Titus 2:2 - Mewar Alqawarang

² To shoga ye ku̱mandiku ku̱ kha ma nu̱ lusar memu̱na, ku̱ kha ma ku̱mandiku nu̱ke nduk ka naki zhaaji ɓaanda, nu̱ ku̱si ɗyin ku, ku̱ ching gha mbar mbe maito, mbe ndola ndu̱ gu̱ndi memu̱na.

Titus 2:2 ပူးပေါင်းရင်းမြစ်များ

Markus 5:15

Nu̱ ndukikwang a ɓa ki she Yesu tu̱ na yirti nu̱ khu̱kheeti malkandiku khangndi mbeendang kharan gha ndu̱ lukti saran ve nda, a mbu̱ khangkal ɓaran, tu̱ tu̱k sawarku.

Luka 8:35

Fan ndu̱ fan tu̱ nduki taba nu̱ wudle Yesu, ku̱me a na nda ɗyini shikya ndu̱ vaanda. Tu̱ na njif nu̱ke khu̱kheetiku a viki ɓar mbe nda kharan gha tu̱tu̱k bing ndu̱ Yesu, aa gaɓ nu̱ mbu̱ varan, wa sa ɗye sari. Tu̱ sawar ku̱s ndukyang kap.

Tlu̱nar ɓu̱ Pudeku 24:25

Ye sarchi nang tu̱ Bulus shi ɓalar ɗyine tlu̱nar dambi, ndu̱ dukti du̱mbu̱r ɓu̱ shimndi ɓu̱ man va, ndu̱ kumar nu̱ke a ɓar fu̱ɗar wuri. Tu̱kti ɗyikunang tu̱ Feliks tu̱k sawa, tu̱ ze Bulus za, “Leendang goɓu. Mbu̱ nga gwa sarchi ngga ɓa qa ro.”

Romeku 12:3

Ku̱me mu̱nkir nu̱ shiki ya, nga zu̱ran ye aaki chele ɓaanu: Ku̱ aaki da ɗyinan tu̱ peeta maa nu̱ke a si ɓa. Me ɓu̱ nang ku̱ aaki kuma ɗyinan viɗ ɗyine vu̱rti zhire nu̱ Magham vu̱rki yenda.

1 Korintiyeku 15:34

A gaɓ man mbu kwaari ɓaanu mbarkandi, tun njig tlu̱nar solari. Ɓeena nduki chele ɓaanu nu̱ zu̱n Magham ku ɓa. Nga zu̱ wanang ma ku̱ tu̱k nu kawa.

1 Korintiyeku 9:25

Nu̱ palam ku wa ka daasa vaanda nu̱ gha, a shi ɗyiku nang ma gwa ɗye ɓiiri nu̱ka su̱bu̱rki, yang ɗye ɓiiri ɓaaremang nu̱ka shi su̱bu̱r ɓa.

2 Korintiyeku 5:13

Chem yirtan wa nu̱ke ɓeeni nduki a zu̱ranang ɓa; aa chem wa kha wa chem yirtan, chem a shiran ku̱me Magham. Mbu̱ yang wanang ɓa, chem shi ma mbaari ɓaanu.

Galatiyeku 5:23

ndu̱ katar ɗyin, ndu̱ ku̱si ɗyin. Ai, Bibitang nu̱ nggu̱tl ɗyiku nang ɓa.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

1 Tasalonikeku 5:6

Ku̱me nang shi mi ɗyenir wa nu̱ke ɓeenanku a san ɓa, yang ku̱ shi mi khar ɓaarem daasaran mbe khar ku̱si ɗyin.

1 Tasalonikeku 5:8

Yang nu̱ke ɓaarem chem ɓu̱ fu̱ɗa, shi mi khar ku̱si ɗyin, chem sa lukti vi nu̱ maito ndu̱ ndolari. Tu̱ sar memu̱nar gwar ɗanari kha ma jere vi ɓaarem.

1 Timoti 1:10

Kom ndu̱ nu̱ qaandi ndu̱ yen waare ɓu̱rti, ndu̱ nduki nu̱ke mekhtan, ndu̱ nu̱ masar maava ɓara, ndu̱ nu̱ wollo ku, ndu̱ nu̱ saidu wollo, ndu̱ kap ɗyi nu̱ nggaki yen ndu̱ shogar zhirekandi.

