Romeku 6:4 - Mewar Alqawarang

⁴ Nang a wutan za wa pa rem gha su̱yen ndu̱ chin mbe baptisma sarchi nu̱ paki nda. Chem kha da mbe mu̱ti ɓaran, ku̱me ba wa nu̱ jiiki ndu̱ Masiya nu̱ ku̱nshe zalale nu̱ zhaaji ɓu̱ Zhinkirang, wanang tu̱k ku̱ kha mi ndu̱ mewar khar viti.

Romeku 6:4 ပူးပေါင်းရင်းမြစ်များ

Yokhana 11:40

Tu̱ Yesu ze nda za, “Nang zu̱ yor nga za mbu̱ ta maita to ka na zhaaji ɓu̱ Magham de?”

Yokhana 2:11

Nang ke ɗye lazham nu̱ khaki ma ɗye saidu nu̱ gumapaali nu̱ Yesu shiki, yang shir nda Kaana nu̱ke a mbu̱ dlar ghai Galili. Wa wuɗ zhaaji ɓaran, tu̱ nu̱ mburindakwang maita nda.

Tlu̱nar ɓu̱ Pudeku 2:24

Yang tu̱ Magham ji ndu̱ chin ɓar mbe mu̱ti, tu̱ lawa nda ɓar mbe zalale ni. Ku̱me ɓu̱ shi ku̱ mu̱ti khubti nda ɓa.

Tlu̱nar ɓu̱ Pudeku 2:32

Magham wa ji ndu̱ Yesu nang ɓar mbe mu̱ti, yang chem nang kap saidu zhire ɓu̱ ɗyiku nang.

Romeku 6:19

Nga shikya pooni ɓalar ɓu̱ nduk ye nu, ku̱me tu̱ɓti ɓaanu nu̱ me ɓu̱ nduku. Ɗau fara tun wa su̱n ndu̱ vu̱rti me bar ɓaanu ma tlu̱na ɗye zhaaneku, ndu̱ mu̱nar nu̱ke a zu̱m guma ndu̱ shaatari aakochi. Yang leendang vu̱r ma me bar ɓaanu ye tlu̱nar dambu, tun kha wakaran.

Romeku 6:3

Alapa nun zu̱n za chem kap ɓaarem nu̱ shiki baptisme yerem mbe Masiya Yesu, shi yerem nu̱ mbe mu̱ti ɓaran ɓa goma?

Romeku 6:8

Yang nu̱ke chem wa woɗa mu̱ti su̱yen ndu̱ Masiya, chem wa maita nu̱ ɗyine chem ka shi khar ɓaarem ndu̱ nyifiri su̱yen ndu̱ chin.

Romeku 6:9

Jiwa chem wa zu̱n nu̱ ɗyine wa ji ndu̱ Masiya ɓar mbe mu̱ti, yang ɓu̱ gaɓ tu̱ mu̱ɗi sar da tu̱k ɓa. Nang wa wut nu̱ ɗyine zalala kha mu̱t ɗyine nda sar da tu̱k ɓa.

Romeku 7:6

Yang leendang ɗyinerem wa vi, chem wa lawa mbe Bibitang nu̱ke chem wa mu̱t mbe ɗyi nu̱ gu̱nki rem nu̱gha. Leendang chem a shikya tlu̱nar ɓu̱ Magham ndu̱ mewar khar viti nu̱ ku̱nshe Jiimbi ɓaran. Tlu̱nar nyem shiki ye Bibitikwang wa peeta.

Romeku 8:11

Mbu̱ Jiimbi shakhshakhndi nu̱ jiiki ndu̱ Yesu mbe mu̱ti a nje kharan mbe nu, ba chin nu̱ jiiki ndu̱ Masiya mbe mu̱tang ka vu̱r nyifiri ye man vaanu nu̱ka mu̱tki. Nu̱ ku̱nshe Jiimbi nu̱ke a nje kharan mbe nwang.

1 Korintiyeku 6:14

Ba wa nu̱ Magham jiiki ndu̱ Zhinerem gwaanji ɓar mbe mu̱ti, ka ji ndu̱ chem wanang tu̱k nu̱ ku̱nshe zalale ɓaran.

2 Korintiyeku 13:4

Aa nu̱ke kaatli nda gha mbe katar du̱mbu̱r, tu̱ yang kha ndu̱ nyifiri nu̱ ku̱nshe zalale ɓu̱ Magham. Aa chem nang, du̱mbu̱r ɓaarem kata mbe nda, wanang tu̱k nu̱ ku̱nshe zalale ɓu̱ Magham, chem kha nu̱ nyifiri su̱yen ndu̱ chin ma ɗana nu.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

Afiseku 4:17

Nga ɓalar nang ye nu, yang nga shikya maataran ye nu mbu̱ dlu̱m Zhinerem gwaanji nu̱ ɗyine, ku̱ kha nu wa nduki nu̱ke ɗya Yakhudeku ɓa nda ɓa, nu̱ kwaari bamndiku.

Afiseku 5:8

Nu̱ke ɗau fara tun a mbu̱ zhumi, yang leendang tun wa gwa yarang nu̱ ku̱nshe Zhinerem gwaanji. Tun shi pooni khar ɓu̱ nduki nu̱ mbu̱ yarangi,

Kolosiyeku 3:10

tun wa da mewar ɗye shir mbarkandi. Nang ke njif mewakandi nu̱ Magham du̱ngki nu̱ke a gaɓti nu̱ chin tu̱ kha mewa aa nyi sarchi ma ku̱ kha wa chin, ma ku̱ sa nu tun zu̱n nda mbari.

Kolosiyeku 4:1

Tun zhinkirku nu̱ rafa, khuɓ ma maaviku ɓaanu mbari. Tun vu̱r ɗyi nu̱ shipaki ku̱ gwa ku ye wora. Kor ma nu̱ ɗyine tun tu̱k Zhinkir gwaanji a nje kha nu viɗi.

1 Biturus 3:21

Yang ɗyim nang a khar wa baptisme nu̱ka ɗanaki nu. Tun yang tun wa gwa ɗanar nu̱ ku̱nshe ɗyim baptismyang. Yang ɗanar nyem gwaki nang chem gwa ku̱me shiɓti ru̱gnar ɓar ve vaarem ɓa. Chem gwa ɗanarang ku̱me alqawar chele ɓaarem nu̱ Magham ndu̱ memu̱nar mbarkandi, kom ndu̱ jiiri ɓu̱ Yesu Masiya ɓar mbe mu̱ti.

1 Yokhana 2:6

Kap njif nu̱ zu̱ki za chin a khar mbe Magham, wa ku̱s ku̱ shi yir wa nu̱ Masiya Yesu shiki.