Titus 3:3 - Mewar Alqawarang

³ Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

Titus 3:3 ပူးပေါင်းရင်းမြစ်များ

Matta 21:29

“Tu̱ woyang tlogha za, ‘Ngam ɓu̱ ɗu̱ ɓa,’ yang nu̱ shiki kwaari gana fan tu̱ ji tu̱ ɗi.

Luka 21:8

Tu̱ Yesu tlogha ye wor za, “Ku̱r ma va nu, ku̱me ku̱ nduk lamba nu ɓa. Nduki khang ka ɗa ɓa ku mbu̱ dlu̱ma a zu̱ran ku za, ‘Wor ke nga,’ yang, ‘Sarchi wa shi bing.’ Sar da mbu nu wor ɓa.

Yokhana 8:34

Tu̱ Yesu zu̱ ye wor za, “Zhire, nga zu̱ran ye nu, kap nu̱ sola ɗya maavi ɓu̱ sola.

Romeku 11:30

Ba wa nu̱ke tun nu̱ke ɗya Yakhudeku ɓa, tun wa zhang mbu su̱qura Magham gha, yang leendang wa ɗaana nu ku̱me zhangndi mburi su̱qur ɓaanda.

Romeku 6:12

Ku̱me nang njig nu ku̱ sola shi kwaaɗar mbu̱ vaanu nu̱ka mu̱tki nang, tu̱ sa nu ma tlu̱na shimndi ɓaran maatlindi nu̱ me ɓu̱ ndukwang ɓa.

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

Romeku 6:22

Yang leendang wa dli ɗyinonu, tun lawa mbe sola, tun wa kha ma maaviku ɓu̱ Magham. Boote ni chin ke tun wa kha wakaran, yang tun ka gwa nyifi nu̱ke ɓu̱ shi woɗa ɓa ku̱men.

Romeku 6:6

Chem wa zu̱n nu̱ ɗyine wa woɗa katl ɗye shir malkandi ɓaarem gha su̱yen ndu̱ chin ɗyin qu̱far kaatlang, ma ku̱ da zalale ɓu̱ solar nu̱ke a mbu̱ vaarem nang ɓara. Shi wanang ma ku̱ kha mi ma maavi ɓu̱ sola tu̱k ɓa.

2 Korintiyeku 12:20

Nga sawa bai mbu̱ nga ɓa tang gwa tun wa mbu̱m tun kha zum ndu̱ ɗyi nang shimki nu si, tun yang gwa nga zum ndu̱ ɗyi nun shimki nga si tu̱k. Nga sawa gwa nu mbu̱ keele ndu̱ zhiri, ndu̱ memu̱nar malkandi ndu̱ ndolar ɗyin, ndu̱ pu̱zi nduki bam bam ndu̱ ndaane, ndu̱ dar ɗyin, ndu̱ rokhdlar maari.

Galatiyeku 6:3

Mbu̱ nduk a da varan za chin ɗyi ngguri, yang ɗya aa nu̱m ɓa, a lambakya varan.

Kolosiyeku 1:21

Zhu tang tun ɓakh ndu̱ Magham, tun a kare ndu̱ chin mbu̱ memu̱na nu ku̱me ɗye shir malkandi nu̱ke tun a san ndu̱ kwariku ɓaanu.

Kolosiyeku 3:7

Mbu̱r fara sarchi nu̱ke khar viti ɓaanu mbar ɓa, tun wa ka tlu̱na pooni ɗye shir malkandi ku nang.

2 Timoti 3:13

Yang nduki malkandi ndu̱ nu̱ lambar ku nu̱ tlu̱nar malkandi ku ka shaata maatli, a lamba nduki, nduki a lamba wora.

2 Timoti 3:6

Chele pooni nduki nang ɓeenan wa ka paɗa tu̱ ka vi nu̱ mbu̱ raftiku ɓu̱ nduki. Tu̱ ka za ɗyin nusuku nu̱ke nggu̱bu̱ngan ku yang solar wa duk du̱mbu̱r ɓaanda tu̱k, ndu̱ shimndi ɗyi malkandiku zum zum nu̱ke a nggum wora.

Titus 1:16

A zu̱ran ku ndu̱ me wor za wor wa zu̱n Magham, yang tlu̱nar ɓaanda wa ngga yen ndu̱ zu̱ndi Magham. Wa kha ma ɗye zhaane ku, nu̱ zhangndi tu̱kti maa, nu̱ shipa shir ɗyi mbarkandi ku ɓa.

Titus 2:12

Mu̱nkir nang a shogaran yerem za, ku̱ zhang mi ɗye shir ku nu̱ke ɗya ɓu̱ Magham ɓa, ndu̱ shimndi ɗyiku nu̱ larji gha, chem ku̱s ɗyinerem, chem kha ma nu̱ dambi, ndu̱ pooni ɗye shir ɓu̱ Magham mbu̱ larji nang.

Yaqub 1:26

Mbu̱ nduka tamandan za chin nu̱ ghaari ghai maɗyi, yang nu̱ka ku̱s men ɓa, a lambakya ɗyinan, ghaari ghai ɓaran wa kha bam.

1 Biturus 1:14

Ye leendang nu̱ke tun wa kha ma qusonggi mbarkandi, ku̱ njig nu ɗyi nun ka kashaki shiran ɗau fara tu̱ da khangkal ɓaanu ɓar ɓa. Sarchi nun ka shiki ɗyiku nang ɗau fara ai tun a shiranang ku̱me song zu̱ni.

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 13:14

Tu̱ lamba nduki nu̱ke a nje kharan mbu̱ larji kap ndu̱ ɗye lazham nu̱ vu̱rki zalale ni yenda ku̱ shi me ɓu̱ dlu gaari nu̱ gumapaali nang. Tu̱ dlu gaari nu̱ rapang ze wor za ku̱ du̱ng shipar nggur ma vu̱r zhaaji ye dlu gaari nu̱ ruɓaki nda ndu̱ kaskar tu̱ yang shaanang.

Ɗyin mbu̱ tukari 18:2

Tu̱ shi qar ndu̱ su̱qur gwaanji tu̱ zu̱ za, “Wa nggu̱ɗi! Babilon gwaanji wa nggu̱ɗi! Wa kha ma ye maa khar ɓu̱ tu̱du̱kku ndu̱ khu̱kheetiku malkandi, ndu̱ maa tukar ɓu̱ aa nyi ɗyikti malkandi, nu̱ke ɗya ɗye zhaana.