Romeku 9:1 - Mewar Alqawarang

¹ Nga zu̱kya zhire mbe Masiya, nga shikya wollo ɓa. Mbu̱ kwaari nang shiki mbu̱ memu̱nara, nga zu̱n shwat ɗya kwatama ɓa ku̱me saidu nu̱ Jiimbi shakhshakhndi shiki ɗyine nang.

Romeku 9:1 ပူးပေါင်းရင်းမြစ်များ

Romeku 1:9

Magham nu̱ke nga tlu̱nar yenda ndu̱ memu̱nara da nu̱ ku̱nshe wopar Labar mbarkandi ɓu̱ Yi ɓaran, ke saidu ɓanga nu̱ ɗyine nang laada kwaaronu

Romeku 2:15

Tlu̱nar ɓaanda wa wut nu̱ ɗyine ɗyi nu̱ Bibitang zu̱ki a nje bu̱laran mbu̱ memu̱na wora. Kwaari nu̱ memu̱na wor wa saida nang, nu̱ke kwaari ɓaanda wa ka wut za wor wa shi sola fu̱ɗa ngguri, ye sarchi nggur tu̱ka wut ye wor nu̱ ɗyine nu̱ wor shi sola mbe ɗyi nggur ɓa.

Romeku 8:16

Chin Jiimbi shakhshakhndang ndu̱ jiimbi ɓaarem a saidaran ku za shwat chem qusonggi ɓu̱ Magham.

Romeku 9:2

Memu̱nara chit maɗyi, nga damtaran tu̱k aakochi.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 1:23

Magham ke saidu ɓanga nu̱ ɗyine nang gaɓ nu̱ Koranti ɓa ku̱me nang shim shaata nga bonye ye nu ɓa.

2 Korintiyeku 11:10

Zhire ɓu̱ Masiya nu̱ke a mbya saki tang zu̱ nga za nduk a nje mbu̱ dlar ghai Akaya nu̱ke ka nggu̱tlki nga yakhdar nang ɓa.

2 Korintiyeku 11:31

Magham nu̱ke chin ke Zhin Zhinerem gwaanji Masiya Yesu. Nu̱ke barke a ve dlu̱man koɗokhsi ɓa! Wa zu̱n nga shikya wollo ɓa.

2 Korintiyeku 12:19

Bai tun ka taman za chem a shibkya ɗyinerem gume nu. Wanang ɓa, chem a ɓalar wa nu̱ Masiya shimki zu̱ mi gume Magham. Nyeezaku, zu̱n ma nu̱ ɗyine aa chem shikya nu̱m, chem a shiran ma shaata nu.

Galatiyeku 1:20

Ɗyi nu̱ke nga bu̱laran ye nu nang, ɗya kwatama ɓa, ɗya ba zhire ni, chele ɓang ndu̱ Magham.

Filipiyeku 1:8

Magham ka saida nga nu̱ ɗyine nga shim na nu nu̱ pooni ndolar ɓu̱ Masiya Yesu.

1 Tasalonikeku 2:5

Tun wa zu̱n nu ɗyine, nyem wutkya mu̱ndi ɓala ye nu ɓa, yang nyem melakh ɗyi nggur kha nu chem shim ku̱ tuka mi melakh ɓaarem gha ɓa. Magham ke saidu ɓaarem ɗyine nang.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

1 Timoti 2:7

Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

1 Timoti 5:21

Nga ɓalar nang yoro gume Magham ndu̱ Masiya Yesu ndu̱ nu̱ ru̱ktiku ɓu̱ Magham nu̱ datki, yang to mbu ɗyiku nang ndolar ɗyin su̱ ɓa, yang wut na ta shim njif nggur tu̱ duk njif nggur ɓa.