Titus 1:5 - Mewar Alqawarang

⁵ Nga njig to nu̱ Ku̱rit ma ku̱ kwata na tlu̱nar nu̱ khaki, yang to dat dlegumeku mbu̱ aa nyi ghai, ba wa nang zu̱ki yoro.

Titus 1:5 ပူးပေါင်းရင်းမြစ်များ

Tlu̱nar ɓu̱ Pudeku 11:30

Tu̱ yang shi wanang ku, tu̱ ru̱k ndu̱ shaatarang ye nduk kudaandi nu̱ Urshalima mbu̱ khar Barnaba ndu̱ Shawulu.

Tlu̱nar ɓu̱ Pudeku 14:23

Qu̱rse wa dat dlegumeku ye tabar ɓu̱ nu̱ mbu Yesu ku nu̱ mbu̱ aa nyi ghai, tu̱ sa wor nu̱ mbu̱ khar Maghamndi nu̱ maitaki nda kwang, su̱yen ndu̱ barar ndu̱ zhumti.

Tlu̱nar ɓu̱ Pudeku 2:11

(Wonji kap Yakhudeku ndu̱ nduki nu̱ke ɗya Yakhudeku ɓa nu̱ nggodki) ndu̱ Ku̱reteku ndu̱ Laru̱beku kap chem a tu̱k a zu̱ ɗyiku ɓu̱ Magham nu̱ke nduk nu̱ su̱n ndu̱ tu̱ktan mbu̱ meghai ɓaarem ɓa.”

Tlu̱nar ɓu̱ Pudeku 27:12

Nu̱ke maa lu̱bar nu̱ke a Lisiya mbar ma ku̱ du̱mbu̱lku kha gha nje mbu̱ nomandi ɓa, tu̱ nduki khang wut za ku̱ zu̱m guma ndu̱ yirang, tu̱ wuta ku ma khu̱l nda Finikiya mbu̱ ka shi, shi nda nomandi nje. Yang ma chingndi ɓu̱ du̱mbu̱l nu̱ Finikiyang a Ku̱rit nu̱ke a nggu̱t zan gaɓti ku̱n mugu kom ndu̱ kona gaɓti ku̱n mugu.

Tlu̱nar ɓu̱ Pudeku 27:13

Nu̱ khu̱kheeti nggaki su̱ piiri ku̱n kona laya laya, tu̱ taman ku za ɗyin wor wa vi, tu̱ dut vi nu̱ ku̱ski du̱mbu̱lang ku tu̱ mbu konggol ku ndu̱ chenjesi Ku̱rit, bing ndu̱ me gu̱mndang.

Tlu̱nar ɓu̱ Pudeku 27:21

Yang nu̱ke wa shoɓ ku nu̱ zu̱m ɗye zu̱mku ɓa, tu̱ Bulus ji tu̱ ching gha chele ɓaanda. Tu̱ zu̱ za, “Nduki, tu̱ga tun wa tu̱k ɓalar ɓang nang zu̱ki nga za njig mi maa Ku̱rit ɓa, tu̱ga nun nggu̱ɗ nu̱ mbu̱ sababu ndu̱ mbu̱ti ɗyikunang ɓa.

Tlu̱nar ɓu̱ Pudeku 27:7

Chem qan khang chem a yir laya laya, chem khu̱l bing ndu̱ Kinidus ndu̱ bonye. Nu̱ khu̱kheeti ku̱naki rem chem mala ye maa nu̱ke khu̱kheet si ɓa, gaanje chenjesi Ku̱rit bing ndu̱ Salmoni.

1 Korintiyeku 11:34

Mbu̱ yang njif nggur a tu̱k meeri, ku̱ zu̱m ɗye zu̱mndi ɓaran kaari, ku̱ tabar ɓaanu a ɓa ndu̱ kumar ye nu ɓa. Ɓeeni ɗyikwang, mbu̱ nga ɓa ngga zu̱ ɗyi nu̱ke a nje ye nu.

1 Korintiyeku 14:40

Yang tun shi aa nu̱m ve njiv nu̱ shipaki, wa nu̱ shipaki.

1 Korintiyeku 4:17

Yang nga ru̱k Timoti woi nu̱ke nga ndola nda nu̱ she nu ku̱men, ɗya nu̱ shir zhire mbe Zhinerem gwaanji. Ka kor ɗyi nu̱ke nga shiran ye nu mbe mbu Masiya Yesu nu̱ke nga shiran, ba wa nang ka shogaki ɓar ye tabar ɓu̱ nu̱ mbu Yesu ku aa fu̱n.

Kolosiyeku 2:5

Aa nu̱ke nga nje su̱yen ndu̱ tun mbu̱ manva ɓa, nga su̱yen ndu̱ tun mbu̱ jiimba. Nga kashar maɗyi ku̱me labar nang tu̱kki za tun a nje su̱yen chingndan shaanggu̱ɗang mbu̱ maito nun shiki mbe Masiya.

1 Timoti 1:3

Nga shim ku̱ kha na gha mbu̱ ghai Afisa, ba wa nang khuɗki ku̱ shi na sarchi nu̱ke nga Makidoniya, ma ku̱ wu na ɓeeni nduki nu̱ke a shogar wollo nang ku̱ njig ku.

2 Timoti 2:2

Ɗyi no tu̱kki sha gume saidu ku khang, to shoga ye nduki nu̱ shir zhire ma ku̱ shoga ku ye nduki ngguri.

Titus 1:12

Aa, da chele nduki nu̱ Ku̱ret nu̱ke a chele nduki nu̱ daki ku za ɗya annabi ɓaandang zu̱ki za, “Ku̱reteku ɗya nu̱ kotame ku aakochi, nduki malkandi, nu̱ khaati var nu̱ akum ku.”