Romeku 8:11 - Mewar Alqawarang

¹¹ Mbu̱ Jiimbi shakhshakhndi nu̱ jiiki ndu̱ Yesu mbe mu̱ti a nje kharan mbe nu, ba chin nu̱ jiiki ndu̱ Masiya mbe mu̱tang ka vu̱r nyifiri ye man vaanu nu̱ka mu̱tki. Nu̱ ku̱nshe Jiimbi nu̱ke a nje kharan mbe nwang.

Romeku 8:11 ပူးပေါင်းရင်းမြစ်များ

Yokhana 14:17

Chin ke Jiimbi nu̱ zhire, nu̱ke larji ɓu̱ ɗu̱ma dlu̱ran ɓa ku̱me ɓu̱ ɗu̱ma na nda ɓa yang nu̱ zu̱n nda ɓa. Ɓaanu yang tun wa zu̱n nda, ku̱me a nje kharan ndu̱ tunu, yang ka ɓaa khan mbu̱ memu̱na nu.

Yokhana 5:21

Ba wa nu̱ke Zhinkirang ka nakhaki mu̱tiku tu̱ vu̱r nyifi ye wora, wanang tu̱k, Woyang wa ka vu̱r nyifi ye njif nyin shimki.

Tlu̱nar ɓu̱ Pudeku 2:24

Yang tu̱ Magham ji ndu̱ chin ɓar mbe mu̱ti, tu̱ lawa nda ɓar mbe zalale ni. Ku̱me ɓu̱ shi ku̱ mu̱ti khubti nda ɓa.

Romeku 16:10

Shi ma qaandi ye Apeles ɗya nu̱ zhire mbe Masiya shwat. Tun shi qaandi ye nduki nu̱ mbu̱ rafti ɓu̱ Aristobulus.

Romeku 16:3

Tun zoɓa qaandi ɓang ye Bu̱rsikila ndu̱ Akila, mu̱dlaku nu̱ tlu̱nar mbe Masiya Yesu.

Romeku 16:7

Tun shi qaandi ye Andu̱ronikus ndu̱ Juniyas, nyeeza Yakhudeku, wor ke nduki nu̱ khiiki rem gha su̱yen mbu̱ zhaaru̱m. Pudekwang wa zu̱n wor maɗyi, yang maita Masiya ku ya guma.

Romeku 16:9

Tun shi qaandi ye Urbanus mu̱dlerem nu̱ tlu̱nar mbe Masiya, ndu̱ Su̱takis rapta maɗyikandi.

Romeku 6:12

Ku̱me nang njig nu ku̱ sola shi kwaaɗar mbu̱ vaanu nu̱ka mu̱tki nang, tu̱ sa nu ma tlu̱na shimndi ɓaran maatlindi nu̱ me ɓu̱ ndukwang ɓa.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Romeku 8:12

Wanang tu̱k, nyeezaku, wa ku̱s ku̱ khar viti ɓaarem kha waare ɗye shir ɓu̱ manva nu̱ke ɗya me ɓu̱ nduku.

Romeku 8:2

Nu̱ke bibiti ɓu̱ Jiimbi nu̱ka vu̱rki nyifiri wa lawa nga mbe bibiti solar ndu̱ mu̱ti nu̱ ku̱nshe Masiya Yesu.

Romeku 8:9

Tun yang, nun ka shi khar viti ɓaanu mbe ɗye shir ɓu̱ nduk ɓa, tun a khar viti ɓaanu mbe Jiimba, mbu̱ Jiimbi ɓu̱ Magham a nje kharan mbu̱ memu̱na nu. Yang kap njif nu̱ke Jiimbi ɓu̱ Masiya a nje mbe nda ɓa, ɗya ɓu̱ Masiya ɓa.

1 Korintiyeku 15:16

Ku̱me mbu̱ mu̱tiku ɓu̱ ji ɓa, nu̱ ji ndu̱ Masiya zum ɓa.

1 Korintiyeku 6:14

Ba wa nu̱ Magham jiiki ndu̱ Zhinerem gwaanji ɓar mbe mu̱ti, ka ji ndu̱ chem wanang tu̱k nu̱ ku̱nshe zalale ɓaran.

2 Korintiyeku 4:11

Khar nu̱ke chem a shiran mbu̱ larji nang, chem a me mu̱ti ku̱me Yesu, ma ku̱ na khar viti ɓu̱ Yesu mbu̱ man vaarem nu̱ka mu̱tki nang.

2 Korintiyeku 4:14

Jiwa chem wa zu̱n nu̱ ɗyine Magham nu̱ jiiki ndu̱ Zhinerem gwaanji Yesu ɓar mbe mu̱ti, ka ji ndu̱ chem ɓar su̱yen ndu̱ Yesu, tu̱ ɗa ɓa ndu̱ chem gume nda su̱yen ndu̱ tunu.

2 Korintiyeku 5:4

Sarchi nu̱ke chem kharan mbu̱ man var nu̱ larji nang, chem a tlu̱rti ku̱me chem damtaran. Nyem shim ku̱ shakh mi ndu̱ man var nu̱ larji nang ɓa, chem a shimkya ku̱ lu̱pa rem nu̱gha ndu̱ nu̱ viɗang, ma ku̱ ɗyi nu̱ke nu̱ka shi mu̱t ɓa ndang lu̱pa ɗyi nu̱ka mu̱tkyang nu̱ gha guma da.

Galatiyeku 6:8

Mbu̱ nduk wa vu̱r varan ye shimndi ɓu̱ manva mu̱ti a buri nda. Mbu̱ yang vu̱rkya varan ye shimndi ɓu̱ Jiimba ka gwakya nyifi nu̱ke ɓu̱ shi woɗa ɓa.

Afiseku 2:5

ba ye sarchi nu̱ke chem mu̱tan mbu̱ solarku ɓaarem, tu̱ vu̱r nyifiri yerem su̱yen ndu̱ Masiya. Ɗana nu nu̱ ku̱nshe mu̱nkir ɓaran.

Filipiyeku 3:21

Chin ke nu̱ zalale sar aa nu̱m kap nu̱ mbu̱ bu̱nan. Ka nggoɗ man vaarem ndu̱mkandi nang nu̱gha nu̱ ku̱nshe zalale ɓaranang, tu̱ gaɓ ndu̱ wor tu̱ kha wa man varan nu̱ zhaaji nang.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

Ɗyin mbu̱ tukari 1:18

Nga ke Nu̱ Nyifiri! Nga mu̱ɗi, yang wonji ɗo leendang, nga nje ndu̱ nyifiri koɗokhsi ɓa aakochi, ɗye qu̱ndi ɓu̱ mu̱ɗi ndu̱ nu̱ maa khar ɓu̱ mu̱ti a nje khara.

Ɗyin mbu̱ tukari 11:11

Yang qu̱rse qaandi kunung ndu̱ mbeeri nang, tu̱ khu̱kheeti nyifiri na viki she Magham tu̱ vi nu̱ mbe wora tu̱ ji tu̱ ching gha nu̱ saari wora. Tu̱ sawar maɗyikandi ku̱s nduki nu̱ naki wora.