Titus 3:2 - Mewar Alqawarang

² Ku̱ zu̱ ɓalar malkandi nu̱ ve aaki ɓa, ku̱ shi khar ɓaanda mbe qaandi memu̱na, ku̱ kha ku ndu̱ kadu̱ri ku̱ kha ma nu̱ ɗu̱bar memu̱nar nduki.

Titus 3:2 ပူးပေါင်းရင်းမြစ်များ

Matta 11:29

Da ma zu̱r ɓanga tun shoga sha, ku̱me nga nu̱ katar ɗyin ndu̱ ɓu̱tokh memu̱na, tun ka gwa maasi ye nyifi ɓaanu.

Tlu̱nar ɓu̱ Pudeku 23:5

Tu̱ Bulus tlogha ye wor za, “Nyeezaku, nang zu̱n za chin ke gorkir ɓu̱ kurukwang ɓa. Jiwa a nje bu̱laran za, ‘Ku̱ pu̱z na dle gume ɓu̱ nduki ɓa.’ ”

1 Korintiyeku 6:10

Nu̱ muuri ku, ndu̱ nu̱ khape ku, ndu̱ nu̱ me kuyar ku, ndu̱ nu̱ gu̱ndi virkir ku, ndu̱ nu̱ batal ku nu̱ke ka viki nu̱ mbu̱ kwaaɗar ɓu̱ Magham ɓa.

1 Korintiyeku 9:19

Aa nu̱ke nga maavi ɓu̱ aaki ɓa, nga gaɓ ndu̱ ɗyina ma maavi ɓu̱ aaki, ma a dut nga nduki khang mbu̱ ngga ɗu̱ma.

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Korintiyeku 12:20

Nga sawa bai mbu̱ nga ɓa tang gwa tun wa mbu̱m tun kha zum ndu̱ ɗyi nang shimki nu si, tun yang gwa nga zum ndu̱ ɗyi nun shimki nga si tu̱k. Nga sawa gwa nu mbu̱ keele ndu̱ zhiri, ndu̱ memu̱nar malkandi ndu̱ ndolar ɗyin, ndu̱ pu̱zi nduki bam bam ndu̱ ndaane, ndu̱ dar ɗyin, ndu̱ rokhdlar maari.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Galatiyeku 6:1

Nyeezaku, mbu̱ wa ku̱s nduk a sola, tun nu̱ke tun a sawa Magham, tun taata nda tun a gaɓ ndu̱ chin ye njivi. Yang ku̱rma vaanu, ku̱ gaɓti nu̱ mu̱dlonu ye njivang sa tun nggu̱ɗ nu̱ mbu̱ buuri zum ɓa.

Galatiyeku 6:10

Ku̱me nang, kap sarchi nyem gwaki zalale ni, chem shi mbarkir ye aaki, nu̱ shi wa ye mu̱dlerem ku nu̱ mbu Yesu ɓa.

Afiseku 4:2

Tun kha ndu̱ katar ɗyin tu̱ memu̱na nu kha ɓu̱tokh ndu̱ kanaɗyi, ndu̱ dlu̱r yen mbe ndolari.

Afiseku 4:31

Shakh ma ɗyinonu ndu̱ ɗyooti mbu, ndu̱ chiti memu̱na, ndu̱ shokhna, ndu̱ gangndi dakhlari, ndu̱ pu̱ziku bam bam, ndu̱ aa nyi pooni mu̱na.

Filipiyeku 4:5

Kha ma ndu̱ ɗu̱bar memu̱na ye aaki. Zhinerem gwaanji wa shi bing ɓari.

1 Tasalonikeku 2:7

yang chem wa wut ɓu̱tokh memu̱na chele ɓaanu, ba wa nu̱ke manki ka nggu̱tki qusonggi ɓaran.

1 Timoti 3:11

Ku̱ nusuki ɓaanda tu̱k kha ndu̱ zhaaji, ku̱ kha ma nu̱ gu̱ndi virki ku ɓa, ku̱ ku̱s vaanda tu̱ shi zhire mbe ɗyi nu̱ke a shiran ku kap.

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

Yaqub 4:11

Nyeezaku, njig ma pu̱zi yen. Ku̱me aaki pu̱zki mu̱dlen nu̱ mbu Yesu, bai tu̱ du̱ng zop nggur nu̱ ɗyine nda gom, a pu̱zkya Bibiti ɓu̱ Magham, a du̱ngkya zop ye Bibiti ɓu̱ Magham tu̱k. Mbu̱ yang ta pu̱z Bibiti ɓu̱ Magham ta kha ma nu̱ zhangndi mburan gha. Kom ta gaɓ ndu̱ ɗyino ma nu̱ du̱ngndi zop ye bibitang tu̱k.

1 Biturus 2:1

Ku̱me nang shakh ma ɗyinonu ndu̱ aa nyi maatli khali, ndu̱ wollo, ndu̱ mu̱na ndu̱ zhiri, ndu̱ aa nyi pu̱ziku bam bam.

1 Biturus 3:10

A nje bu̱laran za, “Njif nu̱ke a shim ku̱ tu̱k nji mu̱ndi khar viti ɓaran ndu̱ na nji qaandi virkirku mbarkandi, ku̱ ku̱s ghiindan nu̱gha ma ku̱ shi mu̱na ɓa, tu̱ ku̱s men ndu̱ zu̱r wollo.

1 Biturus 3:8

Ye lauɗar san, gonta ma ɗyinonu ye maa da tu̱ kwaari ɓaanu kha da. Tun a na zhiyaye ɓu̱ yen, tun a ndola yen wa khachinkirku, tun a shaata yen gwaari ɗyin su̱ ɓa.

1 Biturus 4:4

Leendang yang raptonu ku nu̱ zhu a lazham gontar ɗyin nun zhangki shiran gha ndu̱ wor ma shi ɗyi malkandi ku nun ka shiki zhu ndu̱ wora, a shipiti pu̱zi ye nu ku.

2 Bitu̱rus 2:10

Ɗya kumar gu̱rgu̱rndi ɗyine nduki nu̱ke a mbu shimndi malkandi ku nu̱ man va, kom ndu̱ nduki nu̱ke a ndu̱m nu̱ kwaaɗarku. Maalu̱mku nu̱ lambar nang, kawa ve wor ɓa! Ɗya nu̱ gwaari ɗyin ku. Nu̱ka tu̱k sawar ku̱ pu̱z nda jiimbiku nu̱ zhaaji nu̱ke a mbu̱ viɗi she Magham ɓa.

Yakhuda 1:10

Yang nduki nang wa ka shi maatli ɓalar ɗyine kap ɗyi nu̱ke nu̱ da mban ku ɓa. A shikya ba ɗyi nu̱ tu̱kki mbu̱ man vaanda. Ba wa dlu gaariku nu̱ ɗye nggarku nu̱ke nu̱ka shi konyi ɓa. Nang ke ba ɗyiku nu̱ su̱yaki wora.

Yakhuda 1:8

Ba wanang tu̱k nu̱ zhineku nang a sa man var wor tu̱ kha zopan. Wa ka zhang mbu nu̱ kwaaɗarku, wa ka shi maatli ɓalar ve du̱ngndiku nu̱ zhaaji ɓu̱ Magham nu̱ke a mbu̱ viɗi.