Titus 1:2 - Mewar Alqawarang

² Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Titus 1:2 ပူးပေါင်းရင်းမြစ်များ

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Matta 25:46

“Nduki nang ka vi nu̱ mbu̱ bonye nu̱ke ɓu̱ shi woɗa ɓa, yang nu̱ dambi ku ka vi nu̱ mbu̱ nyifi nu̱ke ɓu̱ shi woɗa ɓa.”

Markus 10:17

Nu̱ Yesu ku̱ski njiv maa yir varan, tu̱ njif nggur a ɓa ɗyin ɗa tu̱ kurum gha gume nda, tu̱ zham nda za, “Maalu̱m mbarkandi, shwat ngga shikya nu̱m ma gwa nga nyifi nu̱ke ɓu̱ shi woɗa ɓa?”

Markus 10:30

Ka gwa raftiku, ndu̱ khachinkirku, ndu̱ mankir ku ndu̱ qusonggiku, ndu̱ damku, ndu̱ bonye khang. Yang fu̱ɗar wuri ka gwa nyifi nu̱ke ɓu̱ shi woɗa ɓa.

Yokhana 10:28

Nga vu̱r nyifi ye wor nu̱ke ɓu̱ shi woɗa ɓa, ɓu̱ dar mu̱t ku ɓa, yang nduk a nje nu̱ke ka lawaki wor ɓar mbu̱ khara ɓa.

Yokhana 17:2

Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 5:39

Ba tun a laɓ mbu̱ Bu̱lar ɓalar ɓu̱ Magham, ku̱me tun a tamandan za tun ka gwa nyifi nu̱ke ɓu̱ shi woɗa ɓa mban. Yang Bu̱lar ɓalar ɓu̱ Magham ku nang kya saida nga.

Yokhana 6:54

Kap njif nu̱ke a nji dlu vara, tu̱ ka za tom ɓang tu̱k, wa gwa nyifi nu̱ke ɓu̱ shi woɗa ɓa, ngga da nda nu̱ viɗi fu̱ɗar wuri.

Yokhana 6:68

Tu̱ Siman Biturus tlogha yenda za, “Zhinerem gwaanji, chem ka ɗu̱kya she kiya? To ke nu̱ ɓalar nu̱ka vu̱rki nyifiri nu̱ke ɓu̱ shi woɗa ɓa.

Tlu̱nar ɓu̱ Pudeku 15:18

Nang ke zu̱r ɓu̱ Zhinkir gwaanji, chin nu̱ wutki ɗyiku nang zhu tang.

Romeku 1:2

Magham wa shi alqawar Labar mbarkandi nang zhu tang nu̱ ku̱nshe annabiku ɓaran, ba wa nu̱ke a nje bu̱laran mbu̱ bu̱lar Ɓalar ɓu̱ Magham shakhshakhndi.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

Romeku 5:2

Chem gwa mu̱nkir nu̱ke chem a mban nang nu̱ ku̱nshe maito ɓaarem. Chem a kashari ku̱me chem wa sa memu̱narem nu̱ ɗyine chem ka gwa zhaaji ɓu̱ Magham.

Romeku 5:21

Wa nu̱ solar shiki kwaaɗar ɓaran nu̱ ku̱nshe mu̱ti, wanang tu̱k mu̱nkir ɓu̱ Magham a kwaaɗar ɓaran leendang nu̱ ku̱nshe dambu. A yir ndu̱ chem ye nyifi nu̱ke ɓu̱ shi woɗa ɓa mbe Yesu Masiya Yesu Zhinerem gwaanji.

Romeku 5:4

Yang gu̱ndi memu̱na wa ka sa ɗye shir ɓaarem tu̱ kha mbari, ɗye shir mbarkandi wa ka sa chem kha ndu̱ sar memu̱na.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

1 Tasalonikeku 2:15

Ɗya Yakhudeku tlaghaki Zhinerem gwaanji Yesu ndu̱ annabiku, tu̱ komba rem ku tu̱k. A su̱bu̱r memu̱na Magham ku maɗyi! A kare ndu̱ aaki ku!

1 Tasalonikeku 5:8

Yang nu̱ke ɓaarem chem ɓu̱ fu̱ɗa, shi mi khar ku̱si ɗyin, chem sa lukti vi nu̱ maito ndu̱ ndolari. Tu̱ sar memu̱nar gwar ɗanari kha ma jere vi ɓaarem.

1 Timoti 6:12

Shi dakhlar maito mbarkandi. To dlu̱ ɗye ɓi nu̱ nyifiri nu̱ke nu̱ka shi woɗa ɓa, ku̱me qa ma nang, sarchi nu̱ke to shiki saidu mbarkandi gume saiduku khangndang.

1 Timoti 6:19

Shir wanangang a shikya du̱ngdi ye va nda nu̱ke ka khaki ma dlu̱dlarsi khar viti ɓaanda nu̱ke a ɓari, ku̱me ka gwa nyifiri nu̱ke chin ke nyifi zhirekandi.

2 Timoti 1:1

Lagarkati nang a vi she Bulus pude ɓu̱ Masiya Yesu wa nu̱ Magham shimki tu̱ ru̱kti nga ma ku̱ zu̱ nga alqawar nyifi nu̱ke a mbe Masiya Yesu.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

2 Timoti 2:10

Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

2 Timoti 2:13

Mbu̱ nyem ka shi zhire ɓa, chin ɗya nu̱ zhire, ku̱me ɗo ɓu̱ keela ɗyinan ɓa.

2 Timoti 2:15

Shu ɗyi nu̱ke to ka ɗu̱maki kap ma ku̱ gwa na dlu̱r mbarkandi she Magham. To kha ma nu̱ tlu̱nar nu̱ke tom tu̱k kawa mbe tlu̱nar nu̱ke ta shiran ɓa, to shoga ɓalar zhire nang ɓar torop ba wa nu̱ zu̱ki.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Titus 2:7

Mbe aa nyi tunu to kha ma nduk nu̱ tlu̱nar ɗyi mbarkandi, tu̱ nduki ka shoga sho ro. To shi shogar ɓaaro ndu̱ ku̱si ɗyin to vu̱r va nu̱ si,

Titus 3:7

Shi wanangang ma ku̱ gwa mi khar waare zop gume Magham nu̱ ku̱nshe mu̱nkir ɓaran, chem zu̱m ɗye mbu̱ ge nyifiri nu̱ke nu̱ka shi woɗa ɓa nu̱ke memu̱na rem saran ɗyinan.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Yakhuda 1:21

Ku̱ kha man mbe ndolar ɓu̱ Magham, tun a bu ɓar ɓu̱ Zhinerem gwaanji Yesu Masiya nu̱ke mbu̱ ɗaanar ɓaran ka ɗu̱ ndu̱ tun mbu̱ nyifi nu̱ke nu̱ka shi woɗa ɓa.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.

Ɗyin mbu̱ tukari 17:8

Chin dlu gaari no naki nang, wa kha zhu, yang leendang a nje ɓa, ka ɗa dlan dam mbu̱ ge gargha mboɓongndi nu̱ke me tu̱ɓ si ɓandi nang ma yir ye maa nu̱ke a ma tlagha nda nu̱ gha. Nduki nu̱ke kharan mbu̱ larji, wor nu̱ke nu̱ bu̱la dlu̱m wor nu̱ mbu̱ Lagarkati Nu̱ Nyifiri ɓa, ka shi lazham nar dlu gaarang, ku̱me wa kha zhu, yang leendang a nje ɓa, yang ka ɗa gaɓ gana fan tu̱k.