Romeku 7:6 - Mewar Alqawarang

⁶ Yang leendang ɗyinerem wa vi, chem wa lawa mbe Bibitang nu̱ke chem wa mu̱t mbe ɗyi nu̱ gu̱nki rem nu̱gha. Leendang chem a shikya tlu̱nar ɓu̱ Magham ndu̱ mewar khar viti nu̱ ku̱nshe Jiimbi ɓaran. Tlu̱nar nyem shiki ye Bibitikwang wa peeta.

Romeku 7:6 ပူးပေါင်းရင်းမြစ်များ

Romeku 1:9

Magham nu̱ke nga tlu̱nar yenda ndu̱ memu̱nara da nu̱ ku̱nshe wopar Labar mbarkandi ɓu̱ Yi ɓaran, ke saidu ɓanga nu̱ ɗyine nang laada kwaaronu

Romeku 12:2

Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

Romeku 6:11

Tun yang tu̱k, da ma vaanu nu̱ ɗyine tun wa mu̱t ye zalale ɓu̱ sola, tun kha ndu̱ nyifiri mbe khar mu̱nkandi ndu̱ Magham nu̱ ku̱nshe Masiya Yesu.

Romeku 6:19

Nga shikya pooni ɓalar ɓu̱ nduk ye nu, ku̱me tu̱ɓti ɓaanu nu̱ me ɓu̱ nduku. Ɗau fara tun wa su̱n ndu̱ vu̱rti me bar ɓaanu ma tlu̱na ɗye zhaaneku, ndu̱ mu̱nar nu̱ke a zu̱m guma ndu̱ shaatari aakochi. Yang leendang vu̱r ma me bar ɓaanu ye tlu̱nar dambu, tun kha wakaran.

Romeku 6:2

Fu̱n ɗo! Nu̱ shipa sar da ɓa! Chem nyem mu̱tki mbe sola, yang ka shi kikimndi chem zu̱m guma ndu̱ khar mbu̱ solarang na?

Romeku 6:22

Yang leendang wa dli ɗyinonu, tun lawa mbe sola, tun wa kha ma maaviku ɓu̱ Magham. Boote ni chin ke tun wa kha wakaran, yang tun ka gwa nyifi nu̱ke ɓu̱ shi woɗa ɓa ku̱men.

Romeku 6:4

Nang a wutan za wa pa rem gha su̱yen ndu̱ chin mbe baptisma sarchi nu̱ paki nda. Chem kha da mbe mu̱ti ɓaran, ku̱me ba wa nu̱ jiiki ndu̱ Masiya nu̱ ku̱nshe zalale nu̱ zhaaji ɓu̱ Zhinkirang, wanang tu̱k ku̱ kha mi ndu̱ mewar khar viti.

Romeku 7:1

Nyeezaku, nu̱ke kap ɓaanu tun wa zu̱n bibitang, tun ka da mbu̱ ɗyi nu̱ke nga ma zu̱ran nang. Bibiti ka shi tlu̱nar ɗyine nduku mbu̱ nu̱ zhin a nje ndu̱ nyifi.

Romeku 7:2

Chem ka nan ve nang, mbu̱ wa gu̱n ɓu̱rti ye nusu, nokhzang a mbu̱ bu̱n zhimen mbu̱ zhimenang a nje ndu̱ nyifiri. Yang mbu̱ zhimenang wa mu̱ɗi, bibiti ɓu̱rtang a nje ɗyine nda tu̱k ɓa.

Romeku 7:4

Ɗyen wanang tu̱k nyeezaku, ɗyi nang zu̱ki nang a wutkya pooni ɗyi nu̱ ɗatlki ndu̱ tunu. Mu̱ti ɓu̱ Masiya ɗyin qu̱far kaatlang wa sa tun kha mu̱tan mbe Bibitang. Leendang tun a khar ɓaran, chin Yesu nu̱ Magham jiiki ndu̱ chin ɓar mbe mu̱ti, ma ku̱ vu̱r nu boote ye Magham mbu̱ khar viti ɓaanu.

2 Korintiyeku 3:6

Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

Galatiyeku 3:13

Yang chem wa lawa mbe miiri barke ɓu̱ Bibitang, ku̱me Masiya wa gwa miiri barke ku̱me chem tu̱ dli ɗyinerem. Jiwa a nje bu̱laran za, “Kap njif nu̱ mu̱tki katlan me qu̱fari barke ɓaran miiran.”

Galatiyeku 6:15

Dlarsi ndu̱ song dlarsi ɗya aa nu̱m ɓa, ɗyi nu̱ khaki nu̱ boota chin ke ku̱ nduk kha ma mewar du̱ngdi.

Afiseku 4:24

Da ma pooni mewar ɗye shir mbarkandi nu̱ Magham du̱ngki mbu̱ shipar ɓaran. Ɗye shir nu̱ka wutki varan mbe shir dambi zhirekandi, ndu̱ khar wakakandi.

Filipiyeku 3:3

Ai, chem ke nu̱ dlarsi mbarkandi, chem nyem ka gharki ghai ye Magham nu̱ ku̱nshe Jiimbi shakhshakhndi, chem a wakhti ndu̱ Masiya Yesu, yang nyem maita tlu̱nar ɗyin mbu̱ manva ɓa.

Kolosiyeku 3:10

tun wa da mewar ɗye shir mbarkandi. Nang ke njif mewakandi nu̱ Magham du̱ngki nu̱ke a gaɓti nu̱ chin tu̱ kha mewa aa nyi sarchi ma ku̱ kha wa chin, ma ku̱ sa nu tun zu̱n nda mbari.