptisme ye Yesu, ba nu̱ viki ɓar mbu̱ ɗyimang, tu̱ maa viɗ qu̱ni, tu̱ na Jiimbi ɓu̱ Magham a shurti nu̱ ɗyine nda wa shipar mboole.

Markus 6:30

Tu̱ pudeku gwaanggu̱m rapndang nu̱ Yesu ru̱kkyang a gaɓ ku tu̱ taba nu̱ she Yesu tu̱ zu̱ ɗyiku nu̱ wora shiki kom ndu̱ ɗyi nu̱ wora shogaki bar ye nduki kap.

Luka 24:51

A mbu̱ sa barke ye wor tu̱ shakh ndu̱ wora tu̱ da nda ma yir viɗi.

Luka 9:51

Nu̱ sarchi gaɓti ɓu̱ Yesu nu̱ viɗi shiki bing, tu̱ du̱ng ɗyinan ma yir Urshalima.

Yokhana 1:16

Khang mu̱nkir ɓaran saki chem gwa barkeku khang mbu̱ yen.

Yokhana 13:1

A nje a nje me ku̱ Tabar Peetar ɗyin shi, Yesu wa woɗa zu̱ndan za sarchi ɓaran wa shi nu̱ke chin a ma njig larji nang chin gaɓ nu̱ she Zhinkirang. Yesu wa ndola nduki ɓaran nu̱ke a larji, wa wut ndolar ɓaran ye wor ma yi lauɗar su̱ khar ɓaanda.

Yokhana 13:18

“Nga ɓalarang ndu̱ tun kap ɓa. Nga zu̱n nduki nang datki. Yang wa ku̱s ku̱ nyel nga ɗyi nu̱ bu̱laki nu̱ gha mbu̱ ɓalar ɓu̱ Magham za, ‘Njif nu̱ kya zu̱m ɗye zu̱mndi ndu̱ nga mbu̱ du̱ɓ da, wa nggu̱ɗ nu̱ vya!’

Yokhana 13:3

Yang Yesu wa zu̱n Magham wa sa aa nu̱m nu̱ mbu̱ kharan. Wa zu̱n chin a vi she Magham, yang chin a gaɓti nu̱ she Magham.

Yokhana 16:28

Nga vi she Zhinkirang, tang a vi nu̱ mbu̱ larji, yang leendang nga ma njig larji tang gaɓ nu̱ she Zhinkirang.”

Yokhana 17:13

Nga gaɓti nu̱ sho leendang, yang nga khuɗ ɗyiku nang sarchi nu̱ke nga larji ma ku̱ kashar ɓang nu̱ke nyeedlan khan mbe nu̱ mburi nga ku nang.

Yokhana 20:17

Tu̱ Yesu ze nda za, “Khuɓ na nga ɓa, ku̱me nang dlan she Zhinkirang ɓa dong. Yang ɗu̱ she nyeezaku to ɗa ze wor no za, nga gaɓti nu̱ she Zhinkir ɓanga ndu̱ Zhinkir ɓaanu, Maghamndi ɓanga ndu̱ Maghamndi ɓaanu tu̱k.”

Yokhana 20:21

Kom tu̱ Yesu gaɓ tu̱ ze wor za, “Kha ma gha ndu̱ qaandi memu̱na! Ba wa nu̱ Zhinkirang a ru̱kki nga, nga ru̱ktonu tu̱k.”

Yokhana 3:34

Jiwa chin nu̱ Maghamang ru̱kkyang a zu̱kya ɓalar ɓu̱ Magham, ku̱me Magham wa vu̱r Jiimbi ɓaran yenda koɗokhsi ɓa.

Yokhana 6:62

Yang tun ka shi kikimndi mbu̱ tun wa na Yi ɓu̱ Nduku a dlar ma yir mbu̱ viɗi ye maa nu̱ ɗa viki si?

Yokhana 6:70

Tu̱ Yesu tlogha za, “Nga datki nu tun gwaanggu̱m rapndi nang ɓa goma? Yang da chele ɓaanu ɗya sheɗan.”

Tlu̱nar ɓu̱ Pudeku 1:11

Tu̱ nduki rapndang zu̱ za, “Nduki nu̱ Galili, nu̱m saki tun ching gha fan tun a nggu̱t maa viɗang na? Ba chin Yesu nu̱ daki nda ɓar she nu ma yir viɗ nang kaɗa gaɓ ba wa nun naki yir ɓaran.”

Tlu̱nar ɓu̱ Pudeku 1:13

Nu̱ khu̱lki ku mbu̱ ghayang, tu̱ dlan ye maa khar ɓaanda mbu̱ dangkalyang. Nduki nu̱ke a ye maaranang ɗya Biturus ndu̱ Yokhana, ndu̱ Yaqub, ndu̱ Andu̱rawus, ndu̱ Filibus, ndu̱ Toma, ndu̱ Bartilomi, ndu̱ Matta, ndu̱ Yaqub yi ɓu̱ Alfawus. Kom ndu̱ Siman nu̱ka qaki nda za nu̱ zhiri ghai ɓaran, ndu̱ Yakhuda yi ɓu̱ Yaqub.

