Romeku 9:23 - Mewar Alqawarang

²³ Shi wanang ma wut nji yele ɓu̱ zhaaji ɓaran ye ɗyiku nyin shimki ɗaana nji wora. Daasa ɗyiku nyin ɗaanaki nang nu̱ ɗawi ma ku̱ gwa zhaaji ɓaran.

Romeku 9:23 ပူးပေါင်းရင်းမြစ်များ

Luka 1:17

Ka ɗa ɓa mbu̱ du̱mbu̱r ndu̱ memu̱nar tlu̱nar ɓu̱ annabi Iliya, chin ka ɗa ɓa ki gume Zhinerem gwaanji ma daasa nduki yenda me ku̱ ɗa ɓa. Ka sa memu̱na khuzuku tu̱ gaɓ nu̱ ɗyin qusonggi ɓaanda, nu̱ nggarvarku ka gwa dlu̱mndi wor ye kaɗari ɓu̱ nduki ɓu̱ Magham.”

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 2:4

Yang ɓa, ta ndu̱mkya khang mu̱nkir ɓu̱ Magham, ndu̱ kanaɗyi ɓaran, ndu̱ song wuti shokhnar ɓaran ɗau ɗau nu̱ke a shiran yorang mu? Alapa no zu̱n za mu̱nkir nu̱ke Magham a shiran yorang a shiran ma ku̱ nggoɗ na ɓa goma?

Romeku 8:29

Jiwa Magham wa zu̱n nduki nyin datki nu̱ ɗawi, wor ke nduki nu̱ Magham bu̱laki nu̱ ve wor ku̱ da shipar ɓu̱ Yi ɓaran, ma ku̱ Yi ɓaranang kha ma nu̱ gumapaali chele nyeezanku khangndi.

Romeku 8:30

Yang nduki nu̱ Magham bu̱laki nu̱ ve worang, wor ke nduki nu̱ qaki. Nduki nu̱ qakyang, wor ke nduki nu̱ gaɓki ndu̱ wor tu̱ kha waare sola gume nda. Nduki nu̱ khaki waare solar gume ndang, wor ke nduki nu̱ vu̱rki zhaaji ye wora.

Afiseku 1:18

Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Afiseku 2:7

Yang Magham shi nang ma ku̱ wut mu̱nkir ɓaran nu̱ke koɗokhsi ɓa ye aa nyi sarchi nu̱ke a ɓari. Wut mu̱nkir ɓaran nang, mbe Masiya Yesu.

Afiseku 3:16

Nga khuti nda ku̱ vu̱r vu̱rti nggur ye nu mbu̱ gu̱nar zhaaji ɓaran. Tu̱ pa du̱mbu̱r ye nu ndu̱ zalale ɓaran, ma ku̱ kha nu shokhku̱rokh mbu̱ memu̱nanu nu̱ ku̱nshe Jiimbi ɓaran.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Kolosiyeku 1:12

Tun ki kuna Magham Zhinkirang ye aa nyi sarchi, ku̱me chin saki chem khan chele nduki nu̱ke a ma gwa ɗye mbu̱ ge mbu̱ ɗyiku nu̱ daasaki ye nduki ɓaran, mbu̱ kwaaɗar ɓu̱ yarangi.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

1 Tasalonikeku 5:9

Jiwa Magham nu̱ shim ku̱ shokhnar ɓaran a ɓa nu̱ ɗyine rem ɓa, shimkya ku̱ gwa mi ɗanari nu̱ ku̱nshe Zhinerem gwaanji Yesu Masiya.

2 Timoti 2:21

Kap njif nu̱ shakki ɗyinan ndu̱ ɗyiku nu̱ke zhaaji su̱ ɓandi nang, ka kha ma ɗyi nu̱ khaki shakhshakh ma tlu̱nar nu̱ke zhaaji su̱ ye nu̱ raftang, a nje daasaran ma aa nyi tlu̱nar mbarkandi.