Romeku 8:30 - Mewar Alqawarang

³⁰ Yang nduki nu̱ Magham bu̱laki nu̱ ve worang, wor ke nduki nu̱ qaki. Nduki nu̱ qakyang, wor ke nduki nu̱ gaɓki ndu̱ wor tu̱ kha waare sola gume nda. Nduki nu̱ khaki waare solar gume ndang, wor ke nduki nu̱ vu̱rki zhaaji ye wora.

Romeku 8:30 ပူးပေါင်းရင်းမြစ်များ

Yokhana 17:22

Nga vu̱r zhaaji no vu̱rki yang ye wora ku̱ kha da ku ba wa nu̱ke chem da.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Romeku 1:6

Tun a mban kap, tun nu̱ Magham qaki nu tun kha ma ɓu̱ Yesu Masiya.

Romeku 11:29

Jiwa Magham nu̱ka gaɓ men nu̱ gana mbe vu̱rti ɓaran ndu̱ qar ɓaran ɓa.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Romeku 8:21

nu̱ ɗyine ka ɓa lawa du̱ngdikwang ɓara mbe khar maavi nu̱ke a shiran ye mu̱ti ndu̱ mu̱tli. Ka ɓa gwa me ɓaanda ye sarchi nu̱ke qusonggi ɓu̱ Magham ka ɓa gwaki ɗyin wora nu̱ zhaaji.

Romeku 8:28

Chem wa zu̱n nu̱ ɗyine mbu̱ aa nu̱m kap Magham wa ka tlu̱na ɗyi mbarkandi ye nduki nu̱ke a ndola nda, nang ke nduki nu̱ qaki ma ku̱ shi shimndi ɓaran.

1 Korintiyeku 1:2

Ma yir she tabar ɓu̱ nu̱ mbu Magham ku nu̱ke a mbu̱ ghai Koranti. Tun nu̱ qaki nu ma ku̱ kha nu wakaran mbe Yesu Masiya Zhinerem gwaanji ndu̱ Zhinkir ɓaanu gwaanji tu̱k.

1 Korintiyeku 1:9

Magham ɗya nu̱ nyedli alqawar, yang chin qaki nu ma ku̱ shi nu khar mu̱nkandi su̱yen ndu̱ Yi ɓaran Yesu Masiya Zhinerem gwaanji.

1 Korintiyeku 2:7

Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

2 Korintiyeku 4:17

Jiwa bonye koɗommandi nu̱ke chem a zaran nang ɓu̱ shoɓ ɓa, yang ka vu̱r zhaaji khangndi yerem koɗokh si ɓa.

Galatiyeku 1:15

Yang Magham mbu̱ mu̱nkir ɓaran wa daati nga me ku̱ kha nga nu̱ dam, tu̱ qa nga, tu̱ shim

Galatiyeku 1:6

Nga lazham ɗyi nu̱ke tun a shiran nang maɗyi. Mbu̱ sarchi koɗomma tun a shim njig njif nu̱ qaki nu nu̱ ku̱nshe mu̱nkir ɓu̱ Masiya ma mbu mewar labar nggur zum.

Galatiyeku 5:8

Pooni lambar nang, a vi she Magham nu̱ qaki nu shwat ɓa.

Afiseku 1:11

Magham wa daaterem ku̱ kha mi ma nduki ɓaran, nu̱ ku̱nshe Masiya. Wa woɗa daasa ɗyen vu̱ nggarsan, Ai, chin ke nu̱ tlu̱na ɗyiku ɓaran wa nyin shimki.

Afiseku 1:5

Mbe ndolar ɓaran Magham wa woɗa daasaran ku̱ kha mi ma qusonggi ɓaran nu̱ ku̱nshe Yesu Masiya, ku̱me shimndi mu̱nkir ɓaran.

Afiseku 2:6

Wa ji ndu̱ chem su̱yen ndu̱ Masiya, chem gwa maa khar mbu̱ viɗi, nu̱ ku̱nshe Masiya Yesu.

Afiseku 3:11

Ba wa nu̱ Magham daasaki ku̱ shi gumapaali, ma ku̱ tlu̱na nda mbe Masiya Yesu Zhinerem gwaanji.

Afiseku 4:4

Jiwa man vara nje da, ndu̱ Jiimbi da. Wa nu̱ke Magham qaki nu nu̱ ku̱nshe sar memu̱nar da.

Kolosiyeku 3:4

Masiya ke nyifi ɓaanu zhirekandi. Mbu̱ a ɓa tu̱k, tun ka ɓa kha gha su̱yen ndu̱ chin tun gwa me ɓaanu mbe zhaaji ɓaran.

1 Tasalonikeku 2:12

Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.

2 Timoti 2:11

Balar nang ɗya zhire shwat, nu̱ zu̱ki za, Mbu̱ chem wa mu̱t su̱yen ndu̱ chin, chem ka kha ndu̱ nyifiri su̱yen ndu̱ chin,

Yibraniyeku 9:15

Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

1 Biturus 3:9

Ku̱ dli nu mu̱na ndu̱ mu̱na ɓa, yang ku̱ dli nu pu̱zi ndu̱ pu̱zi zum ɓa, dli ma gaɗe pu̱zang ndu̱ sar barke. Ai, Magham qa nu ma pooni ɗyiku nang, ma ku̱ gwa nu ɗye mbu̱ ge barke.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

2 Bitu̱rus 1:10

Ku̱me nang, nyeezaku, shaata ma kasha wutan nu̱ ɗyine Magham wa qa nu tu̱ daato nu. Mbu̱ tun wa shi wanang tun ɓu̱ nggu̱ɗ sar da ɓa.

Ɗyin mbu̱ tukari 17:14

Ka shi dakhlar ndu̱ Ye gamndang ku. Yang Ye gamndang ka zu̱m loobo ɗyine wora. Ku̱me chin ke zhinkir gwaanji ɓu̱ zhinkirku ndu̱ kuji ɓu̱ kujiku, yang su̱yen nu̱ chin ka kha ɗya nduki nu̱ qaki, nduki datkandi ndu̱ nu̱ mbu nda ku nu̱ zhire.”

Ɗyin mbu̱ tukari 19:9

Tu̱ nu̱ ru̱ktang zu̱ ya za, “Bu̱lo nang, ‘Nduki nu̱ qaki wor ma tabar zu̱mndi ɗye ɓu̱rti ɓu̱ Ye gamndang ɗya nu̱ barka!’ ” Tu̱ zu̱ tu̱k za, “Nang ke ɓalar ɓu̱ Magham zhirekandi.”