Romeku 7:4 - Mewar Alqawarang

⁴ Ɗyen wanang tu̱k nyeezaku, ɗyi nang zu̱ki nang a wutkya pooni ɗyi nu̱ ɗatlki ndu̱ tunu. Mu̱ti ɓu̱ Masiya ɗyin qu̱far kaatlang wa sa tun kha mu̱tan mbe Bibitang. Leendang tun a khar ɓaran, chin Yesu nu̱ Magham jiiki ndu̱ chin ɓar mbe mu̱ti, ma ku̱ vu̱r nu boote ye Magham mbu̱ khar viti ɓaanu.

Romeku 7:4 ပူးပေါင်းရင်းမြစ်များ

Matta 26:26

A mbu̱ zu̱mndi ɗye zu̱mndang ku, tu̱ Yesu da ɓurti tolirang, tu̱ kuna Magham, tu̱ ɓakhla nu̱ gha tu̱ vu̱r ye nu̱ mburi nda kwang za, “Dlu̱ ma tun nji, na ɗya man vara.”

Markus 4:20

Yang ye pooni nu̱ ku̱ɗbaki nu̱ ɗyin ghai mbarkandang a khar wa ndukiku nu̱ ka tu̱kki ɓalar ɓu̱ Magham tu̱ dlu̱ ku, tu̱ shi boote ku si. Tu̱ nja woi ɗyin kunung ɗyin kunung, ndu̱ ɗyin njong ɗyin njong kom ndu̱ won won.”

Yokhana 15:8

Shi ma ɗyi nu̱ke Magham a shimndan, ma wut nu za tun nu̱ mburi nga, ku̱me nang ke ɗyi nu̱ke kaɗa ɓa ki ndu̱ zhaaji ye Zhinkir ɓanga.”

Yokhana 3:29

“Wonkhar nu̱ shiki ɓu̱rti mewa ke nokhzi nu̱ zhin ɓu̱rtang, raptikir ɓu̱ nu̱ zhin ɓu̱rti nu̱ke a nje ye maa ɓu̱rtang ka bu ma tu̱k su̱qur nu̱ zhin ɓu̱rtang. Wa ka kasha maɗyi mbu wa tu̱k nu̱ zhin ɓu̱rtang wa shi ɓalari. Wanangang tu̱k kashar ɓang wa nyedli.

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Romeku 6:11

Tun yang tu̱k, da ma vaanu nu̱ ɗyine tun wa mu̱t ye zalale ɓu̱ sola, tun kha ndu̱ nyifiri mbe khar mu̱nkandi ndu̱ Magham nu̱ ku̱nshe Masiya Yesu.

Romeku 6:14

Ku̱ sola shi kwaaɗar ɗyine nu ɓa, nu̱ke tun a mbu̱ bu̱n Bibitang ɓa, tun a mbu̱ bu̱n mu̱nki.

Romeku 6:2

Fu̱n ɗo! Nu̱ shipa sar da ɓa! Chem nyem mu̱tki mbe sola, yang ka shi kikimndi chem zu̱m guma ndu̱ khar mbu̱ solarang na?

Romeku 6:22

Yang leendang wa dli ɗyinonu, tun lawa mbe sola, tun wa kha ma maaviku ɓu̱ Magham. Boote ni chin ke tun wa kha wakaran, yang tun ka gwa nyifi nu̱ke ɓu̱ shi woɗa ɓa ku̱men.

Romeku 7:3

Mbu̱ ke zhimen a nje ndu̱ nyifiri, tu̱ yang ɓu̱r njif nggur zum, wa kha ma nu̱ zawa. Mbu̱ yang mu̱ɗ mu̱ɗi bibiti ɓu̱rtang a nje ɗyine nda tu̱k ɓa, aa wa shi ɓu̱rti ngguri nu̱ kha ma nu̱ zawa ɓa.

Romeku 7:6

Yang leendang ɗyinerem wa vi, chem wa lawa mbe Bibitang nu̱ke chem wa mu̱t mbe ɗyi nu̱ gu̱nki rem nu̱gha. Leendang chem a shikya tlu̱nar ɓu̱ Magham ndu̱ mewar khar viti nu̱ ku̱nshe Jiimbi ɓaran. Tlu̱nar nyem shiki ye Bibitikwang wa peeta.

Romeku 8:2

Nu̱ke bibiti ɓu̱ Jiimbi nu̱ka vu̱rki nyifiri wa lawa nga mbe bibiti solar ndu̱ mu̱ti nu̱ ku̱nshe Masiya Yesu.