Tlu̱nar ɓu̱ Pudeku 1:22

Wa shipa ku̱ njifang kha da chele nduki nu̱ke a su̱yen ndu̱ chem ji ɗyin sarchi nu̱ke Yokhana a baptisme ma yir ye fu̱ɗar nu̱ daki Yesu ɓar she rem ma yir mbu̱ viɗi. Wa ku̱s ku̱ da chele nduki nu̱ke a saida jiiri ɓu̱ Yesu mbe mu̱ti su̱yen ndu̱ chem.”

Tlu̱nar ɓu̱ Pudeku 1:9

Nu̱ zu̱ki wanang, a nggu̱tan ku tu̱ da nda ma yir mbu̱ viɗi. Tu̱ ku̱zapti nggur lu̱pa nda nu̱ gha me yiti wora nu̱ na nda ku tu̱k ɓa.

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Galatiyeku 1:1

Lagarkati nang a vi sha, nga Bulus pude ɓu̱ Yesu. Khar ɓang ma pude nang ɗya nduk datki nga ɓa yang shir ɓu̱ nduk zum ɓa. Daatang a vi she Yesu Masiya ndu̱ Magham Zhinki nu̱ jiiki ndu̱ Yesu ɓar mbe mu̱ti.

Afiseku 2:20

Wa du̱ngndonu nu̱ ɗyine su̱ du̱ndi nu̱ pudeku ndu̱ annabikwang du̱nki, yang Masiya Yesu ke ndogdi ngginggeetli nu̱ dukki ndu̱ boota mbu̱ du̱ndang.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Yibraniyeku 9:24

Jiwa Masiya nu̱ vikya nu̱ mbu̱ Kib shakhshakhndi nu̱ nduk du̱nki ɓa, ɗya ba zhire shipar ɓu̱ nu̱ viɗang. Masiya vikya nu̱ mbu̱ viɗi, ma ku̱ ɗu̱ nji gume Magham ku̱me chem.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.

2 Bitu̱rus 3:2

Nga shim ku̱ kor nu ɗyiku nu̱ke annabiku shakhshakhndi nu̱ zhu zu̱ki, kom ndu̱ ɓalar nu̱ Zhinerem gwaanji ndu̱ nu̱ ɗana rem zu̱ki mbu̱ me pudeku nu̱ ɗa ru̱kki nu̱ she nu.

Ɗyin mbu̱ tukari 1:1

Lagarkati nang ɗya ɗyin mbu̱ tukar nu̱ Magham vu̱rki ye Yesu Masiya ku̱ wut ɗyi nu̱ke a ma ɗaatli nu̱ shopti ɓa ye maaviku ɓaran; tu̱ yang Yesu ru̱k nu̱ ru̱kti ɓaran nu̱ she Yokhana ku̱ zu̱ zoɓar nang yenda.

Ɗyin mbu̱ tukari 2:11

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu! Njif nu̱ raki wute, mu̱ti nu̱ rap ɓu̱ vu̱r bonye ye nda sar da ɓa.

Ɗyin mbu̱ tukari 2:17

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu. Aaki raki wute nang, ngga vu̱r ɓeena manne tukakandi yenda. Ngga vu̱r ndogdi ɓongndi yenda tu̱k nu̱ bu̱laki mewar dlu̱m nu̱ ɗyinan yang nduk a nje nu̱ zu̱nki dlu̱m nang ɓa, kope njif nu̱ dlu̱ki ndogdang ɗyenda.”

Ɗyin mbu̱ tukari 2:29

Kap nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu!

Ɗyin mbu̱ tukari 2:7

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu ku! Kap njif nu̱ raki wute nang, ngga vu̱r zalale nji ye qu̱far Nyifiri yenda nu̱ke a nje viɗ zhena ɓu̱ Magham mbu̱ viɗi.

Ɗyin mbu̱ tukari 21:14

Sar saari garuk ghayang shakhtan san gwaanggu̱m rap, tu̱ bu̱la dlu̱m pudeku gwaanggu̱m rapndi ɓu̱ Ye gamndang nu̱ ɗyinan.

Ɗyin mbu̱ tukari 3:13

Nu̱ dlu̱mdi tu̱kti maa, ku̱ tu̱k ɗyi nu̱ke Jiimba a zu̱ran ye tabarku ɓu̱ nu̱ mbu Yesu ku!

Ɗyin mbu̱ tukari 3:16

Yang nu̱ke to lu̱p, to ndotlu̱tla ɓa yang gu̱rgu̱r ɓa, ngga kwaator ɓar mbu̱ mya.

Ɗyin mbu̱ tukari 3:22

Nu̱ dlu̱mdi tu̱kti maa, ku̱ tu̱k ɗyi nu̱ke Jiimba a zu̱ran ye tabarku ɓu̱ nu̱ mbu Yesu ku!”