Romeku 8:27 - Mewar Alqawarang

²⁷ Yang Magham nu̱ zu̱nki memu̱na nduku, wa zu̱n ɗyi nu̱ke Jiimbyang a shimndan, ku̱me Jiimbyang ka khuɗkya shimndi ɓu̱ Magham ye nduki ɓu̱ Magham.

Romeku 8:27 ပူးပေါင်းရင်းမြစ်များ

Matta 6:8

Shi nu wa wor ɓa, ku̱me Magham wa zu̱n ɗyi nu̱ke tun a gangndan fan khuɗ nu nda.

Luka 16:15

Tu̱ yang Yesu ze wor za, “Tun kya shim wutan ye nduki za tun nu̱ jeembu, yang Magham wa zu̱n memu̱na nu. Ɗyi nu̱ke nduki a shimndan maɗyi ɗya ɗye zhaana she Magham.

Yokhana 14:13

Ɗyi nun khuɗki kap mbu̱ dlu̱ma ngga shi, ku̱me ku̱ Zhinkirang gwa zhaaji nu̱ ku̱nshe Woyang.

Yokhana 21:17

Tu̱ Yesu gaɓ tu̱k tu̱ zham nda nu̱ kunungan za, “Siman yi ɓu̱ Yokhana, ta ndola nga mu?” Tu̱ Biturus su̱bu̱r mban nu̱gha ku̱me ye zhamndi nu̱ kunungang Yesu wa zu̱ za, “Ta ndola nga mu?” Tu̱ gaɓ tu̱ tlogha za, “Zhinerem gwaanji ta zu̱n aa nu̱m kap, yang ta zu̱n tu̱k za nga ndola ro.” Tu̱ Yesu ze nda za, “Zu̱m ndu̱ ndu̱ɓangku ɓanga.

Tlu̱nar ɓu̱ Pudeku 1:24

Tu̱ nu̱ mbu Yesu kwang shi barar a zu̱ran ku za, “Zhinkir gwaanji, ta zu̱n memu̱na aaki. Wut njif no datki yerem chele nduki rapndi nang,

Tlu̱nar ɓu̱ Pudeku 15:8

Yang Magham nu̱ zu̱nki memu̱na aaki, tu̱ wuɗ za chin wa dlu̱ wor nu̱ ku̱nshe Jiimbi shakhshakhndi nu̱ vu̱rki ye wor ba wa nu̱ vu̱rki yerem.

Romeku 8:34

Ki khu̱lki ma ku̱ kuma mu̱ti ye wora? Masiya Yesu nu̱ mu̱tki, dukti nang, tu̱ ji mbe mu̱ti, yang a nje kharan ɗyin bu̱n zu̱ma ɓu̱ Magham, chin kya khuɗ Magham yerem.

Romeku 8:6

Damtar ndu̱ ɗyiku ɓu̱ manva wa ka ɓa ndu̱ mu̱ti, yang damtar ndu̱ ɗyin mbu̱ Jiimba ka vu̱rkya nyifiri ndu̱ qaandi memu̱na.

Afiseku 2:18

Ai, mbu̱r ɓaarem chem gwa zalale ɓar she Zhinkirang ve njiv da, nang ke Jiimbi shakhshakhndi.

1 Tasalonikeku 2:4

Ba wa nu̱ Magham naki chem wa khu̱l ku̱ vu̱r tlu̱nar wopar Labar mbarkandi nang yerem yang chem a woparan. Chem a shiran ma mu̱n mi memu̱na nduk ɓa, chem a shim ku̱ memu̱na Magham kha mu̱n ndu̱ chem chin nu̱ zu̱nki ɗyin mbu̱ memu̱narem.

Yibraniyeku 4:13

Tun a nje mbu̱ du̱ngdiku ɓu̱ Magham nu̱ke tukaran she nda ɓa. Aa nu̱m ndu̱ aa nu̱m qu̱ndan, a ye dalangi, a naran. Chem ka shiga su̱ ɗyi nyem shiki mbu̱ khar viti ɓaarem yenda.

Yaqub 5:16

Ku̱me nang zu̱ma zop ɓaanu ye yen, tun ki barar ye yen, ma ku̱ shaana nu. Barar ɓu̱ nu̱ dambu wa ka shi tlu̱nar ndu̱ zalale maɗyi.

Ɗyin mbu̱ tukari 2:23

Ngga tlagha nduki nu̱ke a mbu shogar ɓaran nu̱gha, nu̱ mbu Yesu ku kap ka zu̱n nu̱ ɗyine nga ke nu̱ laɓ mbu̱ kwaari ndu̱ memu̱na aaki. Yang ngga ɓi aaki ku̱rku̱r ndu̱ tlu̱nar ɓaran.