Romeku 8:26 - Mewar Alqawarang

²⁶ Wanang tu̱k Jiimbyang a shaata rem mbe tu̱ɓti ɓaarem. Nyem magha shir bara wa nu̱ shipaki ɓa, yang Jiimbyang nu̱ ɗyinan a khuɗ Magham yerem ndu̱ tlu̱rti nu̱ke ɓala ɓu̱ ɗu̱ma zu̱ mban ɓa.

Romeku 8:26 ပူးပေါင်းရင်းမြစ်များ

Matta 10:20

Ku̱me ɗya tun kya ɓalarang ɓa, Jiimbi ɓu̱ Zhinkir ɓaanu kya ɓalarang nu̱ ku̱n she nu.

Matta 20:22

Tu̱ yang Yesu ze qusonggyang za, “Nun zu̱n ɗyi nu̱ke tun a khutanang ɓa. Tun ka ɗu̱ma za ɗyekhti bonye nu̱ke nga ma zarana mu?” Tu̱ tlogha yenda ku za, “Chem ka ɗu̱ma.”

Luka 22:44

Yang ku̱me Yesu a mbu̱ bonye, tu̱ zu̱m guma ndu̱ barar maɗyikandi nu̱ke ku̱rku̱ɗyi ɓaranang a kuɗari wa tom a jiti yaghai.

Yokhana 14:16

Ngga khuɗ Zhinkirang, chin yang ka vu̱r Nu̱ shaatar nggur ye nu tu̱ kha gha ve yen ndu̱ tun koɗokhsi ɓa.

Romeku 15:1

Chem nyem khaki du̱mbu̱ran mbe maito ɓaarem wa shipa ku̱ shi mi kanaɗyi ndu̱ nduki nu̱ke khukhutanku, ma ku̱ shaata mi wor mbe tu̱ɓti ɓaanda. Ku̱ kha mi ndu̱ ndolar ɗyin ɓa.

Romeku 7:24

Ai nga! Nga ɗye zhiyaye! Ki ka lawaki nga mbe man var nu̱ka ɓa ki ndu̱ mu̱ti nangang na?

Romeku 8:15

Jiwa Jiimbi nu̱ vu̱rki ye nwang ɗya nu̱ khar maava ɓa, nu̱ke tun ka tu̱kki sawa ɓa. Ɗya Jiimbi nu̱ gaɓki ndu̱ chem ma qusonggi ɓu̱ Magham, chem a qa Magham, nyem za, “Aba! Zhinki!”

2 Korintiyeku 5:2

Leendang chem a tlu̱rti, chem a kodli gwa mi maa khar mbu̱ viɗi nu̱ke ka ɗa lu̱pa rem si.

2 Korintiyeku 5:4

Sarchi nu̱ke chem kharan mbu̱ man var nu̱ larji nang, chem a tlu̱rti ku̱me chem damtaran. Nyem shim ku̱ shakh mi ndu̱ man var nu̱ larji nang ɓa, chem a shimkya ku̱ lu̱pa rem nu̱gha ndu̱ nu̱ viɗang, ma ku̱ ɗyi nu̱ke nu̱ka shi mu̱t ɓa ndang lu̱pa ɗyi nu̱ka mu̱tkyang nu̱ gha guma da.

Galatiyeku 4:6

Nu̱ke tun qusonggi ɓaran tu̱ Magham a ru̱k nu̱ Jiimbi Yi ɓaran nu̱ mbu̱ memu̱na nu, a qa Magham za, “Aba, Zhinki.”

Afiseku 2:18

Ai, mbu̱r ɓaarem chem gwa zalale ɓar she Zhinkirang ve njiv da, nang ke Jiimbi shakhshakhndi.

Afiseku 6:18

Tun ki barar mbe zalale ɓu̱ Jiimba aa nyi sarchi, ndu̱ aa nyi pooni bararku ndu̱ khutiku, kha ma daasaran aakochi tun zu̱m guma ndu̱ barari ye nduki ɓu̱ Magham.

Yibraniyeku 4:15

Jiwa chin gorkir kuru ɓaaremang ɗya njif nu̱ damtaki ndu̱ tu̱ɓti ɓaarem. Ku̱me wa gwa buuriku ve aa nyi njiv nu̱ buuki rem, yang nu̱ shi sola ɓa.

Yibraniyeku 5:2

Ka ɗu̱ma taata nduki nu̱ song zu̱ndi ndu̱ nduki nu̱ nggaki njiva gha, ma nu̱ke chin ndu̱ ɗyinan tu̱ɓtan.

Yaqub 4:3

Yang aa tun wa shi bararang nun ka gwa ɓa ku̱me tun ku̱rkya ɗyi malkandi. Tun a shim sagha ɗyi nu̱ke tun ka gwakyang ye maa tlu̱nar bamndiku ma laɓ tu̱kti mu̱ndi ye vaanu.