Romeku 8:37 - Mewar Alqawarang

³⁷ Yang mbu̱ ɗyiku nang kap, chem wa duk du̱mbu̱r ku̱ nduk qa rem za chem rakya wuta ɗyenda, ɗyiku nang yang shi nu̱ ku̱nshe chin nu̱ ndolaremang.

Romeku 8:37 ပူးပေါင်းရင်းမြစ်များ

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Romeku 8:35

Woɗye ki ka shakki rem ndu̱ ndolar Masiya? Bonye mu, palasa mu, kakanshi mu, meeri mu, song mu, nggaɓang nggaɓang mu, yang mu̱ti mu?

1 Korintiyeku 15:54

Sarchi nu̱ke manvar nu̱ka mu̱tlkyang mbu̱mki tu̱ kha nu̱ka mu̱tl ɓa, man var nu̱ka mu̱tki nang tu̱ kha nu̱ka mu̱t ɓa. Ɓalar nu̱ke a nje bu̱laran nang ka ɓaa khan si ye sarchi ni, nu̱ zu̱ki za, “Wa ɗu̱ka mu̱ti ɓara, wa ra nda.

1 Korintiyeku 15:57

Ku̱ kunar kha Magham nu̱ka saki chem shi loobo nu̱ ku̱nshe Zhinerem gwaanji Yesu Masiya.

2 Korintiyeku 12:19

Bai tun ka taman za chem a shibkya ɗyinerem gume nu. Wanang ɓa, chem a ɓalar wa nu̱ Masiya shimki zu̱ mi gume Magham. Nyeezaku, zu̱n ma nu̱ ɗyine aa chem shikya nu̱m, chem a shiran ma shaata nu.

2 Korintiyeku 12:9

tu̱ yang zu̱ ya za, “Mu̱nkir ɓang wa gama ro, ku̱me zalale ɓang ka kha nyeedlan mbu̱ tu̱ɓti ɓaaro.” Ku̱me nang ngga kasha tang shi wakhti ndu̱ tu̱ɓti ɓang nang ma ku̱ zalale ɓu̱ Masiya kha gha su̱yen ndu̱ nga.

2 Korintiyeku 2:14

Nga kuna Magham, chin nu̱ka khaki nu̱ gume rem aakochi chem a ra wute mbe Masiya. A boote ndu̱ chem ma ɗyem chem a wopa Labar mbarkandi ɓu̱ Masiya aa fu̱n wa ɗye zhi mu̱nkandi nu̱ zhiran dlu̱ki aa fu̱n.

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

2 Tasalonikeku 2:16

Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.

1 Yokhana 4:10

Wonji ma ndolar zhirekandi, chem ndolaki Magham ɓa, chin ndolaki rem, tu̱ ɗa ru̱k Yi ɓaran ma ku̱ kha ma sadke yaapar solar ɓaarem.

1 Yokhana 4:19

Chem a wut ndola ku̱me Magham nggaki su̱ wut ndola yerem.

1 Yokhana 4:4

Tun qusonggi ɓang nu̱ke nga ndolaran, tun a vi she Magham, tun wa ra annabi nu̱ lambar ku nang, ku̱me Jiimbi ɓu̱ Magham nu̱ke a mbe nu wa duk jiimbi nu̱ke a mbe nduki nu̱ke a mbu̱ larji nang.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 12:11

Tu̱ yang zu̱m du̱mbu̱r ɓaran nu̱ ku̱nshe tom ɓu̱ Ye Gamndang, ndu̱ ɓalar nu̱ saidaki ku, jiwa nu̱ shim nyifi ɓaanda maɗyi nu̱ke ku̱ ku̱na vu̱rtan ɓa, aa ka tlagha kya wora.

Ɗyin mbu̱ tukari 17:14

Ka shi dakhlar ndu̱ Ye gamndang ku. Yang Ye gamndang ka zu̱m loobo ɗyine wora. Ku̱me chin ke zhinkir gwaanji ɓu̱ zhinkirku ndu̱ kuji ɓu̱ kujiku, yang su̱yen nu̱ chin ka kha ɗya nduki nu̱ qaki, nduki datkandi ndu̱ nu̱ mbu nda ku nu̱ zhire.”

Ɗyin mbu̱ tukari 21:7

Njif nu̱ raki wute nang kap ka gwa ɗye mbu̱ ge khara, tang kha ma Maghamndi ɓaran, tu̱ kha ma yi ɓang tu̱k.

Ɗyin mbu̱ tukari 3:9

Wonji, ngga sa nduki nu̱ke a mbu̱ kib tabar ɓu̱ Sheɗan, nu̱ka qaki vaanda ku za wor Yakhudeku yang a shikya wollo ku ku̱me ɗyen wanang ɓa. Ngga sa wor tu̱ ɗa ɓa tu̱ nggu̱t nu̱ yaghai gume ro ma ku̱ zu̱n ku nu̱ ɗyine nga ndola ro.