Titus 2:10 - Mewar Alqawarang

¹⁰ yang ku̱ muura tun ɓar kha wor ɓa. Me ɓu̱ nang ku̱ kha ma nduki mbarkandi nu̱ shir zhire, ma ku̱ shogar ɓu̱ Magham Nu̱ Ɗanar rem gwa zhaaji mbe aa nyi tunu.

Titus 2:10 ပူးပေါင်းရင်းမြစ်များ

Matta 24:45

“Ki ke maavi nu̱ shir zhire, ndu̱ kaɗari, nu̱ke nu̱ rafti ɓaran njigki maaviku ɓaran nu̱ mbu̱ bu̱nan ku̱ ki vu̱r ɗye zu̱mndi ye wor ɗyin sarcha?

Matta 5:16

Wanang tu̱k, bu ku̱ kha nu ndu̱ yarang gume nduki, ku̱me mbu̱ wa na ɗye shir mbarkandi nu̱ke tun a shiran, ka gor dlu̱m Zhinonu nu̱ke a mbu̱ viɗi.

Luka 1:47

Ngaa kashar mbu̱ nyifi ɓanga ku̱me Magham nu̱ ɗanar nga.

Luka 1:80

Tu̱ Yokhana shi gori ndu̱ du̱mbu̱r mbu̱ Jiimbi shakhshakhndi, yang kharan varan gha gar ma yir sarchi nu̱ shipaki ku̱ wuɗ varan ye Israila.

Luka 16:10

“Njif nu̱ shiki zhire mbe ɗyi koɗommandi, ka ɗu̱ma shi zhire mbe ɗyi khangndi tu̱k. Yang mbu̱ nduk nu̱ ɗu̱ma shi zhire mbe ɗyi koɗomndi ɓa, ɓu̱ ɗu̱ma shi zhire mbe ɗyi khangndi ɓa.

Yokhana 12:6

Yakhuda zu̱ ɓalar nang ku̱me wa damta ndu̱ nu̱ nungndiku ɓa, zu̱ ku̱me ɗya nu̱ muuru. Wa ka muura mu̱zhindi nu̱ du̱ngki gha ku nu̱ke chin ke nu̱ du̱ngndi mu̱zhindang.

1 Korintiyeku 4:2

Yang wa ku̱s ku̱ njif nu̱ dlu̱ki du̱ngndi tunu ku̱ shi zhire ye zhin nu̱ rafa.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

1 Timoti 1:1

Lagarkati nang a vi she Bulus pude ɓu̱ Masiya Yesu ba wa nu̱ Magham nu̱ ɗana rem ndu̱ Masiya Yesu ɗye sar memu̱narem kumaki,

1 Timoti 5:17

Vu̱r ma gorkiri su̱yen nu̱ wuti kunari ye nduk kudaandiku nu̱ke a tlu̱nar mbu̱ tabar ɓu̱ nu̱ mbu Yesu ku mbari, nu̱ shi wa nduki nu̱ka wopaki ɓalar ndu̱ shogaran ɓar ɓa.

1 Timoti 6:1

Kap njif nu̱ke a khar maava, ku̱ vu̱r gorkir maɗyikandi nu̱ shipaki ye zhin nu̱ rafa, ma ku̱ pu̱z dlu̱m Maghamndi ɓaarem ndu̱ shogar ɓaarem ɓa.

1 Timoti 6:3

Aaki shogaki ɗyi nggur ɓar zum nu̱ke nu̱ kha torop ndu̱ ɓalar ɓu̱ Zhinerem gwaanji Yesu Masiya ɓa, yang ɗya shogar ɓu̱ Magham ɓa,

Titus 1:3

Tu̱ yang wut nu̱ dam mbu̱ sarchi nu̱ khaki torop mbe ɓalar ɓaran nu̱ke nga waazu ni, nu̱ vu̱rki du̱ngdan ya nu̱ ku̱nshe zu̱r ɓu̱ Magham Nu̱ Ɗanar rem.

Titus 3:4

Yang sarchi nu̱ke mu̱nkir ndu̱ ndolar ɓu̱ Magham nu̱ ɗanar rem a viki ye dalangi,

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 3:16

Wanang tu̱k, shi ma aa nu̱m aakochi ndu̱ memu̱nar zhirekandi ku̱me mbu̱ wa zu̱ ɗyi malkandi nu̱ ɗyine nu, nduki nu̱ zu̱kyang ka tu̱k kawa ku̱me ɗye shir mbarkandi ɓaanu mbe Masiya.

2 Yokhana 1:9

Kap njif nu̱ke nu̱ ching nu̱ ɗyine shogar ɓu̱ Masiya ɓa, tu̱ yang shoga ɗyi nggur ɓar guma nu̱ nang, njif nang nu̱ gwa Magham ɓa. Yang njif nu̱ chingki nu̱ ɗyine shogar ɓu̱ Masiya, wa gwa Zhinkirang ndu̱ Woyang tu̱k.