Romeku 8:2 - Mewar Alqawarang

² Nu̱ke bibiti ɓu̱ Jiimbi nu̱ka vu̱rki nyifiri wa lawa nga mbe bibiti solar ndu̱ mu̱ti nu̱ ku̱nshe Masiya Yesu.

Romeku 8:2 ပူးပေါင်းရင်းမြစ်များ

Yokhana 4:10

Tu̱ Yesu tlogha yenda za, “Mbu̱ ta zu̱n vu̱rti ɓu̱ Magham, ndu̱ njif nu̱ khuɗki ɗyim kha nang, tu̱ga ta khuti nda ka vu̱r ɗyim nu̱ka vu̱rki nyifiri yoro.”

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Yokhana 6:63

Jiimba ke nu̱ vu̱rti nyifi, zalale aa nu̱m kha manva ɓa. Ɓalarku nang zu̱ki ye nwang ɗya jiimba, ndu̱ nyifi.

Yokhana 8:32

Kom tun ka zu̱n zhire, zhiryang ka dli ɗyinonu.”

Yokhana 8:36

Ku̱me nang, mbu̱ woyang wa dli ɗyinonu, tun ka gwa dli ɗyin zhirekandi.

Romeku 16:3

Tun zoɓa qaandi ɓang ye Bu̱rsikila ndu̱ Akila, mu̱dlaku nu̱ tlu̱nar mbe Masiya Yesu.

Romeku 3:27

Yang nang chem ka shi me wakhti nu̱ ɗyine nu̱m ɗo? Ai, a nje ɓa! Yang da chin wakhtang ɓara kikimndana? Da ɓar nu̱ ku̱nshe mburi Bibitang mu? Auwo, da ɓar nu̱ ku̱nshe maito.

Romeku 5:21

Wa nu̱ solar shiki kwaaɗar ɓaran nu̱ ku̱nshe mu̱ti, wanang tu̱k mu̱nkir ɓu̱ Magham a kwaaɗar ɓaran leendang nu̱ ku̱nshe dambu. A yir ndu̱ chem ye nyifi nu̱ke ɓu̱ shi woɗa ɓa mbe Yesu Masiya Yesu Zhinerem gwaanji.

Romeku 6:14

Ku̱ sola shi kwaaɗar ɗyine nu ɓa, nu̱ke tun a mbu̱ bu̱n Bibitang ɓa, tun a mbu̱ bu̱n mu̱nki.

Romeku 6:18

Wa dli ɗyinonu, tun lawa mbe sola, tun kha ma maavi ɓu̱ dambu.

Romeku 6:22

Yang leendang wa dli ɗyinonu, tun lawa mbe sola, tun wa kha ma maaviku ɓu̱ Magham. Boote ni chin ke tun wa kha wakaran, yang tun ka gwa nyifi nu̱ke ɓu̱ shi woɗa ɓa ku̱men.

Romeku 7:21

Ɗyi nang wa kha ya ma me ɓanga, nu̱ke mbu̱ nga shim shi ɗyi mbarkandi, tang gwa nga shikya ɗyi malkandi.

Romeku 7:23

yang nga na ɗyi nggur zum mbu̱ me barku ɓanga nu̱ke a dakhla ɗyi nu̱ke memu̱nara daki ya. Ɗyi nang wa sa tang kha ma maavi ɓu̱ sola nu̱ke a nje mbya.

Romeku 7:4

Ɗyen wanang tu̱k nyeezaku, ɗyi nang zu̱ki nang a wutkya pooni ɗyi nu̱ ɗatlki ndu̱ tunu. Mu̱ti ɓu̱ Masiya ɗyin qu̱far kaatlang wa sa tun kha mu̱tan mbe Bibitang. Leendang tun a khar ɓaran, chin Yesu nu̱ Magham jiiki ndu̱ chin ɓar mbe mu̱ti, ma ku̱ vu̱r nu boote ye Magham mbu̱ khar viti ɓaanu.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

1 Korintiyeku 15:45

A nje bu̱laran za, “Njif nu̱ gumapaali, chin Adamu, wa kha ma nduk nu̱ nyifi.” Yang Adamu nu̱ gana ɗya jiimbi nu̱ka vu̱rki nyifiri.

2 Korintiyeku 3:17

Zhinkir gwaanji ke Jiimba. Yang ye maa nu̱ke Jiimbi ɓu̱ Zhinkir gwaanji a nje, dli ɗyin a nje.

2 Korintiyeku 3:6

Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

Galatiyeku 2:19

Ai, nu̱ ku̱nshe bibitang nga mu̱tan, bibitang tlaghaki nga, ma kha nga ma nu̱ nyifi she Magham.

Galatiyeku 5:1

Masiya dli ɗyineremang ma ku̱ kha mi vaarem zu̱ran. Ku̱me nang tun ching gha shaanggu̱ɗang, vu̱r nu vaanu ma tlu̱nar maava tu̱k ɓa.

Galatiyeku 6:2

Da ma kuɗar ɓu̱ yen, shir wanangang ka sa tun nyel bibiti ɓu̱ Masiya.

Yaqub 1:25

Yang njif nu̱ vu̱rki ɗyinan tu̱ laɓ mbu̱ shogar ɓu̱ Labar mbarkandi, nu̱ke ɗya njiv nyelkandi nu̱ka ɓa ki ndu̱ dli ɗyin. Yang nu̱ka tu̱k tu̱ mona ɗyen ɓa, tu̱ka var varan nu̱ si a tlu̱na ɗyi nu̱ zu̱ki, ka sa barke yenda mbu̱ ɗyi nu̱ke a shiran kap.

Ɗyin mbu̱ tukari 11:11

Yang qu̱rse qaandi kunung ndu̱ mbeeri nang, tu̱ khu̱kheeti nyifiri na viki she Magham tu̱ vi nu̱ mbe wora tu̱ ji tu̱ ching gha nu̱ saari wora. Tu̱ sawar maɗyikandi ku̱s nduki nu̱ naki wora.

Ɗyin mbu̱ tukari 22:1

Kom tu̱ nu̱ ru̱kti ɓu̱ Magham wut gaawu ya nu̱ka vu̱rki ɗyim nyifiri, yaryar wa gu̱las, yang a kuɗar she zhakhɗye ɓu̱ Magham ndu̱ ɓu̱ Ye gamndang.