Romeku 7:5 - Mewar Alqawarang

⁵ Jiwa sarchi nu̱ke chem kharan mbe ɗye shir ɓu̱ nduku, Bibitang a sokh shimndi ɗyiku malkandi ɓaarem. Tu̱ shimndi ɗyiku malkandi ɓaarem nang ki tlu̱nar mbu̱ man vaarem, tu̱ tlu̱nar ɓaarem ki ɓar ndu̱ mu̱ti yerem.

Romeku 7:5 ပူးပေါင်းရင်းမြစ်များ

Matta 15:19

Ku̱me kwaari malkandiku ndu̱ tlaghar mu̱ti, ndu̱ zawar mbu̱ ɓu̱rti, ndu̱ zawar ku zum zum, ndu̱ muuri, ndu̱ saidu kotame, ndu̱ khu̱ɓti nduki ka vi mbu̱ memu̱na nduku.

Yokhana 3:6

Ɗyi nu̱ nduk khaki ɗya nduku, yang ɗyi nu̱ Jiimba khaki ɗya Jiimba.

Romeku 1:26

Ku̱me nang tu̱ Magham yaɓ wor gha tu̱ ka shim shir ɗye kawarku bam bam. Tu̱ nusuku ɓaanda nggoɗ tu̱ njig qaandi ndu̱ khuzuku wa nu̱ Magham du̱ngki ku̱ nduk shi, tu̱ ka qan ndu̱ yen ve njiv nu̱ke nu̱ shipa ɓa.

Romeku 3:20

Jiwa nduk a nje nu̱ke ka khaki waare sola gume Magham nu̱ ku̱nshe mbu ɗyi nu̱ Bibitang zu̱ki ɓa, ku̱me Bibitang a wutkya solar ɓaarem yerem.

Romeku 4:15

Bibitang a dutkya shokhnar ɓu̱ Magham, ku̱me mbu̱ Bibitang a nje ɓa, zop nje zum ɓa.

Romeku 5:20

Vu̱r Bibitang ma ku̱ sola a vi ye dalangi. Yang sarchi nu̱ sola shaataki, tu̱ mu̱nkir ɓu̱ Magham shaata maɗyi.

Romeku 6:13

Ku̱ njig nu tun vu̱r me bar ɓaanu ye sola tu̱ kha ma ɗye tlu̱nar malkandi ɓa. Yang vu̱r ma vaanu ye Magham tun kha wa nduki nu̱ lawaki wor ɓar mbu̱ khar mu̱ti ma gwa nyifiri. Vu̱r ma me bar ɓaanu ye Magham tun kha ma ɗye tlu̱nar dambu.

Romeku 6:19

Nga shikya pooni ɓalar ɓu̱ nduk ye nu, ku̱me tu̱ɓti ɓaanu nu̱ me ɓu̱ nduku. Ɗau fara tun wa su̱n ndu̱ vu̱rti me bar ɓaanu ma tlu̱na ɗye zhaaneku, ndu̱ mu̱nar nu̱ke a zu̱m guma ndu̱ shaatari aakochi. Yang leendang vu̱r ma me bar ɓaanu ye tlu̱nar dambu, tun kha wakaran.

Romeku 6:21

Yang leendang tun gwakya nu̱m mbe ɗyiku nu̱ khaki ye nu ma ɗye kawar nang na? Ai, lauɗar si ɗyiku nang ɗya mu̱ɗi!

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

Romeku 7:23

yang nga na ɗyi nggur zum mbu̱ me barku ɓanga nu̱ke a dakhla ɗyi nu̱ke memu̱nara daki ya. Ɗyi nang wa sa tang kha ma maavi ɓu̱ sola nu̱ke a nje mbya.

1 Korintiyeku 15:56

Ai, sola ke ɗye taɓti ɓu̱ mu̱ɗi, yang kuma ke du̱mbu̱r ɓu̱ sola.

2 Korintiyeku 10:3

Aa nu̱ke chem kharan mbu larji nang, nyem ka shi khar viti ɓaarem wa nduki nu̱ larji ɓa.

Galatiyeku 3:10

Jiwa kap nduki nu̱ tamanki za wor ka gwa dlu̱r she Magham ku̱me wora mbu Bibiti ɓu̱ Musa, wa mi barke ɓaanda. Jiwa bu̱lar Ɓalar ɓu̱ Magham wa zu̱ za, “Njif nu̱ke nu̱ mbu ɗyi nu̱ke a nje bu̱laran mbu̱ Lagarkati Bibitang ɓa, Magham wa mi barke ɓaran.”

Galatiyeku 5:24

Nduki ɓu̱ Masiya Yesu wa katl ɗye shirku ɓu̱ me manva gha su̱yen ndu̱ ɗyi malkandiku zum zum nu̱ke manva a shimndan.

Afiseku 2:11

Ku̱me nang, kor ma khar ɓaanu ɗau fara tun nu̱ke tun Yakhudeku ɓa. Nduki nu̱ka qaki var wor za wor “nu̱ dlarsi” nang, wa ka qa nu za, “Nu̱ song dlarsi ku.” (Yang wonji dlarsi nang ɗya nu̱ man va, nu̱ka shiki ndu̱ khar.)

Afiseku 2:3

Chem kap wa wora ɗau fara, chem a mbu shimndiku ɓu̱ man vaarem, chem a shikya ɗyi nu̱ man vaarem ndu̱ memu̱narem zu̱ki yerem ɗyenda. Ku̱me ɗye shir ɓaarem ɗya ɓu̱ man va, tu̱ga shokhnar ɓu̱ Magham a ɓa ɗyinerem ba wa nu̱ke a nje ɗyine wora.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

Yaqub 1:15

Mbu̱ melakh malkandi ɓaran wa shi ghu̱rɓan tu̱ ka kha solari. Mbu̱ yang solarang wa gori tu̱ kha mu̱ti.

Yaqub 4:1

Nu̱m ke nu̱ ɓar ndu̱ keele ndu̱ dakhlari chele ɓanwang na? A ɓa ku̱me melakhku zum zumndi nu̱ke a dakhlar mbu̱ vaanu ɓa goma?

1 Yokhana 3:4

Nu̱ shir sola kap ɗya nu̱ zhangndi mbu bibiti. Wanang shwat, sola ɗya zhangndi mbu bibiti ɓu̱ Magham gha.