23 yang nga na ɗyi nggur zum mbu̱ me barku ɓanga nu̱ke a dakhla ɗyi nu̱ke memu̱nara daki ya. Ɗyi nang wa sa tang kha ma maavi ɓu̱ sola nu̱ke a nje mbya.
Ku̱ njig nu tun vu̱r me bar ɓaanu ye sola tu̱ kha ma ɗye tlu̱nar malkandi ɓa. Yang vu̱r ma vaanu ye Magham tun kha wa nduki nu̱ lawaki wor ɓar mbu̱ khar mu̱ti ma gwa nyifiri. Vu̱r ma me bar ɓaanu ye Magham tun kha ma ɗye tlu̱nar dambu.
Nga shikya pooni ɓalar ɓu̱ nduk ye nu, ku̱me tu̱ɓti ɓaanu nu̱ me ɓu̱ nduku. Ɗau fara tun wa su̱n ndu̱ vu̱rti me bar ɓaanu ma tlu̱na ɗye zhaaneku, ndu̱ mu̱nar nu̱ke a zu̱m guma ndu̱ shaatari aakochi. Yang leendang vu̱r ma me bar ɓaanu ye tlu̱nar dambu, tun kha wakaran.
Magham ɗye kuna, ku̱me wa lawa nga nu̱ ku̱nshe Yesu Masiya Zhinerem gwaanji! Ku̱me nang nga mbukya bibiti ɓu̱ Magham mbu̱ memu̱nara, yang mbu̱ ɗye shir ɓanga ye khar ɓang nduku, nga mbukya bibiti ɓu̱ sola.
Ku̱me shimndi ɓu̱ manva nu̱ka dlu̱ yen ndu̱ Jiimba ɓa. Yang tu̱k Jiimbyang nu̱ka dlu̱ yen ndu̱ shimndi ɓu̱ manva zum ɓa. Ɗyiku rapndi nang nu̱ka dlu̱ yen shwat ɓa. Nang ke ɗyi nu̱ saki nun ka ɗu̱ma shi ɗyi nu̱ke tun a shim ku̱ shi nu ɓa.
Ku̱me kap ɓaarem chem wa ka shi zop ve njivku zum zum. Mbu̱ yang nduk nu̱ ka shi zop mbe ɓalar ɓaran ɓa, njif nang ɗya njif nu̱ke nyeedlan, wa ka ɗu̱ma ku̱s varan guma da.
Raptaku nu̱ke nga ndolaran, nu̱ke tun a shikya khar runggu mbu̱ larji nang, maa kha nu fan ɓa, nga khutonu, shakh ma ɗyinonu ndu̱ ɗye shir malkandi nu̱ melakh ɓu̱ nduku, ɗye shir nang a wute ndu̱ jiimbonu.