Tlu̱nar ɓu̱ Pudeku 1:11 - Mewar Alqawarang

¹¹ Tu̱ nduki rapndang zu̱ za, “Nduki nu̱ Galili, nu̱m saki tun ching gha fan tun a nggu̱t maa viɗang na? Ba chin Yesu nu̱ daki nda ɓar she nu ma yir viɗ nang kaɗa gaɓ ba wa nun naki yir ɓaran.”

Tlu̱nar ɓu̱ Pudeku 1:11 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Matta 16:28

Zhire nga zu̱ran ye nu, ɓeena nduki a nje ku fan chingndan nu̱ke ɓu̱ mu̱ɗku ɓa, kope wa na ɓar ɓu̱ Yi ɓu̱ Nduk mbu̱ kwaaɗar ɓaran.”

Matta 24:30

“Kom shipar ɓu̱ Yi ɓu̱ Nduk kaɗa vi viɗi. Nduki nu̱ larji kap ka shi ghoori ku̱me sawa. Ka na Yi ɓu̱ Nduk a ɓar mbu̱ ku̱zapti ndu̱ zalale ndu̱ zhaaji maɗyikandi.

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Markus 13:26

Kom nduki ka na Yi ɓu̱ Nduk a ɓar mbu̱ ku̱zapti ndu̱ zalale gwaanji ndu̱ zhaaji.

Markus 14:70

Tu̱ Biturus gaɓ tu̱ keela. Nu̱ shoɓki koɗom, tu̱ nduki nu̱ke a nje chingndan bing ndu̱ Biturusang zu̱ za, “Zhire to da chele ɓaanda ku̱me to ye Galili, aa me ghiindor wa potaro.”

Markus 16:19

Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.

Luka 21:27

Kom ka na Yi ɓu̱ nduk a ɓar mbu̱ ku̱zapti ndu̱ zalale ndu̱ zhaaji maɗyikandi.

Luka 24:5

Tu̱ sa ɗyin wor nu̱ yaghai ku ku̱me tu̱kti sawa, tu̱ yang ndukyang ze wor za, “Tun a laɓ nu̱ nyifiri mbu̱ mu̱tikwang ku̱me nu̱ma?

Yokhana 14:3

Mbu̱ nga ɗi tang a daasa maa ye nu, ngga ɗa gaɓ tang ɗu̱ ndu̱ tun ye maa nu̱ke nga si, ku̱me kha nu gha sha.

Tlu̱nar ɓu̱ Pudeku 1:2

ma khu̱dli ye fu̱ɗar nu̱ daki nda ma yir mbu̱ viɗi. Me ku̱ da nda ma yir viɗi wa shi ɓalar nu̱ ku̱nshe Jiimbi shakhshakhndi ye pudeku nyin datki.

Tlu̱nar ɓu̱ Pudeku 1:22

Wa shipa ku̱ njifang kha da chele nduki nu̱ke a su̱yen ndu̱ chem ji ɗyin sarchi nu̱ke Yokhana a baptisme ma yir ye fu̱ɗar nu̱ daki Yesu ɓar she rem ma yir mbu̱ viɗi. Wa ku̱s ku̱ da chele nduki nu̱ke a saida jiiri ɓu̱ Yesu mbe mu̱ti su̱yen ndu̱ chem.”

Tlu̱nar ɓu̱ Pudeku 1:9

Nu̱ zu̱ki wanang, a nggu̱tan ku tu̱ da nda ma yir mbu̱ viɗi. Tu̱ ku̱zapti nggur lu̱pa nda nu̱ gha me yiti wora nu̱ na nda ku tu̱k ɓa.

Tlu̱nar ɓu̱ Pudeku 13:31

Me qaandi khang a wut varan ye nduki na jiiki Galili tu̱ mbu gaanje nda ma yir Urshalima. Wor nang ke saiduku ɓaran ye nduki ɓaarem leendang.

Tlu̱nar ɓu̱ Pudeku 2:7

Tu̱ shi lazham ku maɗyi a zu̱ran za, “Woɗye nduki nu̱ke a ɓalar nang ɗya qusa Galili ɓa goma?

Tlu̱nar ɓu̱ Pudeku 3:12

Nu̱ Biturus naki wanang, tu̱ ze tabar ndukyang za: “Nduki nu̱ Israila, nu̱m saki tun ki lazham shir ɓu̱ ɗyi nang? Nu̱m saki tun ki nggu̱terem ba wa du̱mbu̱r ɓaarem ndu̱ sawar Maghamndi ɓaarem saki tu̱ khuski nang shi yira na?

Tlu̱nar ɓu̱ Pudeku 3:21

Wa ku̱s ku̱ Yesu khan mbu̱ viɗi, ma yir sarchi nu̱ke ka gaɓki ndu̱ aa nu̱m tu̱ kha mewa, ba wa nu̱ Magham zu̱ki zhu tang nu̱ ku̱nshe annabiku ɓaran shakhshakhndi.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Tasalonikeku 4:16

Jiwa Zhinerem gwaanji ndu̱ ɗyinan ka ɗa zhur viɗi, ndu̱ qar maɗyikandi, ndu̱ su̱qur gorkir ɓu̱ nu̱ ru̱ktiku ɓu̱ Magham, ndu̱ piiri domndi ɓu̱ Magham. Nduki nu̱ mu̱tki mbe Masiya, ka nggaki su̱ jiiri gumapaali.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.