Titus 1:11 - Mewar Alqawarang

¹¹ Wa ku̱s ku̱ wu wor ku̱ kha yit ku, ma nu̱ke a lakhta raftiku khang nu̱ gha mbe shogar ɗyi nu̱ke nu̱ shipa ɓa ɓara ma ku̱ gwa nda gu̱na ve njiv batal.

Titus 1:11 ပူးပေါင်းရင်းမြစ်များ

Matta 23:13

“Yang tun ɗye zhiyaye, tun Maalu̱m Taurete ku ndu̱ Pariseku, nu̱ lambarku! Tun wa za me vi viri nu̱ mbu̱ kwaaɗar viɗi.

Luka 20:40

Gaanje nang, nduk a nje nu̱ ɗu̱maki zham nda ɗyi nggur tu̱k ɓa.

Yokhana 10:12

Nu̱ tlu̱nar mu̱zhindi nu̱ka daki nda tu̱ shi khutlorang ɗya nu̱ khutlo ɓa, yang ndu̱ɓangkwang ɓaran ɓa. Ku̱me nang mbu̱ wa na yiɗi gaari a ɓar ɗyin ɗa, ka njig ndu̱ɓangkwang tu̱ ɗa varan. Yiɗi gaarang kaɗa ɓa tu̱ ku̱s ndu̱ɓangkwang, tu̱ lakhta wor nu̱gha tu̱k.

Romeku 3:19

Chem wa zu̱n nu̱ ɗyine ɗyi nu̱ Bibitang zu̱ki kap, a zu̱ran ye nduki nu̱ke a mbu̱ bu̱n Bibitang. Shi wanang ma ku̱ nduk gwa ɗye zu̱ ɓa, tu̱ larji kap khan mbe kumar ɓu̱ Magham.

2 Korintiyeku 11:10

Zhire ɓu̱ Masiya nu̱ke a mbya saki tang zu̱ nga za nduk a nje mbu̱ dlar ghai Akaya nu̱ke ka nggu̱tlki nga yakhdar nang ɓa.

1 Timoti 5:13

Qu̱rse nang, wa ka shoga khar bamndiku tu̱ ka baara maa ku a viri rafa rafa. Yang khar bamndang ɗyenda ɓa, wa ka shi ndaane ku, tu̱ ji fan tu̱ ɗu̱ fan a ɓalarku nu̱ke nu̱ shipa ɓa.

1 Timoti 5:4

Mbu̱ yang qusonggya nje kha ku̱du̱wang, aa ɗya zhikankirku, ku̱ qusonggyang nggasi shoga tlu̱nar ghaari ghai ɓaanda nu̱ ku̱nshe nggu̱ti kheeti ɓaanda. Shir wanang ka sa ku̱du̱wang tu̱ gwa shaatar ku ba wa nu̱ shaataki wor guma fara. Magham wa ka tu̱k mu̱ndan maɗyi.

1 Timoti 6:5

ndu̱ khang keele ndu̱ nduki nu̱ke kwaari ɓaanda wa sagha, yang zhire kha wor ɓa. Pooni nduki nang a na mburi Magham ɗya njif gwar gu̱na.

2 Timoti 2:18

ku̱me wa ngga njiv zhire ku gha a zu̱ran ku za, ai, Magham wa woɗa ji ndu̱ nduki ɓar mbe mu̱ti, a tlagha maito ɓu̱ ɓeeni nduki.

2 Timoti 3:6

Chele pooni nduki nang ɓeenan wa ka paɗa tu̱ ka vi nu̱ mbu̱ raftiku ɓu̱ nduki. Tu̱ ka za ɗyin nusuku nu̱ke nggu̱bu̱ngan ku yang solar wa duk du̱mbu̱r ɓaanda tu̱k, ndu̱ shimndi ɗyi malkandiku zum zum nu̱ke a nggum wora.

Titus 1:7

Ma nu̱ke dle gume ɓu̱ tabar nu̱ mbu Yesu ɗya nu̱ tlu̱nar ɓu̱ Magham, wa ku̱s ku̱ kha waare zop gume aaki. Ku̱ kha ma njif kaku̱ɗakhndi ɓa yang nu̱ wakho shokhna ɓa, ku̱ kha ma nu̱ zar ɗyema ɓa, yang nu̱ gangndi dakhla ɓa, ku̱ kha ma nu̱ bu̱rtar gu̱na ve njiv batal ɓa.

Titus 1:9

Wa ku̱s ku̱ dle guma kha ma njif nu̱ khubki ɓalar ɓu̱ Magham zhirekandi ɓang ɓang ba wa nu̱ shogaki ɓara. Ma ku̱ kha ma nu̱ par du̱mbu̱r ye ɓeeni nduki nu̱ ku̱nshe waazu ndu̱ shogar mbarkandi, tu̱ wut ye maa nu̱ke nduki nu̱ke a kare ndu̱ shogar ɓaranang galki gha ku.

Titus 3:10

Yang mbu̱ ta wu nu̱ shimndi shakhti ɗyin sar da ma yir nu̱ rapan, to shakh ɗyino ndu̱ chin.