Titus 2:11 - Mewar Alqawarang

¹¹ Jiwa mu̱nkir ɓu̱ Magham nu̱ ɗanari a vi ye dalangi ma ɓar she nduki kap.

Titus 2:11 ပူးပေါင်းရင်းမြစ်များ

Matta 28:19

Ku̱me nang mbu̱ tun wa ɗi tun a ze nduki nu̱ larji kap ku̱ mburi nga, tun a shi baptisme ye wora mbu̱ dlu̱m Zhinkiri, ndu̱ ɓu̱ Woyang ndu̱ ɓu̱ Jiimbi Shakhshakhndi.

Markus 16:15

Tu̱ ze wor tu̱k za, ɗu̱ ma aa fu̱n mbu̱ larji, tun zu̱ labar mbarkandi nang ye nduki kap.

Luka 24:47

Yang ka shi wopar njigti solar ndu̱ yaapar solar mbu̱ dlu̱man ye nduki nu̱ larji kap, yang ka nggaasan Urshalima.

Luka 3:6

Nduk kap ka na ɗanar ɓu̱ Magham.’ ”

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:9

Yarang zhirekandi nu̱ke a vu̱r yarang ye aaki a ɓa mbu̱ larji.

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

Tlu̱nar ɓu̱ Pudeku 13:43

Nu̱ tabarang lakhtaki, tu̱ Yakhudeku khang ndu̱ nduki nu̱ke ɗya Yakhudeku ɓa yang wa vi nu̱ mbu̱ ghaari ghai ɓu̱ Yakhudekwang mbu gaanje Bulus ndu̱ Barnaba. Tu̱ yang shi ɓalar ndu̱ wora tu̱ pa du̱mbu̱r ye wor ku̱ zu̱m guma ndu̱ khar viti ɓaanda mbu̱ mu̱nkir ɓu̱ Magham.

Tlu̱nar ɓu̱ Pudeku 13:47

Ku̱me Magham wa woɗa zu̱ran yerem nu̱gha za, ‘Nga sa ma ku̱ kha na ma yarang ye nduki nu̱ke ɗya Yakhudeku ɓa, ma a ɓa na ndu̱ ɗanar nu̱ke ka khu̱lki koɗokh me larji.’ ”

Tlu̱nar ɓu̱ Pudeku 17:30

Zhu tang Magham nu̱ kuma nduki ku̱rku̱r ndu̱ zop ɓaanda ɓa, ku̱me song zu̱ndi ɓaanda. Yang leendang wa qa nduki aa fu̱n ku̱ nggoɗ ku.

Tlu̱nar ɓu̱ Pudeku 20:24

Yang nang da nyifi ɓang ma aa nu̱m ɓa, mbu̱ ngga ɗu̱ma woɗa tlu̱nar nu̱ Zhinerem gwaanji Yesu vu̱rki ya nang, nang ke, saida nga Labar Mbarkandi nu̱ mu̱nkir ɓu̱ Magham.

Romeku 10:18

Yang bu shi nga zhamndi, “Nu̱ tu̱k labarang ku de?” Wa tu̱k ku shwat, Jiwa Bu̱lar Ɓalar ɓu̱ Magham wa zu̱ za, “Su̱ qur wor wa ɗu̱ mbu̱ larji kap, ɓalarku ɓaanda wa khu̱l aa fu̱n mbu̱ larji.”

Romeku 5:15

Yang vu̱rti ɓu̱ Magham nu̱ ɗa ɓa ki nu̱ ku̱nshe njif nu̱ke a ɓar nang, wa ngga yen maɗyi ndu̱ solar nu̱ Adamu shiki. Nu̱ke solar nu̱ nduk kaada shiki nang a ɓa ndu̱ mu̱ti ye nduki khang. Wanang tu̱k, mu̱nkir ɓu̱ Magham ndu̱ vu̱rti nu̱ ɗa ɓa ki nu̱ ku̱nshe nduk kaada, nang ke Yesu Masiya nu̱ vu̱rki barke gwaanji ye nduki khangndi nang wa duk naandang ɓakh maɗyi.

Romeku 5:2

Chem gwa mu̱nkir nu̱ke chem a mban nang nu̱ ku̱nshe maito ɓaarem. Chem a kashari ku̱me chem wa sa memu̱narem nu̱ ɗyine chem ka gwa zhaaji ɓu̱ Magham.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

Galatiyeku 2:21

Ɓang nang zhang mu̱nkir ɓu̱ Magham gha ɓa. Yang mbu̱ nduk ka gwa jeembu she Magham nu̱ ku̱nshe mburi bibitang, nang wa wut nu̱ ɗyine Masiya shikya mu̱ti bamndi.”

Afiseku 2:5

ba ye sarchi nu̱ke chem mu̱tan mbu̱ solarku ɓaarem, tu̱ vu̱r nyifiri yerem su̱yen ndu̱ Masiya. Ɗana nu nu̱ ku̱nshe mu̱nkir ɓaran.

Afiseku 2:8

Ai, mu̱nkir ɓu̱ Magham saki tun gwa ɗanar nu̱ ku̱nshe maito ɓaanu. Tun shiki ɓa, ɗya mu̱nkir ɓu̱ Magham.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

Kolosiyeku 1:6

Labar mbarkandi nang a ɓar ndu̱ barke, a gwa dlu̱r aa fu̱n mbu̱ larji tu̱k, ba wa nu̱ shiki chele ɓaanu sarchi nun nggaki su̱ tu̱k labar mu̱nkir ɓu̱ Magham, tun da mbu̱ zhire nu̱ke a mban.

2 Tasalonikeku 2:16

Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.

1 Timoti 1:14

Mu̱nkir ɓu̱ Zhinerem gwaanji wa nyedli nga maɗyi su̱yen ndu̱ maito ndu̱ ndolar na viki she Masiya Yesu ya.

1 Timoti 2:4

chin nu̱ke a shim ku̱ aaki gwa ɗanari, tu̱ zu̱n zhire tu̱k.

2 Timoti 1:10

tu̱ yang wut mu̱nkirang yerem ye dalangi nu̱ ku̱nshe ɓar ɓu̱ Nu̱ Ɗanar ɓaarem Masiya Yesu. Chin su̱yaki mu̱ti nu̱ gha ta ɓa nu̱ nyifiri nu̱ke nu̱ka shi mu̱t ɓa yerem ye yarangi nu̱ ku̱nshe Labar Mbarkandang.

2 Timoti 4:17

Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.

Yibraniyeku 12:15

Ku̱r ma vaanu ma ku̱ aaki mbu̱ɗ gwar mu̱nkir ɓu̱ Magham ɓa. Ku̱ aaki kha ndu̱ ɗyooti mbi nu̱ka ɓa ki ndu̱ su̱bu̱rti tu̱ka su̱bu̱r nduki khangang ɓa.

Yibraniyeku 2:9

Chem nakya Yesu nu̱ saki tu̱ kata nu̱ ru̱ktiku ɓu̱ Magham me sarchi koɗomma. Yang leendang wa vu̱r zhaaji ndu̱ gorkir yenda ku̱me wa shi bonye nu̱ ku̱nshe mu̱nkir ɓu̱ Magham ka dar mu̱ɗi me ɓu̱ nduk kap.