Titus 3:7 - Mewar Alqawarang

⁷ Shi wanangang ma ku̱ gwa mi khar waare zop gume Magham nu̱ ku̱nshe mu̱nkir ɓaran, chem zu̱m ɗye mbu̱ ge nyifiri nu̱ke nu̱ka shi woɗa ɓa nu̱ke memu̱na rem saran ɗyinan.

Titus 3:7 ပူးပေါင်းရင်းမြစ်များ

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Markus 10:17

Nu̱ Yesu ku̱ski njiv maa yir varan, tu̱ njif nggur a ɓa ɗyin ɗa tu̱ kurum gha gume nda, tu̱ zham nda za, “Maalu̱m mbarkandi, shwat ngga shikya nu̱m ma gwa nga nyifi nu̱ke ɓu̱ shi woɗa ɓa?”

Romeku 11:6

Yang daati nu̱ Magham shiki nang shi ku̱me mu̱nkir ɓaran, nu̱ dat wor ku̱me tlu̱nar ɓaanda ɓa. Ku̱me mbu̱ wanang ɓa mu̱nkirang nu̱ kha ma mu̱nki shwat ɓa.

Romeku 3:24

Yang ku̱me vu̱rti nu̱ Magham shiki ye aaki mu̱nki, tu̱ aaki kha ma nu̱ dambu gume Magham nu̱ ku̱nshe dli ɗyin nu̱ Masiya Yesu shiki.

Romeku 3:28

Jiwa chem wa na nu̱ ɗyine nduk ka gwa khar waare sola gume Magham nu̱ ku̱nshe maito, nduk nu̱ka gwa nda nu̱ ku̱nshe mburi Bibitang ɓa.

Romeku 4:16

Ku̱me nang, alqawarang a ɓa mbe maito. Shi alqawarang shwat, ma ku̱ kha ma mu̱nkir ɓu̱ Magham ye qusonggi ɓu̱ Yibram kap. Yang ye qusonggi ɓaran nu̱ke a mbu̱ bu̱n Bibitang ɗyenda ɓa, ye qusonggi ɓaran nu̱ maitaki ba wa nu̱ Yibram shikyang tu̱k. Yibram ke zhinerem kap.

Romeku 4:4

Njif nu̱ke a tlu̱nar mu̱zhin, ɗye ɓi ɓaran ɗya mu̱nki ɓa, ɗye ɓiirang a khar me tlu̱nar ɓaranang.

Romeku 8:17

Yang nu̱ke chem qusonggi ɓaran, chem wa kha ma nu̱ gwar shakhti ɗye mbu̱ ge. Nang wa wut nu̱ ɗyine, chem ka gwa ɗye mbu̱ ge barkeku ɓu̱ Magham, chem a khar mu̱dlenki ndu̱ Masiya mbe shakhti ɗye mbu̱ gerang. Yang mbu̱ chem ka gwa zhaaji su̱yen ndu̱ Masiya wa ku̱s ku̱ zami bonye su̱yen ndu̱ chin.

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

Galatiyeku 2:16

Yang chem wa zu̱n nu̱ ɗyine nduk ɓu̱ kha waare sola gume Magham nu̱ ku̱nshe mburi Bibitang ɓa, kope wa maita Yesu Masiya. Ku̱me nang chem wa vu̱r vaarem ye Masiya Yesu. Chem shi wanang ma ku̱ kha mi waare sola gume Magham nu̱ ku̱nshe dlar vaarem nu̱ ve Masiya, nyem mbu nu̱ ku̱nshe mburi Bibitang ɓa. Ku̱me nduk a nje nu̱ke ka khaki waare sola gume Magham nu̱ ku̱nshe mburi Bibitang ɓa.

Galatiyeku 3:29

Yang mbu̱ tun ɓu̱ Masiya, tun wa kha ma pooni ɓu̱ Yibram, tun ka gwa ɗye mbu̱ ge ɓu̱ Magham viɗ ɗyine alqawarang.

Galatiyeku 4:7

Ku̱me nang, to maava tu̱k ɓa, to Yi ɓaran. Yang nu̱ke to Yi ɓaranang, Magham ka sa to zu̱m ɗye mbu̱ ge ɓaran.

2 Tasalonikeku 2:16

Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Titus 2:11

Jiwa mu̱nkir ɓu̱ Magham nu̱ ɗanari a vi ye dalangi ma ɓar she nduki kap.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 1:14

Yang shwat ɗa, nu̱ ru̱ktiku ɓu̱ Magham ɗya jiimbiku nu̱ tlu̱nar ku ma shaata nduki nu̱ke a ma zu̱m ɗye mbu̱ ge ɗanar ɓa goma?

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

Yibraniyeku 11:9

Maito saki tu̱ shi khar runggi mbu̱ maa nu̱ Magham shiki alqawaran yenda. Wa kha mbu̱ shekhɗekhku, Yishaku ndu̱ Nyagham kha wanang tu̱k, wor nu̱ zu̱mki ɗye mbu̱ ge alqawar nang su̱yen ndu̱ chin.

Yibraniyeku 6:17

Wanang tu̱k, nu̱ Magham shimki ku̱ wut nji ye nduki nu̱ke a ma zu̱m ɗye mbu̱ ge alqawarang nu̱ ɗyine, shwat ɗyi nyin daki ye memu̱naran ɓu̱ shi paata ɓa. Wut zhire ɓu̱ alqawar nang nu̱ ku̱nshe ku̱mndar nu̱ shiki.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

1 Biturus 3:7

Wanang tu̱k tun khuzuku, tun shi khar ɓaanu ndu̱ nusuku ɓaanu ndu̱ kwaari. Vu̱r ma gorkir ye wora, nu̱ke du̱mbu̱ran ku wa tun ɓa. Jiwa tun ndu̱ nusuku ɓaanu kap, tun dlu̱ mu̱nkir gwaanji nu̱ nyifiri ɓu̱ Magham su̱yen. Shi ma wanang ma ku̱ ɗyi nggur nggu̱tl barar ɓaanu gwar dlu̱r ɓa.