Romeku 8:28 - Mewar Alqawarang

²⁸ Chem wa zu̱n nu̱ ɗyine mbu̱ aa nu̱m kap Magham wa ka tlu̱na ɗyi mbarkandi ye nduki nu̱ke a ndola nda, nang ke nduki nu̱ qaki ma ku̱ shi shimndi ɓaran.

Romeku 8:28 ပူးပေါင်းရင်းမြစ်များ

Markus 12:30

Yang ndolama Magham Zhinkir gwaanji ndu̱ memu̱na nu kap, ndu̱ nyifi ɓaanu kap, ndu̱ kwaari ɓaanu kap, kom ndu̱ du̱mbu̱r ɓaanu kap.” Nang ke wopar nu̱ gumapaali.

Tlu̱nar ɓu̱ Pudeku 13:48

Nu̱ nduki nu̱ke ɗya Yakhudeku ɓa tu̱kki wanang, tu̱ kasha ku maɗyi, tu̱ vu̱r zhaaji ye ɓalar ɓu̱ Magham tu̱ nduki nu̱ datki wora ma gwa nyifi nu̱ke ɓu̱ shi woɗa ɓa ndang maita ku.

Romeku 11:29

Jiwa Magham nu̱ka gaɓ men nu̱ gana mbe vu̱rti ɓaran ndu̱ qar ɓaran ɓa.

Romeku 8:30

Yang nduki nu̱ Magham bu̱laki nu̱ ve worang, wor ke nduki nu̱ qaki. Nduki nu̱ qakyang, wor ke nduki nu̱ gaɓki ndu̱ wor tu̱ kha waare sola gume nda. Nduki nu̱ khaki waare solar gume ndang, wor ke nduki nu̱ vu̱rki zhaaji ye wora.

Romeku 9:11

Yang me ku̱ kha ye mugɗar ku nang, fan ku̱ zu̱n ɗyi mbarkandi ku ndu̱ ɗyi malkandi ku, tu̱ Magham ze Rabeka za chin wa sa woi gwaanjang ku̱ kha ma nu̱ ru̱kti ɓu̱ woi koɗommandang.

1 Korintiyeku 1:2

Ma yir she tabar ɓu̱ nu̱ mbu Magham ku nu̱ke a mbu̱ ghai Koranti. Tun nu̱ qaki nu ma ku̱ kha nu wakaran mbe Yesu Masiya Zhinerem gwaanji ndu̱ Zhinkir ɓaanu gwaanji tu̱k.

1 Korintiyeku 1:24

Yang she nduki nu̱ Magham qaki wora aa ɗya Yakhudeku aa nduki nu̱ke ɗya Yakhudeku ɓa, Masiya ke zalale ɓu̱ Magham ndu̱ kaɗari ɓaran.

1 Korintiyeku 1:9

Magham ɗya nu̱ nyedli alqawar, yang chin qaki nu ma ku̱ shi nu khar mu̱nkandi su̱yen ndu̱ Yi ɓaran Yesu Masiya Zhinerem gwaanji.

1 Korintiyeku 2:9

Yang a nje bu̱laran ba wanang nu̱ zu̱ki za, “Ɗyi nu̱ Magham daasaki ye nduki nu̱ke a ndola nda nang, ɗya ɗyi nu̱ke nduk a nje nu̱ naki sar da ɓa, yang nduk a nje nu̱ tu̱kki ɓa. Yang nduk a nje nu̱ korki ka shi tun wanang ɓa.”

2 Korintiyeku 5:1

Jiwa chem wa zu̱n mbu̱ wa gu̱ɗa shekhɗekh nu̱ke chem kharan mban nang nu̱gha, nang ke man vaarem nu̱ke chem a boote si mbu̱ khar viti ɓaarem mbu̱ larji nang, Magham nu̱ ɗyinan ka shiki rafti yerem mbu̱ viɗi. Yang nu̱ke rafti nang ɗya nduk du̱nki ɓa, ka kha ba a nje aakochi ɓu̱ gu̱ɗa ɓa.

Galatiyeku 1:15

Yang Magham mbu̱ mu̱nkir ɓaran wa daati nga me ku̱ kha nga nu̱ dam, tu̱ qa nga, tu̱ shim

Galatiyeku 1:6

Nga lazham ɗyi nu̱ke tun a shiran nang maɗyi. Mbu̱ sarchi koɗomma tun a shim njig njif nu̱ qaki nu nu̱ ku̱nshe mu̱nkir ɓu̱ Masiya ma mbu mewar labar nggur zum.

Galatiyeku 5:8

Pooni lambar nang, a vi she Magham nu̱ qaki nu shwat ɓa.

Afiseku 3:11

Ba wa nu̱ Magham daasaki ku̱ shi gumapaali, ma ku̱ tlu̱na nda mbe Masiya Yesu Zhinerem gwaanji.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Filipiyeku 3:14

Nga zhang vara ku̱ gwa nga tang basan ma gwa ɗye ɓi qari ma yir mbu̱ viɗi nu̱ Magham qaki nga maaran nu̱ ku̱nshe Masiya Yesu.

1 Tasalonikeku 5:9

Jiwa Magham nu̱ shim ku̱ shokhnar ɓaran a ɓa nu̱ ɗyine rem ɓa, shimkya ku̱ gwa mi ɗanari nu̱ ku̱nshe Zhinerem gwaanji Yesu Masiya.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

2 Timoti 2:19

Yang su̱ du̱ndi du̱mbu̱rkandi nu̱ Magham du̱nkyang, ba a nje shokhku̱rokh ndu̱ yitu̱m nu̱ saki nu̱ ɗyinan. Nu̱ zu̱ki za, “Magham wa zu̱n nduki nu̱ke ɓaran” yang “Kap njif nu̱ke a zu̱ran za chin ɓu̱ Zhinkir gwaanji ku̱ shakh ɗyinan tu̱ kha ɓakh ndu̱ tlu̱nar malkandi.”

Yibraniyeku 9:15

Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.

Yaqub 1:12

Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

1 Biturus 3:9

Ku̱ dli nu mu̱na ndu̱ mu̱na ɓa, yang ku̱ dli nu pu̱zi ndu̱ pu̱zi zum ɓa, dli ma gaɗe pu̱zang ndu̱ sar barke. Ai, Magham qa nu ma pooni ɗyiku nang, ma ku̱ gwa nu ɗye mbu̱ ge barke.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

1 Yokhana 4:10

Wonji ma ndolar zhirekandi, chem ndolaki Magham ɓa, chin ndolaki rem, tu̱ ɗa ru̱k Yi ɓaran ma ku̱ kha ma sadke yaapar solar ɓaarem.

1 Yokhana 4:19

Chem a wut ndola ku̱me Magham nggaki su̱ wut ndola yerem.

Ɗyin mbu̱ tukari 3:19

Ngga wukya nduki nu̱ke nga shimndan tang ɗu̱r wora. Ku̱me nang kho ndu̱ zhire to nggoɗ khar viti ɓaaro.