Romeku 8:8 - Mewar Alqawarang

⁸ Nduki nu̱ke ɗye shir ɓu̱ manva ke ɓaanda, khar viti ɓaanda ɓu̱ mu̱n mbu̱ Magham sar da ɓa.

Romeku 8:8 ပူးပေါင်းရင်းမြစ်များ

Matta 3:17

Tu̱ ɓalar a vi viɗi a zu̱ran za, “Nang ke woi ɓanga ndolakandi, memu̱nara mu̱n ndu̱ chin maɗyi.”

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 8:29

Njif nu̱ ɗa ru̱kki ngang a nje su̱yen ndu̱ nga, nu̱ njigti nga ɗyenda ɓa, ku̱me nga shikya ɗyi nu̱ke a shimndan aakochi.”

Romeku 1:21

Wa zu̱n Magham ku, yang kap ndu̱ nang nu̱ vu̱r zhaaji yenda ye khar ɓaran chin Magham ɓa, yang nu̱ kuna nda ku zum ɓa. Me ɓu̱ nang, tu̱ kwaari ɓaanda kha bam, memu̱na wor nu̱ke nu̱ka da mbu̱ tun ɓa ndang tu̱ kha zhum.

Romeku 7:5

Jiwa sarchi nu̱ke chem kharan mbe ɗye shir ɓu̱ nduku, Bibitang a sokh shimndi ɗyiku malkandi ɓaarem. Tu̱ shimndi ɗyiku malkandi ɓaarem nang ki tlu̱nar mbu̱ man vaarem, tu̱ tlu̱nar ɓaarem ki ɓar ndu̱ mu̱ti yerem.

Romeku 8:9

Tun yang, nun ka shi khar viti ɓaanu mbe ɗye shir ɓu̱ nduk ɓa, tun a khar viti ɓaanu mbe Jiimba, mbu̱ Jiimbi ɓu̱ Magham a nje kharan mbu̱ memu̱na nu. Yang kap njif nu̱ke Jiimbi ɓu̱ Masiya a nje mbe nda ɓa, ɗya ɓu̱ Masiya ɓa.

1 Korintiyeku 7:32

Nang shim ku̱ damta nu ɓa. Njif nu̱ke nu̱ shi ɓu̱r ɓa wa ka damta ndu̱ ɗyi ɓu̱ Zhinkir gwaanji maɗyi, a shim ku̱ Zhinkir gwaanji tu̱k mu̱ndi ɓaran

Filipiyeku 4:18

Tun wa shi aa nu̱m ya, ɗyi nun shiki wa duk ɗyi nu̱ke nga gangndan. Mba zhiran, nu̱ke nga gwa ɗyiku nun ru̱kki su̱ ya mbu̱ khar Apafaroditus. Nang ɗya sadke nu̱ke zhiran mu̱n maɗyi, ɗya vu̱rti mbarkandi nu̱ke Magham ka dlu̱ki san tu̱ tu̱k mu̱ndan.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

Kolosiyeku 3:20

Tun qusonggi, ɗya tlu̱nar ɓaanu mbe Masiya ku̱ mbu nu su̱qur zhinonu ndu̱ mononu aakochi, ku̱me nang ke ɗyi nu̱ke Magham a shimndan.

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

Yibraniyeku 13:16

Yang mona nu shir ɗyi mbarkandi ndu̱ shaatar nduki ɓa, ku̱me nang ke pooni sadke nu̱ke Magham a tu̱k mu̱ndan.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

1 Yokhana 3:22

Chem wa ka gwa ɗyi nyem khuɗki she nda kap, ku̱me chem a mbu zu̱r ɓaran, chem a shi ɗyi nu̱ke a shimndan.