1 Timoti 1:14

Mu̱nkir ɓu̱ Zhinerem gwaanji wa nyedli nga maɗyi su̱yen ndu̱ maito ndu̱ ndolar na viki she Masiya Yesu ya.

1 Timoti 1:2

ma yir she Timoti nu̱ khaki ma woi ɓang mbu̱ maito nang. Ku̱ mu̱nkir ndu̱ nar zhiyayi ndu̱ qaandi memu̱nar nu̱ka viki she Magham Zhinki ndu̱ Masiya Yesu Zhinerem gwaanji kha gha su̱yen ndu̱ to.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

1 Timoti 3:11

Ku̱ nusuki ɓaanda tu̱k kha ndu̱ zhaaji, ku̱ kha ma nu̱ gu̱ndi virki ku ɓa, ku̱ ku̱s vaanda tu̱ shi zhire mbe ɗyi nu̱ke a shiran ku kap.

1 Timoti 3:2

Ku̱ dle guma kha waare zop gume nduki, nokhzan da, ku̱ kha ɗya njif nu̱ke varan buran, ɗyinan ku̱san, nduk mbarkandi, nu̱ dlu̱r runggiku, njif nu̱ke ka ɗu̱maki shogar ye nduki maɗyi.

1 Timoti 3:4

Wa ku̱s ku̱ ɗu̱ma khuɓ rafti ɓaran mbari, tu̱ qusonggi ɓaran kha ma nu̱ mburi su̱quran a vu̱r gorkir yenda ve aa nyi njiva.

1 Timoti 3:8

Wanang tu̱k, wa ku̱s ku̱ nu̱ shaatar ɓu̱ dle gume ɓu̱ Tabar ɓu̱ nu̱ mbu Yesu kha ma nduki nu̱ke nduki a na zhaaji ɓaanda. Ku̱ kha ma nu̱ zhire, ku̱ kha ma nu̱ khang zar ɗyema ɓa yang nu̱ka shi batal ma gwa nji mu̱zhin ɓa.

1 Timoti 5:1

Wu na geema nu̱ shokhna ɓa, to shi ɓalar yenda wa ɗya zhu nu̱ khaki ro. To shi ɓalar ye nyakhtlirku wa nyeezoro,

Titus 1:13

Yang saidu nu̱ zu̱kyang ɗya zhire. Ku̱me nang to wu wor maɗyi, ma ku̱ shi maito zhirekandi ku,

Titus 1:8

Me ɓu̱ nang ku̱ kha ma nu̱ dlu̱r runggiku, nu̱ shimndi shir ɗyi mbarkandi, njif nu̱ke ɗyinan ku̱san maɗyi, njif nu̱ke chingndan ɗyine zhire, njif nu̱ke shakhshakh, njif nu̱ke wuran.

Titus 2:7

Mbe aa nyi tunu to kha ma nduk nu̱ tlu̱nar ɗyi mbarkandi, tu̱ nduki ka shoga sho ro. To shi shogar ɓaaro ndu̱ ku̱si ɗyin to vu̱r va nu̱ si,

Filimon 1:9

Yang ku̱me ndola, nga khutoro, nga Bulus, nu̱ke nga geema yang leendang nga khiiran zhaaru̱m ku̱me Masiya Yesu.

1 Biturus 1:13

Ku̱me nang tun daasa memu̱na nu ma tlu̱nari, tun ku̱s vaanu yeyen, tun sa memu̱na nun ve mu̱nkir nu̱ke a ma vu̱rtan ye nu ye fu̱ɗar nu̱ke Yesu Masiya ka ɗa gaɓki.

1 Biturus 4:7

Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

1 Biturus 5:8

Ku̱s ma vaanu ye yen, tun kha daasaran. Wonji nu̱ zhangndi ɓaanu Sheɗan a paɗari, a quri wa mu̱zamndi, a laɓ njif nu̱ke chin ka njerki nu̱ gha ma njiiran.

2 Bitu̱rus 1:6

Ɗyine zu̱ndi ɗyiku ɓu̱ Magham tun shaata ku̱si ɗyini. Tun shaata gu̱ndi memu̱nar nu̱ ɗyine ku̱si ɗyinang. Tun shaata sawar Magham nu̱ ɗyine gu̱ndi memu̱narang.