Titus 2:5 - Mewar Alqawarang

⁵ Tu̱ ku̱s ɗyin vaanda, ndu̱ khar viti shakhshakhndi, ku̱ kha ma nu̱ tlu̱narku mbu̱ rafti ɓaanda, nu̱ shir mbarki, nu̱ mburi zu̱r ɓu̱ zhime nda, ma ku̱ aaki pu̱z ɓalar ɓu̱ Magham ɓa.

Titus 2:5 ပူးပေါင်းရင်းမြစ်များ

Tlu̱nar ɓu̱ Pudeku 9:36

Yang nu̱ mbu Yesu nggur a nje mbu̱ ghai Joppa dlu̱man za Tabita nang ke Dorka. Nokhzi nang wa shi mbarkir ye nduki tu̱ shaata nu̱ nungndi ku khang.

Tlu̱nar ɓu̱ Pudeku 9:39

Tu̱ Biturus ɗu̱ su̱yen ndu̱ wora. Nu̱ khu̱lki ku, tu̱ ɗu̱ ndu̱ chin mbu̱ kib nu̱ke a viɗang. Tu̱ nusuku nu̱ke zhi me wor mu̱tki ching nu̱ bing ndu̱ chin a ghoori ku a wut luktiku ndu̱ kaparku nu̱ shiki ye wor sarchi nu̱ke a nje ndu̱ wora.

Romeku 14:16

Ku̱ ɗyi no naki mbar shoro kha ma ɗye pu̱zi she ɓeeni nduki ɓa.

Romeku 2:24

Ai, a nje bu̱laran za, “Nduki nu̱ke ɗya Yakhudeku ɓa a ɓalar ndu̱mndi ve dlu̱m Magham ku̱me tun Yakhudeku.”

1 Korintiyeku 11:3

Yang nga shim zu̱n nu nu̱ ɗyine, Masiya ke dle gume ɓu̱ aa nyi khusku, khusku ke dle gume ɓu̱ nusu, Magham ke dle gume ɓu̱ Masiya.

1 Korintiyeku 14:34

Wa shipa ku̱ nusuku kha yit mbu̱ tabar ɓu̱ nu̱ mbu Yesu. Nu̱ vu̱r zalale ye wor ku̱ shi ɓala ɓa, ku̱ mbu ɗyi nu̱ke a nje, ba wa nu̱ shogar ɓu̱ Musa zu̱ki.

Afiseku 5:33

Yang kap ndu̱ wanang, ɓalar nang wa su̱ɓa nu tu̱k. Bu ku̱ aaki chele ɓaanu ndola nokhzan wa varan, tu̱ nokhzang tu̱k vu̱r zhaaji ye zhimen.

Kolosiyeku 3:18

Tun nusuku ɓu̱rkandi, vu̱r ma vaanu ye zhime nu, jiwa nang ke ɗyi nu̱ shipaki shi nu, tun nu̱ mbu Yesu.

1 Timoti 5:10

Wa kha zu̱ndan mbe tlu̱nar ɗyi mbarkandi, wa mola qusonggi ɓaran mbari, ndu̱ dlu̱r runggiku. Kom ndu̱ tlu̱nar shaata ye nu̱ mbu Yesu ku, ndu̱ shaata nduki nu̱ke a mbu̱ damtari, ndu̱ vu̱rti ɗyinan ma shi ɗyi mbarkandi ve aa nyi njiva.

1 Timoti 6:1

Kap njif nu̱ke a khar maava, ku̱ vu̱r gorkir maɗyikandi nu̱ shipaki ye zhin nu̱ rafa, ma ku̱ pu̱z dlu̱m Maghamndi ɓaarem ndu̱ shogar ɓaarem ɓa.

Titus 2:4

ma ku̱ shoga ye nusuki pichichindi ku̱ ndola zhime nda ndu̱ qusonggi ɓaanda.