1 Korintiyeku 10:16

Ɗyekhti nu̱ barke nyem ka kunakyang, chin ke nu̱ sa rem chem kha ma ɗyi da mbu̱ tom ɓu̱ Masiya ɓa goma? Chin ɓu̱rti tolir nyem ka ɓakhlakyang chem nji nang ke nu̱ sa rem chem kha ma man var da mbe man var Masiya ɓa goma?

2 Korintiyeku 11:2

Nga zhiri ɓaanu ndu̱ pooni zhiri ndolar nu̱ke Magham a shiran ye nu. Ku̱me nang nga da alqawar ɓu̱rtonu ɓar ye Masiya, yang nga shim ku̱ kha nu shibtan, ma ku̱ vu̱r nga nu yenda ba wa njif nu̱ke a vu̱r wonkhar nu̱ke ɗyinan ku̱san ye zhimen.

Galatiyeku 3:13

Yang chem wa lawa mbe miiri barke ɓu̱ Bibitang, ku̱me Masiya wa gwa miiri barke ku̱me chem tu̱ dli ɗyinerem. Jiwa a nje bu̱laran za, “Kap njif nu̱ mu̱tki katlan me qu̱fari barke ɓaran miiran.”

Galatiyeku 5:18

Mbu̱ yang Jiimba kya mbu ndu̱ tunu, tun a mbu̱ bu̱n Bibitang ɓa.

Afiseku 2:15

Wa da Bibiti nu̱ke wuriku ndu̱ woparkwang a mbanang ɓara nu̱ ku̱nshe mbu̱ti tom ɓaran. Shi wanang ma ku̱ du̱ng mewar pooni na viki mbe pooni rapndi nang. Shir wanangang a ɓa ndu̱ khar mu̱nkandi chele ɓaanda.

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Filipiyeku 4:17

Yang taman nu za nga laɓkya ɗyi nggur she nu ɓa, auwo, nga shimkya gwa nu ɗyi nu̱ke ka shaataki nu̱ ɗyine du̱ngndi ɓaanu.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

Kolosiyeku 1:22

Nu̱ ku̱nshe mu̱ti ɓu̱ Masiya mbu̱ man var nang Magham wa somta nu ye varan, ma ku̱ ɗa ɓa nu̱ tun gume nda, shibtan shakhshakh waare zop.

Kolosiyeku 1:6

Labar mbarkandi nang a ɓar ndu̱ barke, a gwa dlu̱r aa fu̱n mbu̱ larji tu̱k, ba wa nu̱ shiki chele ɓaanu sarchi nun nggaki su̱ tu̱k labar mu̱nkir ɓu̱ Magham, tun da mbu̱ zhire nu̱ke a mban.

Kolosiyeku 2:14

Tu̱ pasha kudum malkandi bu̱lakandi ɗyinerem nu̱ gha, kom ndu̱ bibiti nu̱ke a si, tu̱ pasha wor nu̱gha guma da, nu̱ ku̱nshe kaatlan gha me qu̱far kaatli.

Kolosiyeku 2:20

Nu̱ke tun wa mu̱t su̱yen ndu̱ Masiya, tun wa shakh ndu̱ khu̱kheetiku malkandi nu̱ larji nang, nu̱m saki tun ki khar ɓaanu wa tun ɓu̱ larji ma ɓar meenang na? Nu̱m saki tun ki mbu bibitiku nu̱ke nduki a vu̱rtan ye nu

Yibraniyeku 10:10

Mbe shimndi ɓu̱ Magham wa gaɓ ndu̱ chem ma nduki ɓaran shakhshakhndi nu̱ ku̱nshe sadke nu̱ Yesu Masiya vu̱rki man varan sar kaada ye kharki.

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

Ɗyin mbu̱ tukari 19:7

Ku̱ memu̱na rem kha ɓong, chem kasha, chem vu̱r zhaaji yenda! Jiwa sarchi ɓu̱rti ɓu̱ Ye gamndang wa shi. Nokhzi nu̱ke a ma ɓu̱rtanang wa daasa varan.

Ɗyin mbu̱ tukari 21:9

Tu̱ da chele nu̱ ru̱ktiku mutndi nu̱ du̱ɓaku nu̱ nyeelki ndu̱ alobeku mutndi nu̱ gana nang a ɓa sha tu̱ zu̱ ya za, “A ɓo, wut nga Wonkhar nu̱ke a ma ɓu̱rti mewa, chin ke nokhzi Ye gamndang.”